INCIPIT LIB. GENESIS.

In principio creavit Deus caelum, et terram .

COELUM, scilicet empyreum, per quod intelligitur Domina mundi, Virgo Maria. Est enim similis coelo multis de causis, quarum una ponitur in historia. Empyreum etenim quam cito factum est, statim dispositum est, ordinatum est, quod non alii caeli. Sic ipsa in gratia, et sanctificatione. (Require in titulo de caelo).

Ipsa etiam dicitur lux. Genes. I, 2 : Tenebrae erant super faciem abyssi . Glossa : " Tenebrae ignorantiae et caecitatis, super faciem cordis humani. " Dixitque Deus : Fiat lux , ''id est, Maria generetur, et nascatur. Glossa: " Ab aeterna luce primo fiat temporalis lux, ut per eam caetera videantur. " Lux

enim a luendo dicitur, id est, purgando tenebras haereticorum, et peccatorum.

Et facta est lux. Et vidit Deus lucem quod esset bona . Lux enim multa bona facit. (Require in titulo de luce, et adapta.) Appellavitque lucem Diem , id est Mariam, hoc nomen ei est in aeternum. Ipsa enim optime dies dicitur, et Heva nox. ''Glossa : " Deus a luce opera sua inchoavit. "

Ipsa etiam est terra fructificans , id est, Christum in nativitate. Glossa: " Pabulum Verbi opera misericordiae. " Et lignum pomiferum faciens fructum , etc. : ipse enim Jesus fuit herba viridis in nativitate, lignum vero faciens fructum in passione.

Ipsa est etiam dies completionis operum Domini. Genes. II, 2 : Complevitque Deus die septimo opus suum quod f acerat. Glossa: " Quia ipsam benedixit et sanctificavit. " Opus enim suum est benedictio, et sanctificatio. Et requievit die septimo ab universo opere quod patrarat. Glossa : " Quia creaturis rationalibus in se requiem dedit, "

Ipsa est fons irrigationis peccatorum per peccatum aridorum. Genes.II, 6: Fons, id est Maria, ascendebat, in nativitate quando nata fuit, vel in assumptione, e terra miseriae et tenebrarum, irrigans gratia, venia, gloria, universam superficiem terrae,

Ipsa est etiam paradisus plantationis. Genes.II, 8 : Plantaverat Dominus Deus paradisum voluptatis, id est, Mariam, a principio : in quo posuit hominem, id est, Christum, quem formaverat, in quantum est homo, in incarnatione. Glossa : " Paradisus est hortus deliciarum, qui factus est remotis aquis a superficie terrae, et est altus locus, quia aquae diluvii illuc non pervenerunt. " Nota de sanctificatione ejus.

Ipsa est fluvius jucunditatis. Genes. II, 10 et seq.: Fluvius, id est, affluentia aeternae jucunditatis, egrediebatur, scilicet in nativitate, de loco voluptatis. Glossa : " A paterno fonte: " ad irrigandum paradisum. Glossa: id est, Ecclesiam. Nomen uni Phison. Glossa : id est, oris mutatio : quia mutavit nobis os severitatis, in os benignitatis. Nomen fluvii secundi Gehon. Glossa : id est, hiatus terrae, quia in se ampliavitet dilatavit per desiderium Sanctorum. Hiatio est ad percipiendam pro nobis abundantiam gratiarum, insuper et nos hiare facit, et Filium suum ad nos. Nomen fluminis tertii Tygris. Glossa : id est, velocitas in auxilii subventione, in consolationis exhibitione, pro peccatoribus ad Deum interpellatione. Fluvius quartus, ipse est Euphrates. Glossa : id est, frugifera in omni gratiarum repletione, et quantum ad nos largissima communicatione.

Ipsa est etiam adjutrix nostrae redemptionis. Genes. II, 20: Adae vero non inveniebatur adjutor similis ejus : quia omnes declinaverunt, simul inutiles facti sunt .''

Dixit ergo Dominus Deus : Non est bonum esse hominem solum , id est Christum. Faciamus ei creando, et in mundum producendo, adjutorium simile sibi, id est, Mariam.

Ipsa etiam est contus contritionis diaboli. Genes. III, 15: Inimicitias ponam magnas, et inplacabiles, inter te et mulierem: ... ipsa conteret caput tuum. Glossa: quod est mors.

Ipsa est etiam mater vitae. Genes. iii, 20 : Vocavit Adam nomen uxoris suae, Heva, eo quod mater esset cunctarum gentium, idest, cunctorum bene operantium, quibus contraria sunt peccata, quae dicuntur mortalia.

