Quinquagena III.

101. Ave, virgo, quam omnis natio
Veneratur nuncet in saeculum,
A me, laudem tuam qui nuntio,
Omne, precor, aufer periculum,

102. Ave, mater Iesu laudabilis,
Gyro caeli terraeque dominans,
Tu sis mihi interminabilis
Vitaeseclemin caelispraeparans.

103. Ave, quam hierarchiaecaelicae
Venerantur

condignis laudibus,
Naufragantem ecclesiasticae
Plebis navem subleva precibus.

104. Ave, consolatrix maerentium,
Maris stella quae recte diceris,
Consolamen tuum quaerentium
Preci aures ne obfirmaveris.

105. Ave, fruens caeli deliciis
Ventris tui cum almo germine,
Nos illectos concupiscentiis
Carnis tuae munda precamine.

106. Ave, virgo, caeli galaxia,
Qua ducuntur iusti in patriam,
Oberrantes a via regia
Legis Dei reduc per gratiam.

107. Ave, quam in

sanctorum numero
Prima summa locavit deitas,
Invocare cum te nequivero
Prae angore mortis, subvenias.

108. Ave, sidus caeli signiferum,
Tuo cuncta illustrans radio,
Contra nos elatam anguiferum
Caput tua premat oratio.

109. Ave, quae

incircumscriptibilem
Tuo sacro clausisti utero,
Vitam meam nunc miserabilem
Muta, ne damner cum lucifero.

110. Ave, cuius magnificentia
Deitate relucet filii,
Reple Dei me sapientia,
Donum quoquepraestaconsilii.

111. Ave, stella, quae tuo lumine
Solis lucem

vincis et menstraae,
Tuo, flagito, coruscamine
Mentem meam lustra assidue.

112. Ave, formam

praebens humilibus,
Dicens: ecce, ancilla Domini,
Collocare cum caeli civibus
Tuo benedicentes nomini.

113. Ave, virgo,

quae caelum diceris,
Astro splendens

inconfuscabili,
Tui, precor,

sis memor memoris,
Venerantis te voto humili.

114. Ave, virgo, quae te petentibus
Tuis ades cum adiutoriis,
Sublevamen pie degentibus
Praebe poenis in purgatoriis.

115. Ave, virgo, fons indeficiens,
Salutaris eructans calicem
Da, ut digne illum suscipiens
Sim supernae civis Ierusalem.

116. Ave, cuius aeterna veritas
Alvo nascens illuxit gentibus,
Tua dulcis me servet pietas
Laborantem petulcis motibus.

117. Ave, virgo,

mons, quo abscinditur
Lapis nectens duos parietas,
Laudi tuae qui nunc innititur,
Per te sedes acquiratperpetes.

118. Ave, o immaculatissima,
Legem implens sincero opere,
Mentis meae conforta intima,
Ut eandem queant exquirere.

119. Ave, decus incomparabile
Ac excemplar

virtutum omnium,
Fac in fide cor meum stabile,
Contra fraudes

decertans daemonum.

120. Ave, cuius nati per merita
Caeli nobis patet introitus,
Honorantis te laude debita
Protegatur a carne exitus.

121. Ave, virgo,

Iudith pulcherrima,
Holofernem ducem decapitans,
Mentis meae, quaeso, finitima
Sis per caritatem pacificans.

122. Ave, virgo, caelorum domina,
Commendatus

sum cuius manibus,
Mundanorum me oblectamina
Refutare fac totis nisibus.

123. Ave, Sion superna filia,
Quae trivisti peccati laqueum,
Contra tela hostis subtilia
Tuae pone virtutis clipeum.

124. Ave, veri solis umbraculum,
Nube celans hunc tui uteri,
lustae vitae pelle obstaculum,
Ne in fundum mergamurinferi.

125. Ave, cuius ventris editio
Consolamen

praebuit mentibus,
Tua felix magnificatio
Nos in caelo

iungat gaudentibus.

126. Ave, via, per quam appropians
Samarites aegrotum reficit,
Mentem meam

sis reaedificans,
A virtutis quae bono deficit.

127. Ave, radix virgae fructiferae,
Effundentis vinum laetiliae,
Me digneris nunc benedicere,
Qui devastor bellva tristitiae.

128. Ave, vellus divino madidum
Rore, dans pugnanti solacium,
Servum tuum informa stolidum
Scripturarum intellegentia.

129. Ave, virgo, cuius custodia
Semper praesto

est te amantibus,
Da defunctis precis auxilia
De profundis

ad te clamantibus.

130. Ave, virgo, cuius humilitas
Exaltationem promeruit,
Subiugetur per te protervitas
Mea legi Dei, quam praebuit.

131. Ave, cuius per fructum uteri
Restaurantur sedes angelicae,
Meo, precor, medere vulneri,
Quod ab Adae
contraxi traduce.

132. Ave, reparatrix concordiae
Inter Deum,

mundum et angelos,
Commendati tuae custodiae
Tuo unge unguento oculos.

133 Ave, virgo,

per quam credentibus,
Aperitur caelorum atrium,
Benedic te benedicentibus,
Ab incursu defendens hostium.

134. Ave, nubes,

qua Christus Dominus
Est in regna latus Canopica
Luxum carnis abice eminus,
Quo defendar vi diabolica.

135. Ave, virgo, quae sole cingeris
Calcearisque luna pallida,
Vitam meam periclis asperis
Subiacentem levans consolida.

136. Ave, virgo, cuius per filium
Est devictus rex Babyloniae,
Huius mundi me post exsilium
Sedi redde caelestis curiae.

137. Ave,quamhierarchiae caelicae
Persequuntur laude unanimi,
Te colentes benigne respice
Dirigendo in viam Domini.

138. Ave, stella,

quae nunquam mergeris
Obumbraris nec ullo turbine,
Habitantes in mundi tenebris
Ab erroris purga caligine

139. Ave, virgo Aaron gracilis,
Paradisi florens amygdalum,
Me, qui, heu, sum

ad malum facilis,
Ne incurram,

conserva, scandalum.

