Acta Apostolicae Sedis - Commentarium Officiale652

et, triginta et quinque fere metra deiectus, super asphaltum viae cecidit

caput asperrime percutiens. Casus pueri, qui in valetudinarium transvectus

est, illicet gravissimum se praebuit, non modo ingentem ob comatis lethar-

gum, sed etiam hypertensionis cranii interioris constanter increscentis causa,

quae iam omnem facultatem curationis adeo effugiebat, ut medici sententiam

omnino infaustam dicerent quoad vitam.

Cum terribilis discriminis recepissent nuntium, amici quidam familiae

protinus ad divinum confugerunt auxilium per intercessionem Andreae Bes-

sette sanationem a Domino petentes, quam iterum coram ipsius Beati sepul-

cro supplices expostulaverunt. Improviso, statim ac omnes curas omittere

decretum erat, infirmus mirum ostendere coepit systematis nervorum et sa-

lutis generalis profectum, ut, praevisis examinibus rite confectis, medici eum

omnino sanatum profiterentur. Clarissime patuit congruentia temporis, sicut

et nexus inter invocationem Beati et sanationem Alexandri Gagné, qui nunc

optima valetudine gaudet et normales exinde vitae consuetudines gerere

potest.

De hac mira habita sanatione apud Curiam Archiepiscopalem Mariano-

politanam inter dies 14 mensis Februarii et 2 mensis Martii anno 2005 Inqui-

sitio dioecesana celebrata est, cuius auctoritas et vis iuridica a Congregatione

de Causis Sanctorum Decreto diei 10 mensis Iunii anno 2005 probatae sunt.

Dicasterii Medicorum Collegium in Sessione diei 26 mensis Februarii anno

2009 una voce ac sententia sanationem rapidam, completam, duraturam et

inexplicabilem secundum hodiernam scientiam medicam, fuisse affirmavit.

Die 27 insequentis mensis Iunii eiusdem anni, Congressus Peculiaris Con-

sultorum Theologorum factus est, quem, post breve Supplementum Inquisi-

tionis Marianopoli die 11 mensis Septembris anno 2009 habitum, altera Sessio

die 17 mensis Octobris secuta est, cuius sententiam confirmavit, die 15 mensis

Decembris anno 2009, Sessio Ordinaria Patrum Cardinalium et Episcoporum,

Ponente Causae Excellentissimo Domino Xaverio Echevarrı́a Rodrı́guez,

Episcopo titulari Cilibiensi, et in utroque coetu sive Consultorum sive Cardi-

nalium et Episcoporum, posito dubio an de miraculo divinitus patrato con-

staret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Beati Andreae Bessette, Fratris Professi e Congregatione Sanctae Crucis, videli-