Quinquagena III.

101. Ave, mater, animae
Vagae hospitatrix,
Quae se noxis pessime
Foedat et peccatrix,
Rogo devotissime

Te, o mi amatrix,
Meae ut citissime
Mentis sis curatrix.

102. Ave, virgo, aquila

Dei singularis,
Omnia per saecula

Cum quo iucundaris,
Prece, rogo, sedula

Odis his praeclaris,
Momenta per singula

Ut me tuearis.

103. Ave, cornu oleum

Servans unctionis,
Levigat quod impetum

Persecutionis,
Sis mihi praesidium

Tempore agonis,
Ne vincat obsidium

Barathri draconis.

104. Ave, quam nunc veneror

Hac in cantilena,
Es nam cunctis sanctior

Gratiaque plena,
Cum Maria, deprecor,

Assis Magdalena,
Solvens me, qua implicor,

Scelerum catena.

105. Ave, lux virginea,

Tenebras peccati
Pellens ac erronea

Mundi depravati
Cordis mei saxea

Onera caecati
Aufer et per carnea

Vitia foedati.

106. Ave, dux errantium

In mundi procella,
Quibus das praesidium

Velut maris stella,
Pro nobis ad filium,

Precor, interpella,
Hostis ut obsidium

Auferat et bella.

107. Ave, Christi Domini

Genetrix electa,
Nunc beatitudini

Caelorum invecta,
Adplica huic carmini

Aures, mi dilecta,
Tibi quod nunc cecini

Mente circumspecta.

108. Ave, virgo luminis
Caelici lucerna,
Quo devoti hominis
Lustrantur interna,

Mei sis geniminis
Adiutrix materna,

Hoc a labe criminis
Absolvens veterna.

109. Ave, fortis mulier,

Pede quae trivisti
Satanam tunc fortiter,

Quando genuisti
Nobis mirabiliter

Corpus Iesu Christi,
Credulam quo dulciter

Plebem refecisti.

110. Ave, felix femina,

Sanctior prae cunctis,
Diva per spiramina

Chrismatis inunctis,
Praesta consolamina

Vivis ac defunctis,
Mihi per ligamina

Naturae coniunctis.

111. Ave, cuius largitas

Iuste commendatur,
Pauperum modicitas

Qua locupletatur,
Adversantum pravitas

Per te propellatur
Ab his, quorum pietas

Tibi famulatur.

112. Ave, o humillima

Caeli dominatrix
Et vere largissima

Gratiarum datrix,
Hac laude promptissima

Rogo, mi amatrix,
Mea per te anima

Resurgat peccatrix.

113. Ave, domus numini

Summo dedicata
Et misello homini

In asylum data,
Nos laus baec nunc nomini

Tuo decantata
Iungat aggregamini

In vita beata.

114. Ave, quae dignissima

Es creaturarum
Unquam a potentia

Dei creatarum,
Dolores, piissima,

Tollas animarum
Pro peccatis maxima

Poena detentarum.

115. Ave, virga flosculo

Pollens divinali,
Qui mundum a vinculo

Solvit criminali,
Te laudantem sedulo

Laude speciali
Tutes a diabolo,

Rege gehennali.

116. Ave, stella, radium

Mirum quae misisti,
Cum salutem gentium

Carne genuisti,
In caelis tripudium

Angelis auxisti,
Satanae excidium

Et solamen tristi.

117. Ave, lapis caelicae

Novaeque scructurae,
Quam laudant angelicae

Semper creaturae,
Pia mater, abice

Meam molem curae,
Qua premor ab hosticae

Metu imposturae.

118. Ave, via lactea

Viaeque lucerna,
Ducens ad aetherea

Regna vel aeterna,
Meam, o virginea

Mater, sic guberna
Vitam, ne erronea

Me ducat ad inferna.

119. Ave, quae sequentibus
Te praestas ducatum
Ac mundi spernentibus
Huius incolatum,

Post mortem, devotius
Rogo, meum flatum

Perducas celerius
Ad felicem statum.

120. Ave, o lux radii

Caeli emissiva
Et eius contrarii

Omnis expulsiva,
Servi tui devii

Esto directiva,
Servans me a vitii

Semper recidiva.

121. Ave, sagacissima

Domini ancilla,
Oboedientissima

Semper et tranquilla,
Mala, quae in anima

Mea sunt, sugilla,
Iugiter ut optima

Fiat pax in illa.

122. Ave, quam felicitas

Perornat aeterna,
Tua quam humilitas

Meruit interna,
Perducat benignitas

Tua nos ad verna
Caeli, ubi trinitas

Regnat sempiterna.

123. Ave, celleraria

Sanctae trinitatis,
Gratiae donaria

Praebens praeparatis,
Praestes adiutoria

Tuae pietatis
His, quos purgatoria

Gravant pro peccatis.

124. Ave, mons o caelicae

Benedictionis,
Sate ab opifice

Summo cunctis bonis,
Mentes nostras perfice

Cum virtutum donis,
Lumen dans deificae

Contemplationis.

125. Ave, quam his laudibus

Conor elimatum
Laudare devotibus

Atque decusatum
Fac me, cum gaudentibus

Vivere gregatum,
Caute cum errantibus

Atque separatam.

