Acta Apostolicae Sedis - Commentarium Officiale662

Summus Pontifex Benedictus XVI, die 17 mensis Decembris anno 2007,

professus est Servum Dei virtutes theologales, cardinales iisque adnexas in

modum heroum coluisse.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram sanationem pueri Rogerii de

Haro Sagra, qui, anno 1972, dum quartum agebat aetatis annum, morbilli

contagione correptus, febrim atque acres dolores in abdomine percipere

coeperat. Linaria Matritum transvectus, chirurgicae sectioni subiectus est

necnon necessariis subsequentibus curis antibiotici remedii ope suppeditatis.

Cursus autem infirmitatis ita in peius ruit, ut nova chirugica sectione opus

esset, quae ingentem in alveo peritoneali ostendit puris copiam pergraviter

propagatam una cum ampla intestini necrosi. Condiciones, ergo, infirmi

etiam graviores evaserunt, cum parvulus aegrotus identidem vomuisset ac

pondus adeo trepide amisisset, ut, post novam organorum corruptionem, fere

exanimatus videretur.

Cum vitam eius in tanto esset discrimine, omnis parvuli Rogerii familia

protinus ad divinum auxilium confugit per intercessionem Servi Dei Emma-

nuelis Lozano Garrido, quam perseveranter ac ferventer expostulaverunt;

atque etiam Lucia, Venerabilis soror illa, eiusdem precationibus se adiunxit

ac pueri pulvino crucifixum, quem Servus Dei manibus tenebat in articulo

mortis, supposuit. Biduo post, valetudo infirmi repente proficere coepit

usque ad rapidam et completam sanationem, nullo superstite effectu, qui

ex more chirurgicis patratis sectionibus prodeunt.

Clarissime patuit congruentia temporis, sicut et nexus inter invocationem

Venerabilis Servi Dei et sanationem Rogerii de Haro Sagra, qui nunc optima

valetudine gaudet et normales exinde vitae consuetudines gerere potest et

ipsis ludis gymnicis delectari.

De hac mira habita sanatione apud Curiam Episcopalem Giennensem

inter dies 3 mensis Februarii et 29 mensis Martii anno 2000 Inquisitio dioe-

cesana celebrata est, cuius auctoritas et vis iuridica a Congregatione de

Causis Sanctorum Decreto diei 3 mensis Iunii anno 2000 probatae sunt.

Dicasterii Medicorum Collegium in Sessione diei 17 mensis Ianuarii anno

2008 una voce ac sententia sanationem, licet gravis discriminis vitae infec-

tionis causa rapidam, completam, duraturam et inexplicabilem secundum

hodiernam scientiam medicam fuisse affirmavit.

Die 15 insequentis mensis Februarii eiusdem anni, Congressus Peculiaris

Consultorum Theologorum factus est, cuius prosperam sententiam Sessio