Ipsa etiam est arca salvationis. Genes. VI, 13 et seq. : Dixit Dominus ad Noe: Finis universae carnis venit coram me. Glossa: id est, omnium mortalium, praeter eos, qui salvandi erant in arca. Fac Albi arcam, id est, Mariam, quod respicit ejus nativitatem, de lignis levigatis, id est, quadratis, et bituminatis, et politis, ne quid inhaereat (haec nota de sanctificatione ejus), et fortibus, et insolubilibus, ut nec vi ventorum, nec inundatione solvatur. Talis est Domina nostra.

Mansiunculas in arca facies. Glossa: Diversos ordines vitae: ipsa enim habet ordines Conjugatorum, Viduarum, Virginum. Et bitumine , id est, dilectionis ardore, linies intrinsecus et extrinsecus . Glossa: ne dissolvatur intus, vel foris. Fenestram in arca facies. Glossa : ad emittendum corvum, vel columbam. Haec fenestra dicitur diluculum meridianum, dicitur et crystallina. Et in cubito consummabis summitatem ejus. Glossa: Cubitus unus, charitas est.

Bina de omnibus ingredientur tecum, ut possint vivere . ''Glossa: ne diluvio pereant.

Ipsa etiam post Deum est principium omnis gratiae in nobis. Genes. VII, 11 : Anno sexcentesimo vitae Noe, id est, Christi, qui intravit in arcam, id est, in uterum Virginis Mariae, quod factum est in incarnatione, rupti sunt omnes fontes, id est, gratiarum, abyssi magnae, quando gratiarum diluvium Mariae inundavit, et diabolus est submersus, et peccata deleta.

Ipsa etiam per adventum suum in mundum, quando nata est, ramum olivae , id est, pacis inter nos et Deum attulit. Genes. viii, 11 : Columba, id est, Mari a, quse columbae comparatur, venit ad, eum, scilicet ad Noe, ad vesperam, scilicet in fine mundi, portans ramum olivae, id est, pacis inter nos. Glossa: ((Refectionis et luminis. " Virentibus foliis in ore suo, quando dixit: Ecce ancilla . Intellexit ergo Noe quod cessassent aquae indignationis et furoris Dei, super terram. ''

Ipsa etiam altare propitiationis est, et placationis Dei. Genes. VIII, 20 et 21 : aedificavit Noe altare Domino , id est, Mariam : et tollens de cunctis pecoribus et volucribus mundis, obtulit holocausta super altare. Odoratusque est Dominus odorem suavitatis, et ait : Nequaquamultra maledicam terrae propter homines. .. Non igitur ultra percutiam. Glossa: temporali judicio, omnem animam viventem, sicut feci : sed Maria precante parcam omni veniam quaerenti.

Ipsa est etiam signum securitatis formidoloso peccatori. Genes. IX, 12 et 13 : Hoc signum foederis, quod do inter me et vos:... arcum meum. Glossa: qui habuit duos colores, caeruleum extrinsecus, et igneum intrinsecus, ponam in nubibus. Hoc pono mihi signum securitatis in nubibus caeli, ne homines formidolosi timeant altero deleri diluvio pluviarum. Arcus non est, nisi ex. radiis solis, et humida nube.

Cumque obduxero nubibus caelum, apparebit arcus meus, id est, Maria, in nubibus: et recordabor foederis mei vobiscum :... et non erunt ultra aquae diluvii ad delendam universam carnem , ''id est, peccatores.

Ipsa etiam est humilitatis nostrae exaltatrix, quia soror et neptis nostra est. Genes. XII, 11 et seq.: Cumque prope esset ut ingrederetur Abram aegyptum, dixit Sarai uxori suae : Novi quod pulchra sis mulier, ...et aegyptii interficient me, et te reservabunt. Die ergo, obsecro te, quod soror mea sis, ut bene sit mihi propter te, et vivat anima mea ob gratiam tui. Et in fine capitis xx, 13: Hanc misericordiam facias mecum : in omni loco, ad quem ingrediemur, dices quod frater tuus sim.

Ipsa etiam vocatur mater gaudii, et exsultationis. Genes. XXI,1 et seq.: Visi-tavit Dominus Saram, id est, Mariam. Glossa: quod interpretatur princeps. Et implevit quae locutus est. Glossa : per Prophetas. Concepit et peperit filium in senectute sua. Glossa : id est, novissimis temporibus, Christum.

Vocavitque Abraham nomen filii sui, quem genuit ei Sara, Isaac, Id est, gaudium, quia in nativitate Christi gavisi sunt pastores, et Angeli .