126. Ave, porta iugiter

Semperque serrata,
Per vatem veraciter

Olim propbetata,
Messiae feliciter

Tandem adaptata,
Subveni celeriter

Mihi, o beata.

127. Ave, quae es unguine

Pneumatis repleta
Et sic divo germine

Miro modo feta,
Te laudantum carmine

Isto mente laeta
Debita pro crimine

Poena sit deleta.

128. Ave, regni superi

Prudens restauratrix,
Consequenter inferi

Es evacuatrix,
Esto mei miseri

Pia defensatrix
Hostisque pestiferi

Fortis expugnatrix.

129. Ave, mater gaudii

Et iucunditatis,
Mater Dei filii,

Mater pietatis,
Gratiam remedii

Cunctis da turbatis
Atque purgatorii

Poenis profligatis.

130. Ave, o sublimior

Cunctis o Maria,
Sanctis nam humilior
Fuisti in via,

Subveni, te deprecor,
Mihi, mater dia,

Virtute pauperior
Omnibus sum quia.

131. Ave, arca gratiae

Et salvationis,
Suavis foedus gloriae

Repromissionis,
Te laudantes serie

Huius cantionis
Refove in requie

Exsultationis.

132. Ave, domus regiae

Christi maiestatis
Ac imperatoriae

Sanctae trinitatis,
Porrige clementiae

Manum tribulatis
Abigens discordiae

Virus cum peccatis.

133. Ave, mirabiliter

Quae Christum concepisti,
Incorruptibiliter

Huncque peperisti,
Carmini sagaciter

Insistentes isti
In caelis perenniter

Tibi fac assisti.

134. Ave, quam nunc veneror

Hoc per carmen meum,
Nam es mihi carior

Omnibus post Deum,
Te devote deprecor,

Pelle Iebusaeum,
Qui modo infestior

Occupat cor meum.

135. Ave, purgans aerem

Sidus o caeleste,
Quando motum lugubrem

Pellis mentis maestae,
Fac, ut caute ambulem,

Recte ac modeste,
Ne foeder per mulcebrem

Motum inhoneste.

13G. Ave, mons deificae

Habitationis
Monsque diabolicae

Comminutionis,
Per istud bymnidicae

Carmen cantionis
Plebi sis catholicae

Mons defensionis.

137. Ave, digna caelici
Regis hospitatrix

Omnisque angelici

Gregis dominatrix,

Populi catholici
Esto gubernatrix

Meique bymnidici
Tui defensatrix.

138. Ave, caecis mentibus

Illuminatorem
Et immundis cordibus

Gignens mundatorem,
Consolamen tristibus,

Curvis erectorem,
Bene laborantibus

Remuneratorem.

139. Ave, venerabilis

Mundi prophetissa,
A Deo christicolis

Ad solamen missa,
Tuta me ab aemulis,

O mi principissa,
Horum corda scandalis

Mihi placa scissa.

140. Ave, mater caelitus
Honorificata,
Fuisti divinitus

Quando impraegnata,
In hac oda servitus
Tibi demonstrata
A me cuncta penitus
Resecet errata.

141. Ave, quae dulcedine
Mundum refecisti,
Cum de sacro flamine
Christum concepisti,

Sed amaritudine
Plena tunc fuisti,

Eum quando sanguine
Tinctum conspexisti.

142. Ave, honorabilis

Dei creatura,
Semper stans a maculis

Vitiorum pura,
Aufer a me singulis

Horis nocitura,
Iungens tuis famulis

In vita futura.

143. Ave, o melliflua

Domina Maria,
Animi a nocua

Mundans phantasia,
Laudantes praecipua

Te hac hymnodia
Ab omni evacua

Culpae dyscrasia.

144. Ave, panis horreum

Et saturitatis,
Pane replens cuneum

Christianitatis,
Inclina virgineum

Cor his praedicatis
Per me tuum famulum

Devote cantatis.

145. Ave, Christi Domini

Claustrum obfirmatum,
Nunquam ullo homini

Carne reseratum,
Carmen istud nomini

Tuo decantatum
Impetret genimini

Meo vitae statum.

146. Ave, stella gratiae

Proferens aestatem,
Hiemem nequitiae

Et inquietatem
Pellentem, ad gloriae

Duc aeternitatem
Laudantem cotidie

Te per caritatem.

147. Ave, quae in Bethlehem

Panem produxisti,
Quo novam Ierusalem

Dulciter pavisti,
In regnum me flebilem

Duc, quod introisti,
Quando miserabilem

Mundum exuisti.

148. Ave, terra fertilis,

Terra pabulosa,
Pascua dans credulis

Multum copiosa,
Te colentem titulis

Laudum hac in prosa
Duc cum tuis famulis

Ad caeli gaudiosa.

149. Ave, fax lucifera

Luminans micatim,
Quam laudo per cantica

Haec enucleatim,
Deprecor, pacifica

Me interduatim,
Donec me ad caelica

Perducas ornatim.

150. Ave, cui ecclesiae

Sanctae consolamen
Per donum laetitiae

Canit iubilamen, .
Auferas nequitiae

Meae laboramen,
Laetus ut cotidie

Te collaudem. Amen