LIBER JUDITH.

Arphaxad itaque, rex Medorum .

In nostra Judith, id est, in Virgine Maria commendatur pulchritudo admiranda, et sapientia prae cunctis mortalibus veneranda. Judith, xl, 18 et 19 :

Dicebant servi Holofernis,quia non solum servi Dei ipsam admirantur, sed etiam servi mundi et diaboli, alter ad alterum : Non est talis mulier super terram, imo nec supra coelum, in adspectu, quia etiam macula peccati caruit venialis. In pulchritudine exteriori credimus eam pulcherriman fuisse, et optime dispositam, quoad Deum, quando dixit, Luc. I, 38 : Ecce ancilla Domini, etc. Quoad Angelum, quando dixit, ibidem, V. 34 : Quomodo fiet istud ? Quoad homines justos, quando salutavit Elisabeth. Quoad peccatores, quando dixit ministris in nuptiis, Joan. II, 5 : Quaecumque dixerit vobis, facite. Et etiam quoad Filium suum, quando dixit, Luc. II, 48 : Fili, quid fecisti nobis sic ?

Commendatur etiam Domina mundi, nominis praeclara excellentia. ipsa enim est post Deum nominatissima. Judith, XI, 21, dixit Holofernes ad Judith, Glossa: quae interpretatur confitens, vel laudans, et significat Mariam : Magna eris, et nomen tuum, id est, Maria, vel maris stella, nominabitur, quia nominabitur mater Dei a Deo, ab Angelis, a justis, a peccatoribus, a Patriarchis, etc. : in universa terra, imo in universo coelo.

Commendatur etiam sanctissima Virgo amplissima charitate, quae consideratur in hoc, quod non tam propriam exaltationem, quam nostram quaerebat liberationem. Judith, XII, 8, Judith orabat Dominum, Deum Israel, ferventissime, ut dirigeret viam ejus ad liberationem populi sui captivi et afflicti.

Commendatur etiam in. ea maxima gratitudo. Gratis enim agebat indesinenter, pro beneficiis sibi collatis, et nobis per eam conterendis, scilicet ut diabolus superaretur, peccatum deleretur, mundus liberaretur. Judith. XIII, 10 et seq. : Abscidit caput Holofernis, id est, diaboli, laudando Deum, et nos consolando, et dixit a longe ad custodes murorum : Aperite portas. Glossa : id est, cordis devotionem, quoniam nobiscum est Deus. Glossa : " Ut carnem infirmitatis nostrae in me assumens, divinitatis suae nos participes faceret, ut propugnator, et victor a potestate diaboli nos eriperet. " Et concurrerunt ad eam omnes, scilicet Angeli, quibus dedit laetitiam : justi, quibus gratiam : peccatores, quibus veniam impetrat. Illa autem ascendens in eminentiorem locum. Glossa : ad laudandum Deum pro beneficiis suis, auditores attollens, dixit: Laudate Dominum Deum nostrum. Glossa : Non me, qui non deseruit sperantes in se, quia fidelissimus est : et in me ancilla sua humili, devota, adimplevit mirabiliter, largiter,

utiliter,et Sapienter,misericordiam suam , quia incarnatus est in me propter peccatores, quam promisit per os Prophetarum domui Israel, id est, Ecclesiae : et inter fecit in manu mea, id est, per Filium, qui manus mea est, hostem populi sui. Glossa : id est, diabolum, hac nocte gratiae et misericordiae. Ecce caput Holofernis. Ipsa, de qua dicitur, Genes. III, 15 : Ipsa conteret caput tuum.