Dixitque Sara, id est, Maria: Risum fecit mihi Deus, sed Heva planctum : quicumque audierit peccator, justus, Angelus, corridebit mihi, id est, congaudebit, quia peperi Angelo laetitiam, justo gratiam, peccatori veniam,

Rursumque ait: Quis auditurum crederet Abraham, quod Sara, id est, paupercula Maria, Iactaret filium, quem peperit ei jam seni? Iactem eum, qui lactat omnia: portem eum, qui portat omnia. Glossa : " Haec est commendatio gratiae. "

Ipsa etiam est princeps omnium creaturarum, quantum ad defensionem, cohortationem, et commissionem. Genes. XVII, 15 : Dixit quoque Deus ad Abraham : Sarai uxorem tuam non vocabis Sarai, id est, princeps mea, et quasi unius gentis, sed Saram, id est princeps absolute, quasi omnium princeps. Dicet enim huic : Vade, et vadit : et alii: Veni, et venit . De hoc principatu, dicit Pharao ad Joseph, Genes. xli, 40: Uno tantum regni solio te praecedam. Et infra, v. 44: Absque tuo imperio non movebit quisquam: manum aut pedem, etc.

Ipsa etiam est fontis vitae hausorium, animarum sitibundarum refocilla-

trix . Genes. XXIV, 15 et seq. : Rebecca, quae interpretatur patientia, id est, Maria, egrediebatur, scilicet in nativitate, quando nata est, habens hydriam in scapula sua, Glossa : " Verbum Dei humiliter susceptura: " puella decora nimis, virgoque pulcherrima, et incognita viro : descenderat autem, ad fontem. Glossa : Vitae, ad quem se inclinaverat hauriendum, et impleverat hydriam, scilicet cordis, gratia, venia, gloria.

Occurritque ei servus, ei ait :Pauxillum aquae mihi ad bibendum. G lossa : de salute animae, praebe de hydria tua: quia de mundi hydria, hausi vanitatem, de hydria diaboli iniquitatem. Quae respondit : Bibe, domine rui: celeriterque deposuit hydriam super uInam suam, et dedit ei potum. Cumque ille bibisset, adjecit : Quin et camelis tuis hauriam aquam g ratiae, veniae, laetitiae, donec cuncti bibant, Cantic. v, 1 : Bibite, et inebriamini, carissimi, etc. Haustum igitur omnibus camelis dedit, unde et largissima est,

Ipsa est etiam vagantium animarum hospitatrix. Genes. XXIV, 23 et seq. : Dixit Eliezer ad Rebeccam : Cujus es filia ? indica mihi : est in domo patris tui locus ad manendum? Quae respondit: Filia sum Bathuelis... Palearum quoque et foeni plurimum est apud nos, et locus spatiosus ad manendum. G lossa : " Per latitudinem charitatis."

Et ait Laban frater Rebeccae : Ingredere, benedicte Domini : cur foris stas ? praeparavi domum, ei locum camelis. Et introduxit eum in hospitium . Rebecca etiam Maria, frater Rebeccae, Christus, qui nos in regnum introduxit.

Ipsa etiam est sponsa, et mater propitiationis, quam praeparavit ab aeterno, Filio in matrem, reo in reconciliationem, justo in praemium. Genes. XXIV, 42 et seq, : Dixit Eliezer : Veni hodie ad, fontem aquae, et dixi : .... Virgo quae audierit a me : Da mihi pauxillum aquae ad bibendum ex hydria, tua, et dixerit mihi : Et tu bibe, et camelis tuis hauriam, ipsa est mulier quam praeparavit Dominus filio domini mei. Unde ipsa dicere potest : Ab aeterno ordinata sum .

Ipsa etiam est soror nostrae profes- sionis, defensionis, fidelitatis, et exaltationis. Genes. XXIV, 59 et seq. : Dimiserunt

ergo eam, scilicet quando assumpta est a nobis in caelum, imprecantes prospera sorori suae, dicentes : Soror nostra es ex humanitate, fidelitate, et dignitate, crescas in mille millia, ultra omnes choros Angelorum ascendendo, ei possideat semen tuum, id est, nos vermiculi, portas empyrei, inimicorum suorum, daemonum, qui inde ejecti sunt,

Ipsa est etiam aeternae benedictionis procuratrix. Genes.XXVII, 13 et seq., dixit mater Rebecca ad Jacob : In me sit, ait, ista maledictio, fili mi : tantum audi vocem meam, monentis, consulentis, vocantis : et pergens affer quae dixi, si quo modo hanc benedictionem promearis.

