Acta Apostolicae Sedis - Commentarium Officiale776

CONGREGATIO PRO EPISCOPIS

ARICENSIS

DE NOMINIS DIOECESIS MUTATIONE

DECRETUM

Multum conferre potest ad pastoralem curam aptius exercendam va-

rietatis compositionis populi Dei necnon psychologicorum, geographicorum

historicorumque personarum locorumve adiunctorum rationem habere.

Idcirco Exc.mus P.D. Hector Eduardus Vargas Bastidas, S.D.B.,

Episcopus Aricensis, vota quoque cleri atque fidelium exprimens, ab Aposto-

lica Sede enixe rogavit, ut dioecesis Aricensis aptius « Sancti Marci Aricensis »

appellaretur.

Quapropter Summus Pontifex Benedictus, Divina Providentia PP. XVI,

his omnibus rite perpensis, de consilio infrascripti Cardinalis Congregationis

pro Episcopis Praefecti, praesenti Decreto, perinde valituro ac si Apostolicae

sub plumbo Litterae datae forent, statuit ut, dioecesis Aricensis, eiusque

Praesulis Ordinarii loci titulus, novo nomine « Sancti Marci Aricensis », vulgo

« San Marcos de Arica », designetur.

Contrariis quibusvis minime obstantibus.

Datum Romae, ex aedibus Congregationis pro Episcopis, die 12 mensis

Octobris anno 2011.

Marcus S.R.E. Card. Ouellet

Praefectus

e Monteiro de Castro Emmanuel

Archiep. tit. Beneventensis

a Secretis

Prot. N. 605/2011