Congregatio de Causis Sanctorum 1005

pupillarum in dexteram, partes membrorum extremas cum non sufficienti

sanguinis commeatu ostendebat.

Casus gravitate cognita et familiaribus angore strictis, quaedam soror,

quae in valetudinario ministrabat, exhortata est ut filii circa matrem suam

congregarentur ad orandam pro aegrotae sanatione Matrem Lupitam, cuius

imaginem donavit eis. Omnes in orationem convenerunt. Eodem die domina

ad Institutum Mexicanum Socialis Cautionis transvecta est. Ibique, quamvis

radiologica examina exstarent, iam constituta chirurgica sectio dilata est,

quia aegrota vigilis, loci conscia, sine vitiis in faciei gestu et sine cervicis

rigiditate apparuit. Paulos post dies ex valetudinario, medicorum consilio,

mulier discessit. Repetita in tempore examina nullas noxas neurologicas

praecedenti ex sanguinis eruptione medici invenerunt, neurologicas autem

et cog-nitionis functiones convenientes cum aetate dominae compererunt.

Evidens est decursus temporis et consequentia inter Beatae invocationem

et felicem decursum dominae infirmae.

De hac sanatione, mira considerata, habita est a die 17 mensis Martii

ad diem 13 mensis Octobris anno 2009 iuxta Curiam Archiepiscopalem

Guadalaiarensem Inquisitio dioecesana, cuius iuridica validitas ab hac Con-

gregatone de Causis Sanctorum per Decretum diei 14 mensis Maii anno

2010 approbata est. Iudicio Consilii Medicorum Congregationis acta sub-

iecta sunt in Sessione diei 15 mensis Decembris anno 2011: membri autem

huius Consilii declaraverunt sanationem ex infausta prognosi aegrotae et

restitutionem ad integrum plenam, perfectam, repentinam et ex scientiae

medicinaeque legibus inexplicabilem fuisse. Die 26 mensis Maii 2012 habitus

est Congressus Peculiaris Consultorum Theologorum atque die 2 mensis Oc-

tobris anno 2012 in Ordinaria Sessione se congregaverunt Patres Cardinales

et Episcopi, me Cardinale Angelo Amato praesidente. