22.
In prima missa neomystae.

1. Solemnizemus hodie,
Dies venit laetitiae,
Jubilemus pariter,
Cantantes suaviter
Vocibus jucundis.

Sacerdotes, plaudite,
In missa hujus athletae,
Qui creatus hodie
Creat regem gloriae
Es figura panis.

Jesum tractat et mactat
Agnum, ut nostrae tergat
Facinora plebis.

2. Clamat cum tripudio,
Alludens Dei filio,
Praecatur suppliciter,
Postulat hilariter,
Reatum deleri.

Hic est cui dictum est:
Vas mihi electum est,
Nomen ut portet meum,
Praeferam ego eum
Omni creaturae.

Novum hunc ecclesiae
Militem, prophetiae
Dominus formavit.

3. Iste Dei famulus,
Regali veste Indutus,
Rapiens justitiam
Contra eglon Goliam
Exit pugnaturus.

Coeli auctor graditur,
Per quem hostis rapitur,
Ne praesumat fallere,
Sed post eum abire
Studeat confusus.

O genitrix plasmatis,
Laetare cum beatis,
Quae hunc genuisti.

4. Lux oritur populis
Stantibus In tenebris,
Gloria In excelsis,
Angeli tuis mammis
Cantant Incessanter.

Ave germen gratiae,
Tu decus ecclesiae,
Hanc catervam protege-
Coram coelesti rege,
Petimus gratanter.

Omni genti solamen,
Clero det relevamen,
Jam dicamus Amen.