Congregatio de Causis Sanctorum 1007

MATRITENSIS

Beatificationis seu Declarationis Martyrii Servarum Dei Melchiorae ab Adoratione

Cortés Bueno et XIV Sociarum e Societate Filiarum a Caritate Sancti Vincentii de Paul († 1936-1937)

DECRETUM SUPER MARTYRIO

« Si exprobramini in nomine Christi, beati, quoniam Spiritus gloriae et Dei

super vos requiescit » ( 1 Pt 4, 14).

Verba Petri apostoli quindecim Sororum Hispanarum e Congregatione Fi-

liarum a Caritate Sancti Vincentii de Paul singulariter atque eminenter com-

probantur martyrio.

Iam inde ab anno 1931, cruenta contra catholicam Ecclesiam eiusque insig-

nia immani crudelitate Hispaniam vexavit persecutio, quae vero ab anno 1936

adhuc dirius grassata est. Tantis vero in ferociae adiunctis quindecim Sororum

e Congregatione Filiarum a Caritate eminuit martyrium, quae sanguinem modo

pro catholica Ecclesia effuderunt ac mortem pro Dei amore et Christi fide

susceperunt.

In vitae itinere et spirituali conversatione enim harum Servarum Dei quae-

dam omnibus singulisque communia elucent, origo scilicet earum e familiis

Christiana pietate funditus informatis, exercitium humanarum religiosarumque

virtutum, missionis sollicitudo sive tamquam magistrarum sive tamquam infir-

morum ministrarum, strenuus orationis et servitii spiritus, plenitudo conscien-

tiae rei publicae et civium angustiarum, quae supererant, tristis, quam quisquis

earum senserat, persecutio et mira per tormenta fides.

Iniqua earundem caedes inter annos 1936 et 1937 evenit ac, licet diversa

earum mortis fuerint postrema, uniuscuiusque una tamen fuit voluntas se Christo

et Ecclesiae fideles esse usque ad supremam suipsius oblationem.

Sex in minoribus coetibus caterva Servarum Dei iuxta locum martyrii se-

iungi valet:

I. Coetus de 'Leganés'. Matriti, quinque virgines, quae servitium apud scholam

et valetudinarium de Leganés exercebant, nocte diei 12 mensis Augusti anno

1936 prope Portam Ferri interfectae sunt atque in foveam promiscam coemeterii

martyrum Aravacensium proiectae, scilicet: