Quinquagena I.

l.Ave, Iesu, rex lieatissime,
Supernorum praesidens civibus
Meae, quaeso, affectus animae
Tuis sanctis subiuga legibus.

2. Ave,in quem belluinum fremitum
Perfecerunt gentes malevolae,
Onus crucis nobis impositum
Leve per te sit et portabile.

3. Ave, Iesu, resurgens tumulo,
Sacrum corpus

coniungens animae,
Cum discedam ab isto saeculo,
Tunc me, quaeso,

clementer suscipe.

4. Ave, o sempiterna veritas,
Tuis praestans dona laetitiae,
Per te omnis pellatur falsitas,
Et donetur virtus constantiae.

5. Ave, o miserator inclite,
Sanctis donans

aeterna praemia,
Domum tuam

expurga schismate
Et exorna tua iustitia.

6. Ave. salus fidelis populi,
Servum tuum exaudi miserum,
Ad te voce clamantem flebili
Pro medela suorum scelerum.

7. Ave, Iesu, leo fortissime,
Cuius virtus iustos eripuit,
A leone nos Stygis redime,
Persequendo

quos semper circuit.

8. Ave, Iesu, O et initium,
Omne bonum

semper concomitans,
Sis tuorum memor sequacium,
Pietate tua hos visitans.

9. Ave, iudex venturi saeculi,
Liberator te confitentium,
Nunc virtute tua mirabili
Dolos preme insidiantium.

10. Ave, Iesu, qui censum annuum
Dicis fore reddendum Caesari,
Adiuvamen praebe continuum,
In profundis ne mergar tartari.

11, Ave, Iesu, cuius potentia
Relevatur inops a gemitu,
Me oppressum gravi miseria
Septiformi releva spiritu.

12. Ave, cuius adventus inclitus
Destructivus est idolatriae,
Hostis per te frangatur impetus,
Qui impugnat nos multifarie.

13. Ave, Iesu, cuius benignitas
Lustrat mentes te requirentium,
Conteratur per te malignitas
Viam pacis non cognoscentium.

14. Ave, Iesu, in cuius atria
Inquinatus nullus ingreditur,
Sed in tua manens iustitia
In aeternum non commovebitur.

15. Ave, per quem caelorum incolis
Exstat restituta hereditas,
A malorum nunc conventiculis
Nos defendat tua benignitas.

16. Ave, in quo ulla iniquitas
Inveniri nequit a saeculo,
A me, quaeso, mentis duplicitas
Propellatur, precor te sedulo.

17. Ave, Iesu, a cuius facie
Caritatis ignis egreditur,
Firmamentum esto ecclesiae,
A perversis quaeiam concutitur.

18. Ave, Iesu, plasmator omnium,
Cuius sancti enarrant gloriam,
Frontis meae, quaeso, tricellium
Tu informa per sapientiam.

19. Ave, agne, qui in altaribus
Summo patri Utaris iugiter,
In supernae Sion me laribus
Fac laetari, peto, humiliter.

20. Ave, Iesu, quem pater luminum
Coronavit corona gloriae,
Benedictione dulcedinum
Nos tuarum expurga carie.

21. Ave, Iesu, qui sputa facie
Processisti ac caesus alapis
Scutum nobis da patientiae,
Cum ferimur pravorum labiis.

22. Ave, parans mensam fidelibus
Sacramenti tui sanctissimi,
Nos habenis rege suavibus
Caritatis tuae et proximi.

23. Ave, rex, sempiternae gloriae,
Universum cui est subditum,
Donum nobis da innocentiae
Et post mortem caeli introitum.

24. Ave, Iesu, misericordiae
Circa tuos qui reminisceris,
Iuventutis et ignorantiae
Delictorum mis ne memineris.

25. Ave, Iesu, aeterna veritas,
In qua pater sibi complacuit,
Ipse reddat coronas perditas,
Quas mors tua nobis promeruit.

