Acta Benedicti Pp. XVI 9

LITTERAE APOSTOLICAE

Venerabili Servae Dei Mariae a Passione D.N.I.C. (in saec.: Mariae Gratiae

Tarallo) Beatorum honores decernuntur.

BENEDICTUS PP. XVI

Ad perpetuam rei memoriam. - « Sancta fieri cupio, Iesum in Eucharis-

tia amans, cum Christo Crucifixo patiens, Christum intuens in fratris pas-

sione ». Hoc vitae fuit propositum Venerabilis Servae Dei Mariae a Passione,

quae firmiter credidit in Christi amorem inque crucis fecunditatem.

Haec humilis et magnanima mulier nata est die xxiii mensis Septembris

anno mdccclxvi in loco Barra, Archidioecesis Neapolitanae, ex Leopoldo Ta-

rallo et Concepta Borriello parentibus, qui dederunt ei sanam humanam et

christianam educationem. Insequenti die baptizata est in paroecia « Ave Gra-

tia Plena » nomen accipiens Mariam Gratiam. Adhuc puellula, votum fecit

virginitatis. Ardenter cupiebat recipere Communionem eucharisticam, quae

ipsi concessa est cum septimum ageret annum; decem vero annos nata sus-

cepit sacramentum Confirmationis. Ex illo tempore vita eius clare tendebat

ad christianam perfectionem plenamque Deo consecrationem. Viginti duos

annos nata in mente habuit suam aspirationem in vitam consecratam se

consequi posse, at pater eius eam induxit ut matrimonium iniret cum Ra-

phaële Aruta, qui eodem nuptiarum die gravi morbo correptus brevi tempore

obiit, ita ut ipsa primum suum desiderium explere potuerit.

Die i mensis Iunii anno mdcccxci in loco vulgo San Giorgio a Cremano,

prope Neapolim, ingressa est Congregationem Sororum Crucifixarum Ado-

rantium Eucharistiam, et accepta ab ipsa Conditrice Serva Dei Maria Pia

Notari, quae nomen dedit ei Mariam a Passione D.N.I.C. Alacriter incepit

viam sanctitatis percurrere, constanter progrediens in Christi imitatione at-

que virtutum exercitatione. Anno mdcccxcii primam emisit religiosam profes-

sionem et anno mcmiii vota perpetua nuncupavit. Consuetis religiosis votis

addidit votum se victimam offerendi pro peccatorum conversione et sacerdo-

tum sanctificatione. Vocationem suam plane explevit per amorem erga Iesum

crucifixum, Eucharistiam et Virginem Perdolentem atque per fidelem obser-

vantiam consiliorum evangelicorum et Regulae quam erat amplexa. Ipsa

humus fertilis fuit gratiae atque ex alto dona extraordinaria recepit quae

grato humilique accepit animo. Conata est exemplar Domini Iesu imitari