Acta Apostolicae Sedis - Commentarium Officiale664

fundae pietatis familia. Puella modo duodecim annorum votum emisit virgi-

nitatis et die 15 mensis Maii anno 1871 professionem religiosam in Tertio

Ordine Sancti Francisci, apud quem mirum iter perfectionis consummavit,

testimonium praebens magnae pietatis et devotionis praesertim erga Eucha-

ristiam et Beatissimam Mariam Virginem, et extraordinariam paenitentiae

conversationem vixit, quam cum profunda oboedientia et humilitate comi-

tabatur. Anno 1874 licet phtisi correpta, mirabilia tamen laetae tolerantiae

poenarum infirmitatis praebuit exempla et patientis animi aequitatis et

Seraphici Patris Francisci serenitatis ostendit testimonium. Die 4 mensis

Novembris anno 1876 pie in Domino quievit

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Domini Hermanni

D'Alfonso, litterarum geruli quinquaginta et quinque annorum, quem Romae

mane diei 13 mensis Octobris anno 2001, laborem exercentem, improvisa ac

repentina cordis pulsus et sanguinis transitus cessatio corripuit, quae, longius

producta, eum exanimem, venarum pulsu anhelituque omnino exortem

reliquit. Ambulatorii currus ope in loculamentum valetudinarii intensivis

curationibus sepositum translatus, medici immane systematis nervorum

iam provectum damnum agnoverunt, quod insequentia examina quoque

confirmaverunt, et, perpensa gravitate et difficultate casus, prognosim

infaustam quoad vitam et valetudinem edixerunt.

Exinde cum vita eius in extremo esse discrimine constitit, simul ad divi-

num confugerunt auxilium per intercessionem Servae Dei Teresiae Manga-

niello infirmi proximi una cum presbytero cappellano et aliis in nosocomio

receptis aegrotis et ipsis Sororibus Immaculatinis Sancti Francisci, quae Ve-

nerabilem puellam tamquam « inspiratricem et lapidem angularem Instituti »

sui habebant. Quae invocationes usque ad plenam infirmi sanationem pro-

cesserunt, quae inter dies 2 et 4 mensis Novembris patuit, cum Hermannus

ad loculamentum pro cordis curationibus constitum translatus est, eodem

vero tempore tridui in vico Sancti Aegidii apud Montefuscum, in commemo-

ratione transitus Servae Dei celebrati, quod enim - sicut dictum est - die 4

mensis Novembris occurrit. Die 15 mensis Novembris anno 2001, Dominus

Hermannus, integra cum esset corporis valetudo, a nosocomio dimissus est.

De hac mira habita sanatione apud Tribunal Vicariatus Urbis inter dies

29 mensis Aprilis et 28 mensis Novembris anno 2002 Inquisitio dioecesana

celebrata est, cuius auctoritas et vis iuridica a Congregatione de Causis

Sanctorum Decreto diei 22 mensis Maii anno 2003 probatae sunt.