LIBER ECCLESIASTICUS.

Omnis sapientia a Domino Deo est ,

AdminBookmark Virgo Maria, dicitur fidelissima susceptrix servorum suorum. Eccli. IV, 12 : Sapientia, id est, Maria, filiissuis vitam inspirat, gratiae, et gloriae, et Deus per ipsam suscipit gloriose inquirentes se, humiliter, et devote, et praeibit in via justitiae, scilicet per gratiam in praesenti, et postea in morte, praeibit ad viam gloriae: et quo introibit? Glossa, ibi, Benedicet Deus, illum scilicet ditans, et conservans. Genes. XXX, 30, dixit Jacob ad Laban : Benedixitque tibi Dominus ad introitum meum, multo fortius ad introitum Mariae.

Item, Ipsa est mater honorificata , quae cibat esurientem filium, potat sitientem, exaltat vivificatum, implet vacuum, thesaurizat gratiam et gloriam super egentem, et nomine aeterno glorificat se diligentem. Haec sex matris gloriosae be-

neficia tanguntur, Eccli. xv, 2 et seq. : Obviabit illi quasi mater honorificata. Et, Cibabit illum. Et, Potabit illum. Et, Nomine aeterno haereditabit illum.

Item, Ipsa est lumen justitiae. Eccli. XXIV, 6 : Ego feci in caelis ut oriretur lumen indeficiens, id est, Maria, et sicut nebula texi omnem terram.

Item, Ipsa est thalamus requiei, in quo numquam Filius Dei per aliquod peccatum inquietatus fuit. Eccli. XXIV, 11 : In omnibus requiem quaesivi, et non inveni nisi in Maria, propterea in haereditate Domini morabor, hoc est, in Maria, quae antonomastice portio et haereditas Domini nuncupatur : unde propter hanc requiem ab Ecclesia ei dicitur, quod Domino coeli praebuit hospitium sui sancti corporis . Quare et ipse ei versa vice in ejus assumptione praebuit hospitium, dicendo : Hospes eram, et collegistis me: esurivi, et dedistis mihi manducare .Ideo do tibi potestatem in coelo, in terra, in mari, et in omnibus abyssis .

Item, Ipsa est tabernaculum dormitationis, et quietis Filii Dei. Eccli, XXIV, 12 : Dixit mihi Creator omnium, et qui creavit me requievit in tabernaculo meo.Quasi quis quaereret: Quae causa adventus tui in hunc mundum foetidissimum? Respondeo : Creavit me, ut per me sapientissimam, Deus Pater placaretur: jurabat enim per Jeremiam, XIII, 14, dicens : Non parcam... , neque miserebor. Sed quid sapiens Maria dicebat? Ex quo inevitabile est, ut percutias, fiat manus tua super virum dexterae tuae, et super filium hominis quem confirmasti tibi : qui ex divinitate ictum tantum sufferre possit, et tamen secundum humanitatem de illo dolebat supra modum. Pater vero dicebat illud Isaiae, liii, 10 : Si posuerit pro peccato animam suam, etc, : Filius vero illud Jonae, I, 12: Quoniam propter me tempestas haec venit super vos etc, placabo Patrem clamore, cruore, morte. Et tunc Pater placatus ait: Nolo mortem impii, quia jam mortem Filii mei video : sed volo ut convertatur impius ad via sua, et vivat .

Item, Creata sum, ut per me ignobilis peccator nobilitaretur: nihil enim ignobile nisi peccator et peccatum. Psal. lxxxii, 11 : Facti sunt ut stercus terrae, scilicet per peccatum, qui prius fuerunt filii Dei per gratiam. Nata ergo Maria,

nobilitati sumus per eam natura, quia a Christo dicimur Christiani.

Item, Nata sum, ut debilitas humani generis per me fidelissimam juvaretur. Eccle. IV, 1 : Vidi lacrymas innocentium, et neminem consolatorem. Unde ipsa consolando nos, dicit illud Osee, XIII, 9 : Perditio tua, Israel: tantummodo in me auxilium tuum.

Item, Creata sum, ut per me lucidissimam mundi tenebrae fugarentur. Genes. I, 1 : Fiat lux, id est, Maria, quae illuminat omnes, sed dissimiliter : conjugatos illuminat ut stella, viduatos ut luna, virgines et religiosos ut sol item, Creata sum, ut fortitudo diaboli per me vinceretur. Genes. III, 15 : Ipsa conteret caput tuum.

