Quinquagena III.

101. Ave, o desertum purissimum,
Pelicanus divus quo residet,
Modulamen hoc suavissimum
Dulce tuas in aures resonet.

102. Ave, virgo, flos, odorantis
Cuius nares delectat animae,
Voluptatum me appetentia
Innodatum clementer redime.

103. Ave, supernorum iucunditas,
Cunctos caeli

praecellens ordines,
Confer fraudes

contra daemonicas
Mihi opem ac mundi turbines.

104. Ave, cuius natum attonitus,
Conabatur rex dolo perdere,
Mentis meae instat interitus,
Quem digneris tua vi pellere.

105. Ave, quam virginalis puritas
Maternamque ornat gloria,
Me expurget tua clementitas
Inquinatum concupiscentia.

106. Ave, o paradisus florida,
Voluptatis

profundens fluvium,
Corda nostra irrora arida,
Ne cogantur ire per devium.

107. Ave, proles electa Davidis,
Exaltata ad sedes superas,
Servis tuis succurre pavidis
Praegravatis per noxas efferas,

108. Ave, cuius nati martyrium
Mentis tuae fodit praecordias,
Passionis eius me socium
Fac. ut caeli

consequar gaudium.

109. Ave, virgo, quae vaticinio
Mater Christi fore describeris,
Te colentes hoc famulitio
Tecum glorientur in superis,

110. Ave, virgo

prae cunctis sanctior
Sanctis praerogativis gratiae,
Divinarum me legum, deprecor,
Fac obtemperare iustitiae.

111. Ave, huius cultrix iustitiae
Olim fractae

per primum hominem,
Redde, mater,

precor, constantiae
Cordis mei motum volubilem.

112. Ave, cinnamomum dulcissimum,
Puritatis respirans nebulam,
Superare usum nequissimum
Delinquendi fac meper gratiam

113. Ave, virgo, flumem perennio
Auro fluens gemmisque ceteris,
Beatorum me contubernio
Iunge, quo te

laudem in superis.

114. Ave, virgo, quaeimpalpabilem
Tuis sacris tractasti manibus,
Meis caris defunctis requiem
Praesta, tentis in cruciatibus.

115. Ave, mater

et nutrix pauperum,
Pietate cunctis amabilis,
Me absolve, exoro, miserum
Peccatorum nodatum vinculis.

116. Ave, per quam aeterna veritas
Devotorum relucet mentibus,
Multiformes hostis versutias
Tuis pelle sacris precatibus.

117. Ave, cuius dilectus filius
Caelo regnat perpetualiter,
Hostem tuis prosterne viribus
Insequentem iustos pellaciter.

118. Ave, virgo, quae incingibile
Verbum Dei stringisin fasciam,
Quaeso, meum cor indomabile
Per legalem liga iustitiam.

119. Ave, cuius in consistorio
Mentis nil reperitur sceleris,
A sermone diffamatorio
Nos defende malisque ceteris.

120. Ave, cuius opitulantia

Reducuntur lapsi ad gratiam,
Tuae precis frange instantia
Adversantum nobis malitiam.

121. Ave, solvens Sybillae vatium,
Salomonis quoque aenigmata,
Flammas, quaeso,

restringe litium,
Quae per mundi

crebrescunt climata.

122. Ave, ad quam levamus oculos
Habitantem in caeli curia,
In sublime nostros fer animos
Passim tractos

per mundi varia.

123. Ave, virgo, Dei et hominum
Mediatrix benedictissima,
Adiuvamen

da contra daemonum
Fraudem nobis in die ultima.

124. Ave. virgo, regina gloriae,
Prineipanter

regnans in superis,
Me a mentis emunda carie,
Ne praescitis

coniungar miseris.

125. Ave, virgo coniuncta denuo
Proli sempiternis in gaudiis,
Attollentem te me desiduo
Tuis tuta tutis praesidiis.

126. Ave, cuius opitulamine
Rues restauratur angelica,
Tuo impetra flagitamine,
Obtinere ut queam caelica.

127. Ave, vitis frondosa virgula,
Vino puro replentis calicem,
Te precantem hac in paginula
Fac videre bona Ierusalem.

128. Ave, virgo, te venerantium
Coronatrix copiosissima,
Corde maesto ad te clamantium
Exauditrix esto promptissima.

129. Ave. turris bene certantium,
His per tua succurrens merita,
Robur contra

iustos pugnantium
Tua prece, quaeso, debilita.

130. Ave, virgo fortisque mulier,
De longinquo

offerens pretium,
Da, ut mente ita humilier,
In tumoris ne ruam vitium.

131. Ave, virgo, terra fructifera,
Gratiarum nacta temperiem,
Me distractum

quaeque per aspera
Ad mentalem

reducas requiem.

132. Ave, stella o lucidissima,
Cuius splendor

excellit phosphorum,
Me amoris face sic concrema,
Ne ab hac de-
clinem in posterum.

133. Ave, virgo, arbor frondifera,
Murram spirans

primam credentibus,
Tua prece reduc ad supera
Te laudentes die ac noctibus.

134. Ave, cuius in puerperio
Deo laudes canebant angeli,
Miserere in purgatorio
Flentes dolo captos diaboli.

135. Ave, tellus caelesti rorida,
Rore fructus ferens iustitiae,
Me tempestas

mentis praevalida
Quassat, velum
expande gratiae.

136. Ave, decus atqueflos virginum,
Cuius dulci amore langueo,
Onus auferas Babylonicum,
Quo premente peccatis sordeo.

137. Ave, quae in excelsis habitas,
Constipata sanctorum cuneis,
Ad virtutum reduc me semitas
Oberrantem viis erroneis.

138. Ave, cuius decus logisticon
Cunctis decoravit scientiis,
Meam, quaeso,

registra thymicon,
Decurvatam inimicitiis.

139. Ave, virgo et mater nobilis,
Plena et superplena gratia,
Venerantem te his sertunculis
Ab hostili serva pellacia.

140. Ave, quae te in sacrificium
Obtulisti excelso principi,
Da, ne damner

per carnis vitium,
Sed me iube in caelis recipi.

141. Ave, stella, cuius serenitas
Cordis maesti depellit nubila,
Tua, mater, officiositas
A me cunta pellat pericula.

142. Ave, o norma geometrica,
Qua metitur

terrae profunditas,
Manum mihi victricem adplica,
Quem confundit

cordis anxietas.

143. Ave, virgo, David fundibula,
Philistaeum qua stravit valide,
Hostis, carnis, mundi pericula
Sustinenti solamen provide.

144. Ave, hortus, virtutum olera
Praebenste devote colentibus.
Me in regna reduc astrifera,
Quibus pulsus

sum in parentibus.

145, Ave, supermundana femina,
Nullum unquam

relinquens inopem,
Laudis huius

promentem carmina
Circa caeli

commenda principem.

146. Ave, virgo reverendissima,
Collaudanda virtutum titulis,
Assis mihi in hora ultima
Me a mortis

servans periculis.

147. Ave, cuius thronus virgineus
Castitate fraglat ut viola,
Mentis tuae me candor niveus
A carnali desiccet macula.

148. Ave, Dei formosa genetrix,
Virginalis quam laudat contio,
Creaturae suprema conditrix,
Per te nobis sit consolatio.

149. Ave, quam sanctorum ecclesia
Symphoniis collaudat iugibus,
Me divina absolve gratia
Vitiorum strictum compedibus.

150. Ave, virgo, conclusus hortulus,
Fons signatus turisque virgula,
Carmen istud qui cantat, famulus
Te ac Deum laudet per saecula.