Commendatur etiam in ea maxima fortitudo. Judith, XIII, 22 et seq : Universi, scilicet Patriarchae, et Prophetae, et omnes fideles, dixerunt ad eam (Judith), id est, ad Virginem gloriosam Mariam : Benedixit te Dominus in virtute sua, tibi gratiam et fortitudinem tribuens, quia per te, non per Angelorum, vel Sanctorum aliquem, ad nihilum redegit inimicos nostros, diabolum superando,peccata delendo, mundum vivificando. Quia hodie, scilicet in die annuntiationis, quando mater Dei. effecta est, vel in die assumptionis, quando super omnes choros Angelorum exaltata est, nomen tuum, Angelis reverendum, hominibus amandum, daemonibus tremendum, ita magnificavit in caelo, et in terra, ut non recedat laus tua de ore hominum, et omnium Angelorum, qui memores fuerint virtutis Domini, per te manifestata in aeternum, pro quibus non pepercisti animae tuae, in die amarissimae mortis praedilecti Filii tui, propter angustias et tribulationem generis tui, miserorum filiorum Adam : sed subvenisti misericorditer, viriliter, et fideliter, ruinae magnae, amarae, ignominiosae, et aeternae, ante conspectum Dei nostri. Ei dixit omnis populus : Fiat ! fiat ! ....Et dixit Judith ad Achior: Caput omnium incredulorum incidit hac nocte in manu mea.

Commendatur etiam Regina Angelorum a maxima humilitate quae consideratur in hoc, quod omnes vermiculos, perditos filios perditi Adam, fratres suos vocat. Judith, XIV, 1 et seq. : Dixit Judith ad omnem populum : Audite me, fratres, quorum soror ego sum ex natura. Item, vocat alibi nos filios. Proverb. VIII, 32 : Nunc ergo, filii, audite me, tamquam matrem : sed hic, audite me, tamquam fratres sororem. Suspendite caput hoc crudele, nequam, omni fallacia plenum, quod ego abscidi, super muros nostros. Glossa: " In doctrina Evangelica, quae est murus credentium, in illa parte, in qua ostendatis aperte hostis superbiam esse contritam. " Cum exierit sol. Glossa : " Docet qualiter hostem nostrum persequamur. " Cum exierit de utero meo, tamquam sponsus de thalamo suo : quod factum est in nativitate Domini, sol, id. est, Christus filius meus, illuminans caecos, inflammans frigidos, fecundans steriles, et se, ut sol, omnibus largiens, et diffundens. Exile cum impetu ''nihil formidantes, ad pugnam contra mundum, diabolum, et peccatum.

Commendatur etiam beatissima Virgo a summa sapientia, per quam diaboli regnum confudit, et caput suum contrivit. Judith, XIV, 16 : Una mulier Hebraea, id est, Maria, fecit confusionem magnam, et inopinabilem, in domo regis Nabuchodonosor, id est, diaboli. Confudit enim superbiam ejus per humilitatem suam, astutiam per sapientiam, et sic de aliis.

Ipsa est illa, quae traxit Filium Dei de caelo in uterum suum, ut ipsa sibi mater fieret incarnationis, et domus habitationis. Judith, xv, 9 et seq. : Joacim. Glossa: " Qui interpretatur Domini resurrectio, significat Christum, " qui de Jerusalem venit in Bethuliam. Glossa : id est, in uterum Virginis, ut videret Judith. Glossa : id est, probaret fidem, et dilectionem. Quae cum exiisset ad illum, per nativitatem, benedixerunt eam omnes una voce, dicentes : Tu gloria Jerusalem,

id est, illorum, qui sunt in coelo : tu laetitia Israel, id est, dolentium, et sig. ementium pro peccatis in hoc mundo, tu honorificentia populi nostri, abjecti, quia fecisti viriliter. G lossa : " Contra principem mundi. " Et ideo eris benedicta in aeternum a Deo, ab Angelis, et homini- bus. Et dixit omnis populus : Fiat ! fiat,!

Item, Ipsa est comminatrix omnium laedentium servos et ancillas filii sui. Judith, XVI, 20 : Vae genti. G lossa : in perpetuum, insurgenti contra genus meum, id est, cultores Dei !