39.

De Nativitate D. N.

1. Vile tangit praesepium

Veniens aethere rex omnium.
2. In salutem jam gentium

Peperit Virgo filium.
3. Nata patrem sic genuit,

Hominem ecce Deus Induit.
4. Vis naturae obstupuit,

Ratio certans occubuit.

5. Tectus armis Deus talibus
Spiculis obstat hostilibus.

6. Propugnando nobis omnibus
Nece necta reviviscentibus.

7. Hinc senes atque parvuli,
In unum omnes populi,

8. Laudes matris Infantuli
Resonent In saeculum saeculi.

9. Plaudentes cum tripudio
Jubilo mentis amoenissimo.

10. Hoc salutis In exordio
Benedicamus Domino.