2.

De Nativitate B.M.V.

1. Frondet radix regis Jesse,
Jesse regis radix frondet,
Spondetque fructum expresse,
Expresse fractumque spondet,

Mundo necessarium.
Orta jam est maris stella,
Stella maris jam est orta,
Porta coeli, pura cella,
Cella pura, coeli porta,

Domini sacrarium.

2. Hodierna gaudet die.
Die gaudet hodierna
Superna cohors jam pie,
Pie jam cohors superna,

Maria dum oritur.
Fractas dulces quae propinat,
Propinat quae dulces fractus,
Eictus Adaeque declinat,
Declinatque Adae luctus.
Et mors prima moritur.

3. Eva nos culpae subegit,
Subegit culpae nos Eva,
Primaeva dum jussa fregit,
Fregit jussa dum primaeva

Serpentique credidit.
Maria flos castitatis.
Castitatis flos Maria.
Via vitae, mitis satis.
Satis mitis, vitae via,

Nos salvantem edidit.
4. Ortus sanctus Iste quidem.
Quidem Iste sanctus ortus,
Portus dat ammissos pridem,
Pridem amissos dat portus

Terminans exsilium.
Jure miratur natura,
Natura miratur jure.
Pure dum dat virgo pura,
Pura virgo dum dat pure

Sine viro filium.

5. Parens sancta bis decorum,
Decoram bis sancta parens.
Carens labe peccatorum,
Peccatorum labe carens.
Cunctis plena gratiis.
Tui fac nos, virgo, nati,
Nati, virgo, fac nos tui
Frui luce vultus grati,
Grati vultus luce frui
In coeli palatiis.