Acta Apostolicae Sedis - Commentarium Officiale10

ut voluntatem exsequeretur Patris, se Ipsi offerens in sacrificio suavis odoris.

Asserebat enim: « Soror Maria a Passione appellor et Magistro assimilari de-

beo ».

In communitate sua varia explevit officia: coquae nempe, vestispicae,

ianitricis ac denique novitiarum magistrae. Semper alios aedificabat excel-

lenti exemplo fraternae caritatis, orationis, fidelitatis erga suam consecratio-

nem. Tota communitas eam admirabatur. Ultimum tempus vitae vixit se

tantum Eucharistia vescens atque diem praesensit mortis, quae die xxvii

mensis Iulii anno mcmxii evenit. Sororibus suis hoc tradidit testamentum:

« Commendo vobis in Regulis servandis sanctam perseverantiam, in oboedi-

tione promptitudinem ac praesertim cotidianam Iesu in divino Sacramento

adorationem. Iesum in Eucharistia magnopere diligite, numquam Eum so-

lum relinquite... Eum aegrimonia non afficite! ».

Fama sanctitatis, qua Dei Serva iam in vita fruebatur, annis mortem eius

insequentibus diffusa est et confirmata. Quapropter Iosephus S.R.E. Cardi-

nalis Prisco, Archiepiscopus Neapolitanus, iam anno mcmxiii beatificationis et

canonizationis Causam incohavit. Venerabilis Decessor Noster, Servus Dei

Ioannes Paulus II, die xix mensis Aprilis anno mmiv edixit Venerabilem Ser-

vam Dei Mariam a Passione virtutes theologales, cardinales iisque adnexas

heroico in gradu exercuisse. Nostro de consensu Congregatio de Causis Sanc-

torum die xix mensis Decembris anno mmv rite promulgavit decretum de

miraculo eiusdem intercessioni adscripto, quod anno mcmxiv evenerat. De-

mum illam Beatae titulo honestandam Nos decrevimus atque statuimus ut

ritus beatificationis Neapolitana in urbe ageretur die xiv mensis Maii hoc

anno mmvi.

Hodie igitur Neapoli de mandato Nostro Venerabilis Frater Noster Iose-

phus S.R.E. Cardinalis Saraiva Martins, Praefectus Congregationis de Causis

Sanctorum, textum Litterarum Apostolicarum legit, quibus Nos Venerabi-

lem Servam Dei Mariam a Passione D.N.I.C. (in saec.: Mariam Gratiam

Tarallo) in Beatorum numerum adscribimus:

Nos, vota Fratris Nostri Michaëlis S.R.E. Cardinalis Giordano, Archiepi-

scopi Neapolitani, necnon plurimorum aliorum Fratrum in Episcopatu mul-

torumque christifidelium explentes, de Congregationis de Causis Sanctorum

consulto, auctoritate Nostra Apostolica facultatem facimus ut Venerabilis

Serva Dei Maria a Passione Domini Nostri Iesu Christi (in saec.: Maria Gratia

Tarallo), virgo de Congregatione Sororum Crucifixarum Adoratricum Eucha-