EZECHIEL PROPHETA.

Et factum est in trigesimo anno .

Regina Prophetarum domus, in qua

Filius humanitatem professus, factus est frater noster. Ezechiel. III, 24, dixit Dominus ad Ezechielem. Glossa ; qui interpretatur roboratus a Deo, et significat Christum : Ingredere, subtiliter per fenestram vitream, largiter sicut pluvia in vellus, vincula omnia poenarum assumendo : mirabiliter, quem totus orbis nequit includere, tenellae Virginis utero includatur. Unde sequitur : Includere in medio domus tuae, id est, in utero Virginis Mariae.

Item, Ipsa est mater instructionis. Ezechiel. V, 5 : Ista est Jerusalem, id est, Maria, in medio gentium posui eam. Glossa: id est, in umbilico mundi. Unde, Psal. lxxiii, 12 : Operatus es salutem in medio terrae.

Ipsa etiam est porta, de qua infra dicetur, Ezechiel. XI, 1 : Et introduxit mead portam, id est, Mariam, domus Domini orientalem, per quam toti mundo lux effulsit, quae respicit ad solis ortum. Glossa: justitiae.

Item, Ipsa est mater justitiae. Primo, quia peperit judicium, et justitiam, scilicet Jesum Christum, qui est justitia et sanctificatio nostra . Secundo, quia ipsa numquam oculos suos levavit ad aliquod malum. Tertio, quia nullum contristavit, sed omnes laetificavit. Quarto, quia per vim nihil rapuit: quod Heva non fecit, quae divinitatem rapere voluit, et felicitatem amisit. Quinto, quia panem suum, id est, corpus Filii tribuit in altari quotidie esurienti. Sexto, quia nudum peccatorem operit vestimento veniae, justum gratiae, electum gloriae, Filium Dei humanae substantiae.

Item, Ipsa est mater vitae. Ezechiel. xviii, 31 : Haec dicit Dominus, scilicet

ad peccatores desperatos : Quare moriemini, domus Israel ? id est, peccatores, qui estis filii Abraham, isaac, et Jacob : qui patrum meritis merito vivere debetis. Ex hoc arguitur : Si meritis Abraham, etc, vivere possimus, qui fuerunt servi Dei: ergo per eam, quae major est, scilicet matrem vitae, vivere debemus, quia omne judicium misericordiae dedit matri suae, ut omnes honorificent matrem, sicut honorificant Filium . Et quia nos ejus misericordiae filii sumus, clamat Dominus illud quod statim sequitur, Ezechiel. xviii, 32: Nolo mortem morientis, scilicet peccatoris : sed ut magis vita vivat . Glossa : vita sig. ratiae, precibus Virginis Mariae.

Item, Ipsa est quae nos defendit ab ira

Dei. Ezechiel, XXII, 80 : Haec dicit Dominus : Quaesivi de eis virum, qui interponeret sepem. Glossa: Id est, intercessionem, et staret oppositus contra me pro terra, id est, peccatore, ne dissiparem eam, scilicet, celeriter, et non inveni, quia hoc reservatum est Virgini Mariae.

Item, Ipsa est indumentum solis justitiae. Ezechiel. xxxii, 7 : Solem, id est, Christum, nube legam, id est, humanitatis in utero meo misericorditer.

Item, Ipsa porta illuminationis omnis creaturae, Ezechiel. xliii, 1 et 2 : Duxitme ad portam quae respiciebat ad viam orientalem. Et ecce gloria Domini Israel, Jesus Christus ingrediebatur, pariter per viam orientalem, quia sine peccato conceptus : alii vero ingrediuntur in mundum per viam occidentalem, originalis culpae. Et vox erat ei. Glossa : Deo, quasi vox aquarum multarum, et terra splendebat a majestate ejus, quod proprie factum est in adventu Christi,

Item, Ipsa est templum majestatis. Ezechiel. xliii, 4 : Majestas Domini in-gressu est templum, id est, uterum Mariae. Ad quid ? ad sanctificandum, Psal. XLV,5 : Sanctificavit tabernaculum suum Altissimus, Ad replendum : unde sequitur, V. 5 : Et ecce repleta erat gloria Domini domus. Ad habitandum nobiscum : unde sequitur, V. 7 : Et dixit ad me : Fili hominis, locus solii mei, et locus vestigiorum pedum meorum, ubi habito, id est, in Maria, in medio filiorum Israel in aeternum. Glossa : non ad tempus. Et infra, V. 10 : Tu autem, fili hominis, ostende, praedicando, et laudando, domui Israel templum, id est, Mariam, secundum longitudinem, latitudinem, sublimitatem, et profunditatem, de quibus bene, sufficienter loquitur supra,

Item, Ipsa est porta clausa. Ezechiel.

xliv, 1 et seq. : Ei convertit me ad viam portae sanctuarii exterioris, quae respiciebat ad Orientem : et erat clausa. Glossa: Virgo Maria, virgo ante partum, in partu, et post partum. Et dixit Dominus ad me: Porta haec clausa erit: non aperietur, et vir non transibit per eam, quoniam Dominus Deus Israel ingressus est per eam. Glossa: clausis ostiis. Eritque clausa principi. Glossa: Verbo Dei, cujus in adventu reserabitur ad usum ejus. Princeps ipse. Glossa : id est, Christus, sedebit in ea, ut comedat. Glossa : nobiscum, panem coram Domino. Ipse per viam portae vestibuli ingredietur. Glossa : ut eos qui per se intrare non possunt, introducat ad gratiam : ipse enim est omnibus infusus : et per viam, ejus egredietur, Glossa : his qui foris sunt, omnibus circumfusus.

Item, Ipse est patens porta per misericordiam peccatori. Ezechiel. xlvi, i. et seq.: Porta quae respicit ad orientem. Glossa : unde oritur sol justitiae : die sabbati aperietur. Glossa: Septimo scilicet, in quo est requies : et in die kalendarum, id est, solemnitatum Filii sui, ei in fervore aperietur, per largitatem : et intrabit princeps... Porta autem non claudetur. Glossa : post egressionem principis, usque ad vesperam. Et adorabit populus terrae ad ostium portae illius. Glossa: quando aperietur porta: ideo non claudetur, ut populus post principem adoret. Holocaustum remissionis omnium peccatorum offeret princeps. Glossa : id est, Christus, in die sabbati,

ad litteram, quando festum matris suae agitur. Princeps autem erit in medio eorum. Glossa : ingredientium scilicet et egredientium. Unde, Joan. I, 26 : Medius vestrum stat, quem vos nescitis. Cum ingredientibus ingredietur, et cum egredientibus egredietur. Glossa : utriusque sexus, scilicet virtutis vel peccati, testis assistens.