Congregatio de Causis Sanctorum 659

confratribus et pro pauperibus colligens. In suis peregrinationibus, modum

excogitabat catechismum docendi, peccatores ad conversionem revocandi,

sincerum cultum erga Virginem Mariam diffundendi. A suo simplici et frugi-

fero ministerio numquam destitit, ne perdurante quidem periodo Belli Civilis

et religiosae insectationis, quamvis non semel vita eius in discrimen adduce-

retur. Die 9 mensis Februarii anno 1956 sanctitatis circumdatus fama Gra-

natae animam exhalavit. Summus Pontifex Benedictus XVI eius heroicas

virtutes agnovit per Decretum die 15 mensis Martii anno 2008 vulgatum.

Ad eius quod attinet beatificationem, Postulatio Causae iudicio huius

Congregationis de Causis Sanctorum submisit coniectam miram sanationem

Matritensis dominae Ileanae Martı́nez del Valle, quae mense Iulio anno 1994

affici variis incommodis coepta est, idcirco coacta est in valetudinarium

excipi; quod deinde iterum evenit ob additos dolores musculares in cruribus

et brachiis, quorum causa nullum motum exsequi poterat. Sequens diagnosis

statum clinicum detexit adeo gravem, qui, ex gravi forma anhaemiae prove-

niens, in plures implicationes mutatus est, quales fuerunt nausea, difficultas

deambulandi, et immo se nutriendi, debilitas diffusa in massas musculares,

progrediens amissio visionis, repentinae et atroces contractiones, acuti

cruciatus et insuperabiles convulsiones, infimus gradus haemoglobinae et

piastrinarum, quae cum vita non congruunt, pericarditis et pulmonitis bila-

teralis. Quamvis curae non defuerunt, valetudo aegrotae in peius celeriter

ruebat ita ut ediceretur prognosis adeo reservata quoad vitam et quoad

valetudinem. His in praegravibus adiunctis, plures familiares et amici domi-

nae Ileanae preces Domino effuderunt, sanationem petentes per intercessio-

nem Venerabilis Servi Dei; quinimmo quaedam amica dono ei imaginem

tradidit cum quadam particula reliquiarum fratris Leopoldi, infirmam simul

exhortans ad invocandum humilem capuccinum de Alpandeire. Ipsa quidem

nocte, qua condicio iuvenis aegrotae in desperationem adducebatur, mater

eius aliaeque personae in valetudinarii sacello manserunt ad orandum.

Sequenti die detectum est Ileanam mirum in modum convalescere: ex impro-

viso dolores et fatigatio evanuerunt, cordis palpitatio naturalem resumit

rhythmum et omnes valores ad normam redierunt; praeterea ex variis

sequentibus investigationibus clinicis compertum est tum residua omnino

defuisse, quae ex experientia aperte praevidentur, tum statum clinicum et

functionalem apparatuum artuumque prius affectorum nunc iuxta normam

valere.