20.
De passione Domini.

1. Plange, Sion filia,
Leva supercilia,

Vide Christum Jesum
Per pectus et ilia,
Per membra gracilia,
Vulneratum, laesum
Graviterque caesum.

2. Patitur justitia
Ponas et supplicia

Falsis a Judaeis,
Qui tot beneficia
Totque verba mitia
Conferebat eis,
Durae mortis reis.

3. Comparationibus,
Verbis et sermonibus

Clare radiavit,
Tamen est latronibus
Par In passionibus
Crucemque portavit,
Qua nos liberavit.

4. Triginta denariis
A viris nefariis

Emitur rex caeli,
Subest poenis variis,
Mundo necessariis,
In morte crudeli
Bis clamavit Heli.

5. Quando sol clementiam
Vidit pestilentiam

Mortis pati ferae,
Jam lucis praesentiam
Clausit, violentiam
Nequiens videre,
Quam Jesu fecere.

6. Tellus horribiliter
Tremit, mirabiliter
Lapides secantur,
Rumpitur similiter
Velum visibiliter,
Tumbae reserantur,
Mortui surgantur.

7. Condolent flagitiis
Et Dei supplitiis

Omnes creaturae,
Sed manet In vitiis,
Subdita duritiis,

Gens cervicis durae.

Non est sibi curae.

8. Dolet materialiter
Et dolet aequaliter
Virgo benedicta,
Dum universaliter
Membra prolis taliter
Aspicit afflicta
Et flagellis Icta.

9. Hinc intactum lilium
Pati videns filium

Flet ut mater solet,
Hinc adest consilium
Judeorum vilium,
Hinc Johannes dolet.
Quis gaudere volet?

10. Cuspis arundinea
Cum corona spinea

Sacra membra forat,
Fundatori vinea
Vina dat sanguinea,
Naturaque plorat,
Dum Jesus laborat.

11. Cujus efficacia
Vicit cum audacia
Baratri clientes,
Suae mortis gratia
Ducat ad palatia
Coeli cunctas gentes
In eum credentes.