Acta Apostolicae Sedis - Commentarium Officiale666

VARSAVIEN.

Beatificationis seu Declarationis martyrii Servi Dei Georgii Popiełuszko, Sacerdotis

dioecesani († 19 Octobris 1984)

DECRETUM SUPER MARTYRIO

Deus « ad annuntiandum laeta mansuetis misit me, ut mederer contritis

corde » (Is 61, 1).

Verba antiqui prophetae Israelis, quae Iesus in synagoga Nazarethana

sibi appropriavit, sacerdotalis vitae propositum constituerunt Servi Dei

Georgii Popiełuszko; et ab eo occasione primae eucharisticae celebrationis

scripta extremam significarunt rationem eius supremae testificationis erga

Dominum.

Servus Dei die 14 mensis Septembris anno 1947 in loco Okopy prope

Suchowola in Polonia e familia agricolarum christianae traditionis est ortus.

Sub nomine Alfonso baptizatus est, quod postea in Georgium Alexandrum

mutavit. Sacerdotii desiderio ductus, Seminarium dioecesanum Varsaviae est

ingressus, sed spatio unius tantummodo anni formationis philosophicae et

theologicae transacto, eam interrumpere coactus est ut militare munus adim-

pleret. Biennium quod in exercitu vixit, prima exstitit maioris momenti

periclitatio eius vocationis, quandoquidem vexationes ob eius religiosa prin-

cipia obire debuit. Curriculis deinde expletis, die 28 mensis Maii anno 1972

presbyteratus ordine est insignitus.

Iuveni sacerdoti munus vicarii paroecialis concreditum est, quod ille

deinde apud varias exercuit communitates. Pastoralem quoque operam pro

valetudinis praestitit administris et universitatum tironibus. Superiores

advertentes valetudinem Servi Dei in deterius ruere, eum a munere vicarii

solverunt et destinarunt eum in paroeciam sancti Stanislai Kostka, in

Varsaviae regione Żoliborz.

Hac enim periodo, qua singularis spirabatur aura laetitiae ob electionem

Servi Dei Ioannis Pauli II ad cathedram Petrinam, et eodem tempore orie-

batur conatus renovationis spiritalis et democraticae Nationis, quos actio

secuta est opificum motus inspirationis catholicae nuper constituti, ille in

mundum operariorum est ingressus; immo, etsi invitus, istius dux est factus

credibilis et probatus, suam semper sacerdotalem identitatem servans et sui

ministerii indolem defendens. Ita sese gerebat, etiamsi diversimode et de

gravitate rerum conscius, cum auctoritates statales communistarum belli