Item, Creata sum, ut paupertas filiorum Adam per me ditaretur. Unde Hieronymus in sermone de Assumptione B. Virginis, qui incipit: Cogitis me , dicebat Virginem esse gratia plenam, quae dedit caelis gloriam, terris Dominum, pacemque refudit, fidem gentibus, finem vitiis, vitae ordinem, moribus disciplinam.

Sequitur: Requievit in tabernaculo meo : quia cum tota divinitate et humanitate. Requievit utiliter, quia in utero meo existens, operatus est, ut inquit David, Psal. lxxiii, 12, salutem in medio terrae. Requievit dulciter, nullum dolorem inferens, et cum integritate virginalis claustri cubicula, intrans, et exiens. Requievit largiter, mihi omnia bona sua secum deferens. Sapient. VII, 11 : Venerunt mihi omnia bona pariter cum illa, etc. Requievit puriter, purissimus in purissima. Unde ipsa dicit, Eccli. XXIV, 15 : In ci-vitale sanctificata, id est, Maria, similiter requievi. Potuit enim dicere Filius ei illud quod dicit Jacob ad Laban, Genes. XXX, 30 : Modicum habuisti, scilicet o mater, antequam venirem ad te, scilicet per gratiam in mente, et divinitatem in ventre. Et nunc dives et inclyta effecta es, quia Domina es in terra. Tibi enim traditae sunt claves mortis et inferni, atque caeli . Benedixitque tibi Dominus ad introitum meum. Iste enim est introitus Noe in arcam, quando rupti sunt omnes fontes abyssi ''gratiarum ,

Item, Exaltata est in gloria et gratia super omnem creaturam. Eccli. XXIV, 17 et seq.: Quasi cedrus, scilicet ad fugandum, exaltata sum in Libano, cujus odor diabolum serpentem antiquum fugat. Vel ad. sustentandum onera totius generis humani, ibi, Quasi cypressus in monte Sion, quae numquam cedit oneribus : sic ipsa numquam aliquibus tribulationibus. Vel, ad defendendum, ut ibi, Quasi palma exaltata sum in Cades, quae expansis ramis in modum manus hominis habet folia. Vel, ad pacificandum, ut ibi, Quasi oliva speciosa, quae est arbor pacis. Vel, ad adumbrandum contra calorem tentationum, ut ibi, Quasi platanus exaltata sum, quae alta est, et habet lata folia, et per ramos diffusa. Sic et Regina caeli.

Item, Ipsa est vitis jucunditatis, et laetitiae. Eccli. XXIV, 23: Ego quasi vitis fructificavi suavitatem odoris. Comparatur autem Maria viti, tribus de causis. Primo, quia flos vitis fugat serpentes : sic Maria daemones. Secundo, quia lacryma vitis sedat impetiginem et scabiem : sic Maria quodlibet crimen. Tertio, quia generat vinum, quod tollit tristitiam : sic Maria dat perpetuam laetitiam.

Item, Beata Virgo appellat se quadruplicem matrem. Matrem pulchrae dilectionis, contra luxuriam : matrem timoris, contra superbam audaciam: matrem agnitionis, contra ingratitudinem et ignorantiam : matrem spei, contra confusam diffidentiam. Eccli. XXIV, 24 : Ego mater pulchrae dilectionis, et timoris, ei agnitionis, et sanctae spei.

Ipsa est etiam depositorium totius

Trinitatis, in quo peccator quaerere debet quidquid in gratia necesse habet Eccli. XXIV, 25 : In me gratia omnis vitae , contra mortem, et veritatis, contra mendacium : in me omnis spes, contra desperationem, in me omnis spes viae et virtutis, contra omne vitium,

