16.
Item de S. Nicolao.

1. Nicolaum mitia

Cordis laudent cleri

Magna cum laetitia
Menteque sinceri,
Sibi cantus meri
Debent exhiberi,

Cognita servitia

Postponendo vitia

Donet pueritia
Clericique veri.

2. Hunc dum In cunabalis
Contigit jacere,
A mamillae pabulis
Coepit abstinere,
Nec se gulae fere
Voluit praebere
Ut pecus In stabulis,
Nec cum mentis tabulis
Falsi mundi fabulis
Voluit haerere.

3. Hinc opem sororibus
Reddidit paratis
Sordium foetoribus
Et stupri peccatis
Donis auri datis,
Sicque habent satis,
Relictis erroribus,
Manent In honoribus,
Manent et In floribus
Suae castitatis.

4. Tempestate varia

Turbo, ventus, flamen

Agitant per maria
Nautas, ejus tamen
Mortis ad examen
Praesul dat juvamen

Ope multifaria,

Sic quod jam primaria

Vertitur angaria
In laetum solamen.

5. Vir per doli jaculum
Retinet trophaeum
Ante tabernaculum
Sancti, dum per eum
Jurat et per Deum,
Ne fallat Judaeum,
Ecce per miraculum,
Cunctorum spectaculum,
Fractum videt baculum
Jurantemque reum.

6. Daemonis fallacia

Ne nos donet poenae,

Rogent cum audacia
Nicolaum plene
Iuvenes cum sene
Corde mundo bene,

Ex Ipsius gratia

Post baec vitae spatia

Ducat ad palatia
Nos portae amoenae.