Prooemium.

1. Tibi, mater eximia,
Depromam laudis munia,
Cuius sancta ecclesia
Semper canit praeconia.

2. Huius odas dictaminis
Fantem, o sponsa flaminis,
Vi tui deprecaminis
Absolve nexu criminis.

3. Et sic purgatus primitus
Per dona sancti spiritus
Odis te laudem dignius
Conscriptis in sequentibus.

4. O virgo beatissima,
Ego, quamvis peripsima,
Mente tamen promptissima
Te laudis laudo victima.

5. Terrorem fuga daemonum
Ipsorumque satellitum,
Commotionis impetum
Et nubilum phantasticum.

6. O cunctis castis castior,
Amore tuo crucior,
Sed iterum reficior,
Cum te devote veneror.

7. Cervicem conor flectere
Et mente me prosternere,
Ut me digneris propere
Per gratiam invisere.

8. Assis, o vitae speculum,
Me lustrans tuum servulum,
Ut per sequentem iubilum
Te videam in saeculum.