LIBER EXODI.

Haec sunt nomina filiorum Israel .

Beatissima Domina regina caeli, mater Dei dicitur fiscella absconsionis : unde cum jam tempore gratiae celare non posset, scilicet Deus Pater, quin Filium suum a saeculis absconditum mundo manifestaret, sumpsit fiscellam scirpeam, id est, Mariam, et linivit eam bitumine ac pice : posuitque intus infantulum, id est, Christum, in incarnatione, et exposuit eum in carecto ripae, ubi eminus accessus est. Expedit enim res aliqua quandoque ad ostendendum, quandoque ad vendendam, quandoque ad dandum. Sic Christus.

Ipsa est etiam rubus apparitionis.

Exodi, III, 2 : Apparuit ei (Moysi) Dominus in flamma ignis de medio rubi, id est, Mariae : et videbat quod arderet, et non combureretur.

Ipsa est etiam virga divisionis. Exod. XIV, 15 et 16 : Quid clamas ad me ? Loquere filiis Israel ut proficiscantur : tu autem eleva virgam tuam, id est, Mariam, per devotionem, et extende manum tuam super mare omnium tribulationum, et tentationum. Et divide illud. Glossa : Fluctus contradicentium, ut gradiantur filii Israel in medio mari per siccum.

Ipsa est etiam virgtT concessionis, quae gratiam nobis apud Christum impetrat. Exodi, xvii, 3 et seq : Sitivit populus prae aquae penuria... Ei ait Dominus ad Moysen : Tolle virgam, id est, Mariam, perciitiesque petram, id est, Christum. ipsum, per eam impulsando : et exibit ex ea aqua, ut bibat populus.

Ipsa est etiam dulcificatrix omnium amaritudinum. Exod. xv, 23 et seq. : Non poterant bibere aquas, eo quod essent amarae. Glossa : id est, tribulationes, sed Dominus ostendit ei (Moysi) lignum, id est, Mariam, istam habens vim, quod cum misisset in aquas, in dulcedinem versae sunt.

Ipsa est etiam vas refectionis. Exod. XVI, 33 : Sume vas unum, id est, Mariam, et mitte ibi Man, id est, Christum Deum, et hominem, quod factum est in incarnatione, et repone coram Domino ad servandum. Glossa : in memoriam aeter-

Ipsa est etiam mons habitationis in incarnatione. Exod. XIX, 18 : Totus mons Sinai, id est, Maria, fumabat gratia, et devotione, eo quod descendisset Dominus super eum in igne Spiritus sancti : ei ascenderet fumus ex eo quasi de fornace : eratque omnis inous terribilis , scilicet diabolo, et omnibus Sanctis.

Exod. XXIV, 16 : Habitavit gloria Domitii super Sinai, id est, Mariam. Glossa : id est, super mensuram meam, vel amphoram ineam : ipsa enim et mensura Dei, et nostra est, et amphora liberationis, tegens illum nube. Glossa : divina protectione, sex diebus. Glossa : quia sex diebus operari jubemur.

Ipsa est et propitiatorium veniae. Exod. xxv, 17 et seq. : Facies propitia-torium, id est, Mariam, de auro mundissimo, quia in utero matris plusquam alii, fuit sanctificata. Inde praecipiam, et loquar ad te, etc. Facies et mensam : ...faciesque illi labium aureum. G lossa : quia omnia nociva, et otiosa redarguit. Et pones super mensam panes propositionis. Unde et mensa satietatis dicitur.

Ipsa est etiam candelabrum illuminationis. Exod. xxv, 31 et seq. : Facies candelabrum ductile. G lossa : malleis passionis. Et lucernas septem. G lossa : Septem dona Spiritus sancti: et pones eas super candelabrum, id est, Mariam, ut luceant. G lossa : ad illustrandum tabernaculum.

Ipsa est velum hyacinthinum , quo velatus fuit Filius Dei, et nos velamur a diabolo, et peccato, et ira Dei.

Ipsa est etiam altare holocausti , quantum ad passionem. Et altare thymiamatis , quantum ad devotionem et contemplationem.

Ipsa est etiam reconciliatrix, quod officium assumpsit, maxime in coelum ascendens. Unde designat eam Moyses, Exod. xxxii, 30, qui dixit ad populum, qui adoraverat vitulum : Peccastis peccatum maximum. Peccastis, dicit Virgo nostra, facillime, stultissime, verecundissime, multiplicissime, avarissime, insolubilissime. Ascendam ad Dominum misericorditer, fideliter, solemniter, si quo modo quivero eum deprecari pro scelere vestro. G lossa : quod tantum est. Sed nota, quod Moyses orabat, ut peccator, et servus. Unde et dicebat, Exod. xxxii, 13 : Recordare Abraham, Isaac, ei Israel. Ecce quia pro se patres diligenter inducit. Sed Maria orat ut filia, jubet ut soror, imperat ut mater. III Regum, ii,

20 : Pete, mater mea : neque enim fas esl ut avertam faciem tuam. Unde In Vigilia assumptionis ejus orat Ecclesia in secreta, dicens : " Munera nostra apud clementiam tuam Bei genitricis commendet oratio, quam idcirco de praesenti saeculo transtulisti, ut pro peccatis nostris apud te fiducialiter intercedat. "

Ipsa est etiam tabernaculum repletionis. Exod, xl, 31 et 32 : Postquam omnia perfecta sunt, ut scilicet Deus fieret homo, et homo Deus, operuit nubes, id est, Spiritus sanctus, tabernaculum, testimonii, id est, Mariam. Luc, i, 35 : Spiritus sanctus superveniet in te, etc.

Et gloria Domini implevit illud, id est, Christus seipso ad generis humani redemptionem, gratia ad justorum continuationem, venia ad. reorum reconciliationem, gaudio ad tristium consolationem, ut non sit ''qui se abscondat a calore ejus .