Acta Apostolicae Sedis - Commentarium Officiale604

CONGREGATIO DE CAUSIS SANCTORUM

COSENTINA -BISINIANENSIS

Beatificationis et Canonizationis Ven. Servae Dei Helenae Aiello, Fundatricis

Sororum Minimarum a Passione Domini Nostri Iesu Christi (1895-1961)

DECRETUM SUPER MIRACULO

Venerabilis Serva Dei Helena Aiello nata est Montalti Uffugi (Consentiae)

die 10 mensis Aprilis anno 1895 quarta decem filiorum; recepit baptisma

quinque post diebus et christianorum more educata est. Immature orba ma-

tre, in morbo vovit se facturam esse sororem. Post primum totius mundi

bellum et gravem Hispanicam pestilentiam, Serva Dei adivit Congregatio-

nem Sororum Caritatis Pretiosissimi Sanguinis Nuceriae Paganorum. Vulga-

ris morbus haud recte curatus affecit eam malis corporis quae causam fuerunt

cur recesserit a monasterio. Regressa domum, intercessione Sanctae Ritae

sanavit. Deinceps apparuerunt res mirabiles mysticae quae eam sequentur

usque ad mortem. Plasmata hac experientia Passionis Christi, operam dedit

humilibus, maxime derelictis puellis, et instituit Congregationem Sororum

Minimarum a Passione D.N.I.C. In sua spirituali natura ostendit summum

amorem in Romanum Pontificem et Ecclesiam quem, et in eius humilitate,

communicavit ceteris sororibus. Soror Helena mortua est Romae, ubi iacebat

morbo, die 19 mensis Iunii anno 1961. Summus Pontifex Ioannes Paulus II

anno 1991 agnovit heroicitatem virtutum eius.

Ad eius beatificationem, Postulatio Causae supposuit iudicio huius Con-

gregationis de Causis Sanctorum coniectam mirabilem sanationem iuvenis

mulieris Franciscae Bozzarello, factam die 23 mensis Aprilis anno 2002. Mu-

lier, mane die 25 mensis Martii, ibat ad operam suam raeda transvecta per

viam provincialem ad Consentiam, cum repente, ob labidam viam, vehiculum

lapsum est, et illa graviter se offendit. Deducta est in nosocomium Consentiae

in loco curationis gravis, veternoso statu, praebens angustias spiritus et gravia

mala nervorum. Status salutis eius ingravescit in posteros dies et patefecerunt

gravia mala in trunco cerebri et multae sanguinis eruptiones cerebri; evene-

runt etiam corruptiones quaedam. Casus erat tam gravis ut nemo speraret de

solutione morbi. Timebatur vitae iuvenis matris quae, interea, extremum