26. Ave, qui promissis propheticis
Polliceris vitam credentibus,
Muni servos castris angelicis.
Expugnari ne possint hostibus.

27. Ave, cuius de excellentia
Collaetantur turbae fidelium,
Per virtutem tuam nequitia
Immutetur mala loquentium.

28. Ave, Iesu, aquis baptismatis
Mundans tibi

sponsam ecclesiam,
Scripturarum

condensa dogmatis
Manifesta nobis per gratiam.

29. Ave, Iesu, de David germine
Per Mariae genitus viscera,
Tuo sancto redemptos sanguine
Consolare in vitae vespera.

30. Ave, cuius misericordia
Collaudatur per prolem gratiae,
Me vas irae factum per vitia
Vas honoris fac atque gloriae.

31. Ave, Iesu, relaxans crimina
Sanctis opportuno in tempore,
Nostra, quaeso, tege peccamina
Mentes replens divino munere.

32. Ave, Iesu, misericordiam
Semper amans sed et iudicium,
In adversis da patientiam
Et pravorum frange consilium.

33. Ave, splendor aeterno iubare
Animorum tenebras dimovens,
Menti meae, quaeso, illabere
Noctem mortis ab ea removens.

34. Ave, Iesu dsiderabilis,
Protestatus iniquis testibus,
Munimenti inexpugnabilis
Scutum praesta

obsistens hostibus.

35. Ave, Iesu, fons sapientiae,
Corda rigans

sanctorum montium,
A me motus aufer superbiae,
Omnis mali quae est initium.

36. Ave, Iesu, zelotes intime,
Per quem sanctis

perpes hereditas
Condonatur,

nunc fraudes comprime,
Quas pravorum

parat malignitas.

37. Ave, Iesu, spes pacnitentium
Cicatrices medens et vulnera,
Vitiorum insidiantium
Ad pellendum

motus iam propera.

38. Ave, via, vita et veritas,
Summi patrisque sapientia,
Huius mundi me premit vanitas,
Tua mihi assis clementia.

39. Ave, Iesu, qui fons es veniae,
Piis semper intendens precibus,
Nos de lacu educ miseriae
A peccatique purga faecibus.

40. Ave, Iesu, largitor optime,
Qui es praesto misericordibus,
Hostes nostros benigne deprime
Et fer opem nostris doloribus.

41. Ave, Iesu, qui in calvaria
Crucifixus es pro christicolis,
A me mundi pelle contraria,
Quae me turbant diebus singulis.

42. Ave, Iesu, lux atque veritas,
Qui es missus a patre luminum,
Per te nobis donetur novitas
Vitae atque amoris glutinum.

43. Ave, Iesu, rex potentissime,
Cuius personamus praeconium,
Ab aerumnis mundi nos redime
Et a linguis nos diffamantium.

44. Ave, verbum patris ingeniti,
Eructavit quod a principio,
Per te vitae iungamur limiti
Accingamurque verbi gladio.

45. Ave, Iesu, ex cuius sonitu
Potestates sunt motae saeculi,
Gratiarum nos move impetu
Ad plangendum sordes piaculi.

46. Ave, cuius ascensu inclito
Iubilabant sancti apostoli,
Nos a casu praeserva subito,
Ne tradamur hosti terribili.

47. Ave, Iesu, Deus laudabilis,
Mira semper et pulchra faciens.
Fac, ut mitis

sim atque humilis,
Voluntatem tuam perficiens.

48. Ave, Iesu, lux sapienfiae,
Omnem hominem qui illuminas,
A me nubem insipientiae
Pelle atque mundi delicias.

49. Ave, cuius ex Sion species
Clara toti mundo resplenduit,
Manifeste in fine venies,
Cuius pietas diu siluit.

50. Ave, Iesu, salvator saeculi.
Antrum nudans

humani pectoris,
Te ex corde deposco humili,
Sordes mei leva facinoris.