Ecce odor filii mei, sicut odor agri pleni. Glossa : Pleni virtutibus, cui benedixit Domitius. Det tibi Deus de rore caeli. Glossa : id est, de contemplatione, et de pinguedine terrae, bonorum operum, abundantiam, frumenti, scilicet charitatis, et vini, fervoris Spiritus sancti, ei olei, misericordiae. Haec tria perfectissime in se habuit beata Virgo, et illa etiam nobis procurat.

Ipsa etiam est scala ascensionis de culpa ad gratiam, de mundo ad caelum. Genes. XXVIII, 12 et 13 : Vidit Jacob in somnis scalam, id est, Mariam. Per eam enim descendit Filius Dei ad nos, et nos per ad eam eum. Stantem super terram : licet sedeat in throno, ad proficiendum tamen peccatoribus, vicina est : et cacumen illius tangens caelum : quia licet humillima sit, subtilissima tamen est, in ipsam Trinitatem attingens. Angelos quoque Dei ascendentes et descendentes per eam : et Dominum innixum scalae, ex. ea carnem sumendo, nos per eam ad se trahendo.

Ipsa etiam est porta regni, et nostrae ingressionis in regnum. Genes. xxviii, 16, Jacob ait : Vere Dominus est in loco isto. Et infra, v. 17 : Quam terribilis est locus iste daemonibus, amabilis hominibus, delectabilis Deo ! Non est hic aliud nisi domus Dei, et porta caeli : quia inde aditus est ad regnum caelorum.

Ipsa etiam est. aurora illuminationis.

Aurora est lux infusa vapori terrestri. Genes. xxxii, 26 et 27, dicit Angelus ad Jacob : Dimitte me, jam enim ascendit aurora, Jam ascendit per nativitatem, in mundo apparendo, vel in assumptione, ad caelos pergendo, aurora, id est, Maria. Respondit : Non dimittam te, etc. Et ait Angelus : Nequaquam Jacob appellabitur nomen tuum, sed Israel .''

Ipsa est etiam plenitudo perfectissima omnium gratiarum post Dominum. Genes. xli, 5 : Septem spicae. Glossa : id est, spiritualia dona, pullulabant in culmo uno, id est, Maria, plenae atque formosae, quibus larga pietate redundat.

Ipsa est etiam horreum sanctitatis, contra tamen mortis. Genes. xli, 33 et seq : Provideat rex, id est, Deus Pater, virum sapientem et industrium, scilicet Filium suum Christum, et praeficiat eum secundum humanitatem, terrae aegypti, id est, mundo, qui... quintam partem fructum gratiarum per septem annos fertilitatis, scilicet tempore gratiae, congreget in horrea, totius aeternitatis, id est, Mariam. Et praeparetur futurae septem annorum fami, quae oppressura est aegyptum. Quae scilicet erit in gehenna.

Aperuitque Joseph, id est, Christus, universa horrea, scilicet Mariam in annuntiatione, quae plena est secundum dicta Gabrielis, Luc. I, 28 : Ave, gratia plena, in passione seipsum, in ascensione caelum empyreum. Et vendebataegyptiis . Glossa : Pretio salutis eorum.

Audiens autem Jacob quod alimenta venderentur in aegypto, dixit filiis suis : Quare negligitis, etc. ?

Ipsa est etiam terra sacerdotalis, scilicet Patris, et Filii, et Spiritus sancti, quae semper libera fuit, et est a conditione actualis peccati, tam venialis, quam mortalis. Genes, xlviii, 22, dixit Jacob, id est, Deus Pater, ad Joseph, id est, ad Christum : Do tibi partem unam, id est, Mariam, quae acceptae actionis in omnibus est, quam tuli de manu Amorrhaei in gladio et arcu meo. Nota hic de sanctificatione ejus.

Ipsa est etiam mater benedictionis. Genes. xliv, 25 et 26 : 0 Maria, Deus patris tui, erit adjutor tuus, supra, et infra, intus, et extra, a dextris, et a sinistris. Et omnipotens benedicet tibi benedictionibus caeli desuper. Glossa : Subjiciens tibi omnia caelestia, et terrestria, ut Angelis et hominibus domineris. Benedictionibus abyssi jacentis deorsum, ut et in Purgatorio domineris. Benedictionibus liberum. Glossa : Potum lactis Domino ministrantium. Benedictiones patris tui confortatae sunt benedictionibus patrum ejus. Glossa : Omnium meritis Patriarcharum et Prophetarum, ut nullus tibi comparetur.