6.
Purificatio.

1. Castitatis cella

Frondescensque palma,
Ave, maris stella,
Dei mater alma.

2. Tuae nos In pirgo
Tutelae conforta,
Atque semper virgo
Felix coeli porta.

3. Concepisti suave
Verbum cum honore,
Sumens Illud Ave
Gabrielis ore.

4. Ab hoste fallace
Ne vincamur saeve,
Funda nos In pace
Mutans nomen Evae.

5. Qui te colunt, eis
In adventu necis
Solve vincla reis,
Profer lumen caecis.

6. Nobis bonum velle
Da, pravis Ignosce,
Mala nostra pelle,
Bona cuncta posce.

7. Apud summum patrem,
Qui destruxit necem,
Monstra te esse matrem,
Sumat per te precem.

8. Mortem cruciatus
Superavit suus,
Qui pro nobis natus
Tulit esse tuus.
9. Sine viro paris,
O fecunda vitis,
Virgo singularis,
Inter omnes mitis.

10. Vitiis pollutos

Sordisbusque vastos,
Nos culpis solutos
Mites fac et castos.

11. Mentem nunc obscuram
Tergens pelle lutum,
Vitam praesta puram.
Iter para tutum.

12. Sana pectus laesum
Sorde, qua torquemur,
Ut videntes Jesum
Semper collaetemur.

13. Qui destruxit atri
Loci durum pecus.
Sit laus deo patri,
Summo Christo decus.

14. Honore pro tanto
Detur laudum munus
Spiritui sancto,
Tribus honor unus.