Item, Ipsa sedens in dextera Dei Filii, nostra videns pericula, clamat, Eccli. XXIV, 26 : Transite ad me, omnes qui, etc. Nota, a quo, ad quem, et quos ad transeundum invitat. A quo, quia a mundo decipiente, a peccato inficiente, a diabolo devorante. Vel aliter, quasi diceret: Transite de mundo, quia mundus transii, et concupiscentia ejus , ideo vos ad me transite. Vel, transite quamdiu potestis, de culpa ad gratiam, quia postea non valebitis. Sed ad quem? Ad me, quae sum peccatorum illuminatrix. Job, XXIX, 15 : Oculus fui caeco. Item, ad me, quae sum peccatorum reconciliatrix, ut patet, II Regum, xxv, 1 et seq., de Nabal et Abigail. Vel, ad me, quae sum omnium peregrinorum Christi generalis receptrix. Job, XXXI, 32 : Ostium meum viatori patuit. Sed quos invitas ad transeundum ad te ? Omnes qui concupiscitis me, me honorantes, et diligentes etiam per teneram devotionem. Sed quare transire debemus ? Ut a generationibus meis impleamini, quia vacui: ut salvemini, quia perditi: ut dulces efficiamini, quia amari.

Unde, ibidem, V. 27 : Spiritus enim meus super mel dulcis, omnium amaritudinem peccati repellens. Et ad hoc transite, ut saturemini, ut ibi, V. 29 : Qui edunt me adhuc esurient, etc. Glossa: per desiderium, et devotionem. Vel, propter hoc ut instruamini, ut ibi, V. 30 : Qui audit me non confundetur, et qui operantur in me, mihi serviendo, non peccabunt. Et infra, V. 31 : Qui elucidant me,aliis praedicando fideliter, veraciter, et devote, vitam aeternam habebunt, per me, et per meum. Filium.

Item, Ipsa est quae pro nobis creata est, et missa in mundum Eccli. XXIV, 14 :

Ab initio et ante saecula creata sum, etc. Require de hoc in Proverbiis, VIII, 22 : Dominus possedit me.

Item, Ipsa est cujus habitatio est in plenitudine gratiarum Angelorum, et Sanctorum, et in plenitudine ipsius Trinitatis. Eccli. XXIV, 41 et seq.: Ego quasi fluviis dioryx, qui interpretatur medicamentum generationis, scilicet infirmorum filiorum Adam : ei sicut aquaeductus exivi de paradiso. Dixi: Rigabo hortum meum plantationum, et inebriabo prati mei fructum, id est, Filii:... ei illuminabo omnes sperantes in Domino, non in mundo, vel in alia re.

Item, Ipsa est quae communiter orationibus laudatur, et communiter ab omnibus est laudanda. Eccli. XXIV, 47 : Videte, scilicet Angeli, justi, peccatores, quoniam non soli mihi laboravi, scilicet filium meum Iactando, nutriendo, et apud crucem stando, sed omnibus exquirentibus veritatem.

Item, Ipsa est sol, qui sua praesentia ornat coelum. Eccli. XXVI, 21 : Sicut sol oriens mundo in altissimis Dei, sic mulieris bonae species in ornamentum domus ejus. Et, Eccli. xlii, l6: Sol illumi-

nans per omnia respexit, et gloria Domini plenum est opus ejus. Iterum, XLIII, 2 et seq.: Sol in adspectu annuntians in exitu, vas admirabile opus Excelsi In meridiano exurit terram, et in conspectu ardoris ejus quis poterit sustinere ? Fornacem custodiens in operibus ardoris: tripliciter sol exurens montes, radios igneos exsufflans, et refulgens radiis suis obcaecat oculos. Magnus Dominus qui fecit illum, etc.

Item, Ipsa est luna quae nobis indicat festa aeternae jucunditatis. Eccli. xliii, 6 : A luna signum dici festi. Nota de signis lunae.

Item, Maria Virgo signata est per Abraham, in cujus laudem, et filii sui Isaac dicitur, Eccli. xliv, 25 : Benedictionem omnium sig. entium dedit illi Dominus : quod antonomastice de ipsa Virgine verificatum est, cui Dominus omnem benedictionem dedit. Et ut ab initio aliquantulum repetamus, ipsa habuit benedictionem septimi diei, in quo Deus requievit ab universo opere quod patrarat . In ipsa enim vere fuit consummatio operum diei, quoniam omnia creata in uno opere, scilicet homine, uniuntur cum creatore: et primum fit ultimum, et ultimum primum. Non est enim perfectio motus, nisi quando est in circulo. Habuit etiam benedictionem Adami et Hevae. Genes. I, 28: Dominamini piscibus maris, et volatilibus coeli, ei universis animantibus, quae moventur super terram. Dominatur enim per potentiam piscibus maris, id est, daemonibus in amaritudine inferni constitutis. Dominatur etiam volucribus coeli, id est, Angelis volantibus per contemplationem Dei. Dominatur etiam per misericordiam animantibus quae moventur super terram, Id est, hominibus in hoc mundo constitutis.

