20.
De SS. Trinitate.

1. Dies est laetitiae

Infesto regali,
Hinc laudemus hodie

Laude speciali,
Cui canunt omnia,
In coelesti curia

Angeli dicentes:
In excelsis gloria
Deo, pax et In terra,

Simul congaudentes.

2. Te laudamus Domine

Nunc benedicentes,
Et oramus hodie

Te glorificantes,
Qui creasti omnia,
Coelum, terram, sidera

Hisque dominaris,
Et sunt tibi subdita
Omnia Viventia

Et potestas maris.

3. Deus rex altissime,

Pater nominatus,
Fili unigenite,

Sacer atque flatus,
Tria habens nomina,
Unus In substantia,

Trinus In personis,
Eras ante saecula,
Tibi canunt omnia

Laudes novis sonis.

4. Agnus Dei diceris,

Tollens mundi scelus
Succurre nunc miseris,

Ut tibi cantemus,
Trino, uni Domino,
Semper sine termino

Tecum gloriantes,
Laudes cum tripudio
Novas, et cum gaudio

Sanctum te dicentes.