Congregatio de Causis Sanctorum 663

Ordinaria Patrum Cardinalium et Episcoporum, die 29 mensis Septembris

anno 2009 habita, Ponente Causae Excellentissimo Domino Lino Fumagalli,

Episcopo Sabinensi-Mandelensi, confirmavit.

Et in utroque coetu sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Venerabilis Servi Dei Emmanuelis Lozano Garrido, christifidelis laici, videlicet

de celeri, perfecta ac constanti sanatione pueri Rogerii de Haro Sagra a « stato

settico secondario da pseudomonas aeruginosa in soggetto con peritonite evoluta

in peritonite plastica, secondaria ed appendicite gangrenosa perforata post-mor-

billosa sottoposta ad asportazione; necrosi intestinale operata di ileo-resezione

(20 cm.) ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris anno Domini 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

BENEVENTANA

Beatificationis et Canonizationis Ven. Servae Dei Teresiae Manganiello, iuvenis

saecularis e Tertio Ordine S. Francisci, inspiratricis sororum Franciscalium

Immaculatinarum (1849-1876)

DECRETUM SUPER MIRACULO

Venerabilis Serva Dei Teresia Manganiello nata est Montefusci, intra fines

Archidioecesis Beneventanae, die 1 mensis Ianuarii anno 1849, e rustica pro-