Quinquagena I.

1. Ave, virgo sanctissima
Consul que fidelissima,
Frutex virtute pullulans
Legemque crebro meditans.

2. Ave, devincens impetum
Carnis hostisque fremitum,
Mundi spernens inania,
Honesta sequens omnia.

3. Ave, susceptrix exsulum
Eorumque latibulum,
Hostilem dentem contere,
Qui nos gliscit percutere.

4. Ave, norma iustitiae
Ac fons misericordiae,
Boni perseverantiam
Da cordisque laetitiam.

5. Ave, regina gloriae
Fulcita ordinarie
Cunctis virtutum titulis,
Dei sic astans oculis.

6. Ave, matrona flentium,
Peccata confitentium
Laborantem in gemitu
Tuo iuva intuitu.

7. Ave, in te sperantium
Salus, virtus, solacium,
Laudantem te concentibus
Salva a persequentibus.

8. Ave, o plena gratia,
Cuius magnificentia
Cunctis est ineffabilis
Hominibus et angelis.

9. Ave, o Dei filia,
Qua fecit mirabilia,
Quae nunquam vidit oculus
Nec audivit auditulus.

10. Ave, praebens fiduciam,
Laetae mentis constantiam,
Serva nos a haeresibus
Per obscura meantibus.

11. Ave, prae cunctis sanctior,
Cui hac oda dulcior,
Me veritatis lumine
Reple ac sanctitudine.

12. Ave, cuius praesentia
Corda sanat maerentia,
Consolare me facie
Tua stantem in acie.

13. Ave, mater, flos virginum,
Pultrix amaritudinum,
Reforma me inutilem
Atque abominabilem.

14. Ave, quae sine macula
Intrasti tabernacula
Caeli, quo omnis spiritus
Deum laudat medullitus.

15. Ave, o mater tenera,
Gaudens in prolis dextera,
Mihi, virgo mirifica,
Vias vitae notifica.

16. Ave, praeclara gemmula
Florensque veris primula,
Tuis succurre famulis,
Obstans protervis aemulis.

17. Ave, virgo egregia,
Quae fuisti materia,
Qua Christus sibi texuit
Carnem, qua nos eripuit.

18. Ave, o tabernaculum,

Quo Christus ponens thalamum,
Completis novem mensibus
Se mundi offert sensibus.

19. Ave, credentis populi
Tutrix a fraude zabuli,
Omnis coetus fidelium
A te poscit auxilium.

20. Ave, quae elatoria
Spernens caelesti gloria
Coronaris a Domino,
Qua fulges sine termino.

21. Ave, quam tribulatio
Prolisque dira passio
Perfodit velut framea,
Ut vates dixit antea.

22. Ave, fons meracissime
Ex quo fluunt largissime
Gratiae stillicidia,
Quis pellitur fastidia.

23. Ave, figuris typicis

Monstrata et propheticis,
Paritura caelestium
Regem atque terrestrium.

24. Ave, quam summa bonitas
Amat et universitas,
Me respice pauperculum,
Tollens peccati scandalum.

25. Ave, regina celebris,
Carnis carens illecebris,
Foedatis per luxuriam
Largire continentiam.

26. Ave, mater maerentium,
Legem Dei quaerentium,
Nos proli fac amabiles,
Hosti insuperabiles.

27. Ave, cuius non putruit
Caro, resurgens floruit,
Purga me a putredine
Mentis tua mulcedine.

28. Ave, quae caeli atria
Intrasti summa gloria,
Ignis flammam inter ci de,
Cades desertum commove.

29. Ave, cuius in gaudium
Planctus versus per filium
Resurgentem diluculo
Potestate de tumulo.

30. Ave, protectrix pauperum,
Solamen praebens prosperum,
In te sperantis, domina,
Visum mentis illumina.

31. Ave, per quam divinitas
Sordes delet praeteritas,
Mea veterna vitia
Tege tua clementia.

32. Ave, virgo, quam eminus
Caeli respexit dominus,
Cum ob salutem gentium
Te elegit hospitium.

33. Ave, cuius humilitas
Deo placet et puritas,
A morte, quaeso, pessima
Me serva hora ultima.

34. Ave, lana candidior,
Cuius in laude gratulor,
Da neminem calumnier,
Donec qui carne revocer.

35. Ave, per quam superbiae
Rex suasorque inergiae
A cordibus fidelium
Expellitur per filium.

36. Ave, qua nobis moriger
Christus atque virtutifer
Venit carnem suscipiens,
Paccata sic demoliens.

37. Ave, mater artificis

Mundanae molis supplicis,
Tui perpende gemitum
Verentis hostis impetum,

38. Ave, qua mundi vanitas
Spreta est atque falsitas,
Da mihi, dulcis domina,
Verborum moderamina.

39. Ave, cuius suffragia
Mundi tollunt naufragia,
Nos de lacu miseriae
Reduc in domum patriae.

40. Ave, o virgo virginum,
Caelorum gignens dominum,
Nostros subleva debiles
Ac consolare flebiles.

41. Ave, ex qua aethereus
Fons fluxit et nectareus,
Qui sitientes satiat
Devotosque inebriat.

42. Ave, cuius sunt ubera
Prae vino redolentia,
Per tuam famam celebrem
Carnem refraena mulcebrem.

43. Ave, virgo pulcherrima,
Me factum ut peripsima
Decori redde pristinae [sic],
Ab omni purgans crimine.

44. Ave, virgo, quam cuneus
Veneratur virgineus
Ac angelorum contio
Paradisi in gaudio.

45. Ave, o Dei filia,

Caeli scandens sedilia,
Id fanti hortatorium
Carmen fer adiutorium.

46. Ave, virgo morigera,
Evecta super sidera,
Ubi laetaris iugiter
Laudarisque perenniter.

47. Ave, mater laudabilis,
Cuius partus mirabilis
Ducit ob tui gratiam
Nos in supernam patriam.

48. Ave, sidus aethereum,

Mundum lustrans et inferum,
Menti meae irradia
Tenebrosae per vitia.

49. Ave, virgo, quae gaudio
Atque miro tripudio
Genuisti caelestium
Regem nec non terrestrium.

50. Ave, quam Basileacnm
Declaravit cocilium
Servatam ab Adamica
Culpa in vi deifica.