Item, Habuit benedictionem Jacob, quae in tribus consistit. Primo in abun- dantia necessariorum, ibi, Genes. xxvii, 28 : Det tibi Deus de rore caeli, et de pinguedine terrae, abundantiam frumenti et vini. Secundo, in dignitate bonorum, ibi, V. 29 : Esto dominus fratrum tuorum, et incurventur ante te filii matris tuae: serviant tibi populi. In amotione incommodorum, ibi, V. 29 : Qui maledixerit tibi, sit ille maledictus: et qui benedixerit tibi, benedictionibus repleatur. Laudemus ergo omnes Mariam, et dicamus: Benedicta tu in mulieribus .''

Habuit etiam benedictionem Balaam, in qua notantur septem. Primum est ejus gloriosa generatio, ibi, Numer. XXIV, 17: Orietur stella ex Jacob. Secundum, Filii Dei incarnatio, ibi, Et consurget virga de Israel. Tertium, vitiorum destructio, ibi, Et percutiat duces Moab, Quartum, hominum liberatio, ibi, V. 18 : Ei erit Idumaea possessio ejus. Quintum, beatorum confirmatio, ibi, Israel fortiter aget. Sextum, caeterorum dominatio, ibi, V. 19 : De Jacob erit qui dominetur. Septimum, damnatio malorum, ibi, Et perdat reliquias civitatis.

Habuit etiam benedictionem Moysis, Deuteron. XXVIII, 3 et seq. : Benedictus tu in civitate, et benedictus in agro. Benedictus fructus ventris tui..... Benedictus eris tu ingrediens et egrediens : quae de hac vita sine dolore mortis migrasti, et coelum corpore et anima introisti.

Habuit etiam benedictionem Aaron, Eccli. XLV, 9 et seq., de cujus laude dicitur : Coronavit eum in vasis virtutis,... et cinxit eum tintinabulis aureis plurimis in gyro, dare sonitum in incessu suo , auditum facere sonitum in templo in memoriam filiis gentis suae.

Habuit benedictionem Samuelis, . de cujus laude dicitur, Eccli. XLVI, 16 et seq. : Renovavit imperium, ei unxit principes, etc. Et, Vidit Deum lucis, etc. Pecunias et usque ad calceamenta ab omni carne non accepit, et non accusavit illum homo.

Habuit etiam benedictionem Davidis, de cujus laude dicitur, Eccli. XLVII, 4 et seq. : In juventute sua occidit gigantem, ei abstulit opprobrium de gente.... Contrivit inimicos undique, et exstirpavit Philistiim contrarios usque in hodiernumdiem.

Habuit etiam benedictionem Salomonis, de cujus laude dicitur, Eccli. xlvii, 16 et 17 : Impletus est, quasi flumen, sapientia... Ad insulas longe divulgatum est nomen tuum.

Habuit etiam benedictionem Joseph, de cujus laude dicitur, Eccli. xlix, 17, quod luit princeps fratrum, firmamentum gentis, collector frumenti, et stabilimentum populi.

Habuit etiam benedictionem Oniae, de cujus laude dicitur, Eccli. L, 1 et seq., quod in diebus ipsius emanaverunt putei aquarum, et quod suffulsit domum, et quod fuit quasi stella matutina in medio nebulae, et quasi luna plena, et quasi sol refulgens, et quasi arcus refulgens inter nebulas gloriae, et quasi flos rosarum in diebus vernis, et quasi lilia quae sunt in transitu aquae, et quasi thus redolens: et quasi ignis effulgens et thus ardens in igne : et quasi vas auri solidum, ornatum omni lapide pretioso : et quasi oliva pullulans, et cypressus in altitudinem se extollens : et quod porrexit manum suam in liberatione, ei libavit de sanguine uvae, etc, excelso principi.