Acta Apostolicae Sedis - Commentarium Officiale656

1820, postquam una cum familia Barcinonem commigratus est, ut in

Conventum Fratrum Capuccinorum Xarriensem intra fines eiusdem urbis

Catalauniensis ingrederetur. Die 24 mensis Maii anno 1834, studiis philoso-

phicis atque theologicis expletis, presbyteratu auctus est. Dum in pastorali

navitate apud Conventum Sanctae Matronae Barcinonensem omni studio

enitebatur, bello civili anno 1835 grassante, propter leges decretas, quae in

illo tempore hostilitate contra Ecclesiam adeo vigebant, ut omnem religio-

nem prohiberent atque Institutum quodlibet vitae consecratae supprimerent,

Conventum deseruit atque extra claustrum conversari compulsus est. Ex

Hispania eiectus, Venerabilis Servus Dei Tolosam se contulit, ubi studia

theologiae ad rem moralem attinentia, perfecit, titulum adipiscens Praedica-

toris. Interdum, in eadem urbe ministerium exercuit Cappellani Monialium

Sancti Benedicti ab Adoratione Perpetua.

Repetita patria, aggregatus est in paroeciam Barcinonensem Sancti Fran-

cisci de Paula, ubi, apostolatum navans, duas invenit religiosas Capuccinas,

quae etiam extra claustrum eadem ratione vagabantur, cum quibus et aliis

cooperatoribus primum initium dedit Instituto Sororum Capuccinarum a

Matre Divini Pastoris pro christiana et humana institutione pauperum. Licet

infirmae esset valetudinis, totam vitam Servus Dei impendit religiosarum

spiritali provectui earumque operum dispositionem curavit, quam tempora

illa peculiariter Ecclesiae infensa peraspere vexaverunt.

Iamiam viribus infractus ac diutina apostolica navitate confectus, die

27 mensis Februarii anno 1871 Barcinone, dum eucharistica celebrabat

mysteria, pie in Domino quievit.

Summus Pontifex Benedictus XVI, die 22 mensis Decembris anno 2008,

professus est Servum Dei virtutes theologales, cardinales iisque adnexas in

modum heroum coluisse.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram sanationem, quae Barcinone

occurrit, Sororis Helgae Yaneth Rincón Prieto, virginis, quae iam inde ab

adulescentia luminum incommoda animadvertere inceperat, qui sive longe

conspectum amplius non ferebant sive deformi oculorum cornus flexione

graviter affligebantur. Insequentibus annis seduliores clinicae perscrutatio-

nes, quas saepius suscepit, ostenderunt progrediens infirmitatis incremen-

tum, nec ulla praeberi poterat integra morbi sanatio, nisi chirurgica sectio

instructa, quae refractioni lucis opitularetur. Aestivo sidere anni 1995, Helga,