140. Ave, fragrans o caeli lilium,
Cuius odor infirmos recreat,
Servi tui hoc sacrificium
Ut incensum tibi redoleat.

141. Ave, virgo,

quae caeli principem
Vultu semper

iucundo respicis,
Dolis suis defrauda aucupem
Infernalem cum suis pedicis.

142. Ave, veris rosa praefulgida,
Cuius odor

fraglat ut balsamus,
Corda nostra torpore algida
Igne sancti accende spiritus.

143. Ave, funda victoris Davidis,
Qua Golias saevus perimitur,
Scutum nobis sis corde pavidis,
Inimicus quos trux insequitur.

144. Ave, salutata magnifice
Gabriele a Deo nuntio,
Nos in imis iacentes respice
Beatorum nectens consortio.

145. Ave, quae hunc pravisti ubere,
Qui dat escam esurientibus,
Me digneris lapsum erigere
Conectendo tibi psallentibus.

146. Ave, virgo, quae stellis fulgidis
Coronaris bis senis mystice,
Corda nostra infunde fluidis
Gratiarum rivis mirifice.

147. Ave, porta in domo Domini
Clausa, Deo exsistens praevia,
Me concorda superno flamini
Vitiorum currentem in via.

148. Ave, mater, callis errantium
Draconisque deiectrix sub doli,
Choro te in caelis laudantium
Tui vocem coniunge famuli.

149. Ave, regis aeterni alitrix,
Beatorum quam

laudant cantica,
Illis, precor, o Dei genetrix,
Famulantem me tibi adplica.

150. Ave, mater mundi opificis,
Omni carens peccati macula,
Melodiis, da, te organicis
Laudem per infinita saecula.

Parerga.
Super Beati immaculati.

Aleph.
1. Ave, o immaculatissima,
Legem implens sincero opere.
Mentis meae conforta intima,
Ut eandem queant exquirere.

Beth.

2. Ave, virgo o venerabilis.
Mater tamen exstas per gratiam,
Ora Deum precibus sedulis,
Vitani meam ut cito corrigam.

Gimel.
3. Ave, Esther, cuius industria
Fregit Aman stygis consilium,
Aufer a me, quaeso. opprobria
Et contemptum ferens auxilium.

Daleth.
4. Ave, virgo, quam corde fervido
Veneratur nostrum collegium,
Cordi meo peccatis arido
Lacrimarum infunde fluvium.

He.

5. Ave, virgo succurrere subditis
Tibi prece tua vivifica,
Incedentem reflexis semitis
Me divinis mandatis adplica.

Vau.

6. Ave, cuius misericordiam
Nuntiamus per cultum sedulum,
Legem Dei, fac, ut custodiam
Ex boc nunc et

usque in saeculum.

Zain.

7. Ave, cuius dulcedo nominis
Est turbatis magna refectio,
Ab instinctu defende daemonis
Me, quem premit
mentis defectio.

Heth.

8. Ave, quae supernorum apicem
Tenes laude iucundans varia,
Cordis mei emunda silicem
Induratum peccati scoria.

Theth.

9.Ave, virgo, quae guttis lacteis
Natum tuum pavisti dulciter,
Legem datum tabellis saxeis
Meditari fac me sinceriter.

Ioth.

10. Ave, o matrona praecipua,
Quam praesenti

laudo poemate
Omnes in me sordes evacua,
Ut aeterno te laudem neumate.

Caph.

11. Ave, consolatrix maerentium,
Quibus ades tuo solamine,
A furore me persequentium
Tuo protegas adiuvamine.

Lamech.

12. Ave, cuius per venerabilem
Ventrem mundo

reluxit veritas,
Sinum tuum assecurabilem
In extremis mihi aperias.

Mem.

13. Ave, virgo, cuius suavitas
Omnem aufert amaritudinem,
Prece tua mihi divinitas
Scripturarum

praestet dulcedinem.

Nun.

14. Ave, virgo, sub cuius pedibus
Decurvantur mentes ingenuae,
Cordis mei affectionibus
Verbum Dei lucernam tribue.

Samech.

15. Ave, Deum quae invisibilem,
Ostendisti nobis divinitus,
Timoratum fac me et humilem,
Exaltari ut queam caelitus.

Ain.

16. Ave, feminarum pulcherrima,
Auro gemmisque pretiosior,
Mihi sublevamen, piissima,
Pruebe, qui a pVavis calumnior.

The.

17. Ave, mentis solatrix naufragae,
Ab hac omnem

pellens miseriam,
Gressus meos in viam dirige,
Qua venitur ad caeli patriam.

Sade.

18. Ave, per quam corona pristina
Restituitur innocentiae,
Mihi, quaeso, digneris, domina,
Impertire zelum iustitiae.

Coph.

19. Ave, virgo, cuius maturitas
Morum datur cunctis in regulam
Mentis meae, quaeso, stoliditas
Ad eandem formetur normulam.

Res.

20. Ave, per quam venit humanitus
Omnis creaturae principium,
Idem tuus det unigenitus
Caelum nobis in municipium.

Sin.

21. Ave, virgo, quam super aethera
Vexit Dei aeterni bonitas,
Symphonistam tuum corrobora,
Quem hostilis gravat immanitas.

Thau.

22. Ave, cuius vi deprecaminis
Triumphamus demortis principe,
Hymnodiam huius dictaminis
Offerentem a malis eripe.