Acta Apostolicae Sedis - Commentarium Officiale654

Identidem abbatissa electa est et sua in civitate socialibus in concordiis

moderatrix fuit.

Suo in monasterio, die 31 mensis Maii anno 1524, animam sancte reddidit.

Summus Pontifex Gregorius XVI anno 1843 decretum confirmationis cultus

a tempore immemorabili approbavit. Benedictus XVI die 19 mensis Decem-

bris anno 2005 Decretum super virtutibus ab ea exercitis promulgavit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit quandam miram sanationem puellae

Cleliae Ottaviani, quae Camerini mense Septembri anno 1877 habita est et de

qua disquisitum est in Processu Apostolico super vita et virtutibus Beatae,

qui celebratus est iuxta Curiam Archidioecesis Camerinensis inter annos 1879

et 1881, cuius acta die 18 Martii anno 1891 a Congregatione Rituum appro-

bata sunt et a Summo Pontifice Leone XIII die 8 insequentis mensis Aprilis

confirmata sunt.

Parvula Clelia crescebat pravitatis imminutionisque corporis signa osten-

dens propter defectum calcii, quod claras gravesque deformationes ossium

generavit, liberum incessum prohibens. Puellula propter deformationes se

sustinere nequibat ita ut vix paucissimos gressus una cum auxilio alicuius

adulti aut baculorum facere posset. Medici eam insanabilem iudicaverunt.

Familiae amica puellae cum Beatae Baptistae Varano reliquias in ecclesia

ad publicam venerationem exposituras esse comperisset, puellulam in eum

locum deduxit et orans aliquanto stetit, Beatae intercessionem invocans ad

puellulam aegrotam sanandam.

Tres post dies, egressa ab ecclesia, Cleliam humi ponens, eam ad se venire

sollicitavit, tunc puellula, sine aliquo auxilio, consurrexit et libere primos

gradus fecit.

Ab illo die puellulae salutis confirmationes eo evidentes fuerunt ut sine

impedimentis libera et vivax suis in motibus crescere posset.

Evidens est concursus temporis et consequentia inter Beatae Baptistae

Varano invocationem et sanationem puellulae Cleliae Ottaviani quae dein-

ceps naturali socialique vita pollens sana fuit.

De sanatione, mira aestimata, iuxta Curiam Archiepiscopalem Camerini-

Sancti Severini in Piceno celebrata est inter annos 2004 et 2007 Inquisitio

dioecesana cuius iuridica validitas ab hac Congregatione per Decretum diei

15 Februarii anno 2008 est approbata.

Consilium Medicorum huius Dicasteri in Sessione diei 18 Iunii anno 2009

declaravit sanationem celerem, perfectam, constantem et ex scientiae legibus