LIBER JUDICUM.

Post mortem Josue .

Domina mundi, Mater Dei, et Regina coeli, pugnatrix pro suis contra mundum,

contra diabolum, et peccatum. Unde significatur per Judam de quo dicitur, Ju- dicum, I, 1 et 2 : Consuluerunt filii Israel Dominum: et merito, quia ipse dicit: Sine me nihil potestis facere , dicentes: Quis ascendet, si aliquis Angelorum, si aliquis Sanctorum, ante nos debiles, inscios, et imprudentes, contra Chananaeum, id est, mundum, diabolum, et peccatum, ei erit dux belli maximi, inquietissimi, continui ? Dixitque Dominus: Judas, id est, Maria quae interpretatur confitens, ascendet Ascendit enim in nativitate mundo apparendo, in assumptione, coram Patre coelesti ad eum interpellandum, semper pro nobis se primam offerendo. Ecce tradidi terram in manus ejus, imo et coelum, et meipsum. Unde dicit ex ore Filii sui, Matth. XXVIII, 18 : Data est mihi omnis potestas. Noli ergo sine ipsa inire bellum. Ipsa enim dux est belli nostri, debet enim praecedere ex officio sibi a tota Trinitate injuncto.

Item, Ipsa est mater liberationis, et jubilationis, et gaudii. Judicum,V, 6 et seq.:

Quieverunt semitae. G lossa : " Quia occupata ab hostibus eram, et non audebam ascendere ad orationem ad domum Domini. " Cessaverunt fortes in Israel, et quieverunt, donec surgeret Debbora, id est, Maria : sur geret, per nativitatem in mundo apparendo, vel per assumptionem in coelum ascendendo, mater in Israel. G lossa: " quia consiliando, hortando, praedicando, ab hostibus libera-

vit. " Quod et ipsa post Deum summe fecit: unde gratias agendo Deo, dicit, ibidem, V. 2 : Ego sum, ego sum, paupercula Maria, humilis Maria, tamen Mater Dei, Regina coeli, Domina mundi, quae Domino carnam. G lossa : " Vox justi, ille quidem est canorae vocis, et sincerae mentis, ut cantilena ejus divinum delectet auditum : quae omnino non habet in se raucum peccati sonum, et nihil offensionis in lingua, nihil crassitudinis in spiritu, " psallam Domino Deo Israel, dicens, Luc. I, 46 : Magnificat anima mea Dominum. Infra, ibidem, V. 8: Nova bella elegit Dominus, G lossa: " Quia inermes, fortes fecit, et triumphales. " Et portas hostium ipse subvertit.

Ipsa est vellus roris divini. Judicum, VI, 36 et seq.: Dixitque Gedeon ad Deum: Ponam hoc vellus lanae, id est Virginem sacram, in area, in Iudaica sig. ente. Si ros totius orbis in solo vellere fluerit. G lossa : id est, in sola Maria : quod factum fuit in annuntiatione, quando in ea Christus humanitatem assumpsit: et in omni terra, et in cordibus infidelium siccitas, sciam quod per manum meam liberabis Israel, Quod enim ipsa impleta fuit gratia super omnem puram creaturam, signum fuit liberationis nostrae. Factumque est ita. Et de nocte consurgens, expresso vellere, Id est, Maria, per invocationem, per devotam salutationem, concham. G lossa : cordis, rore, id est,gratia, implevit.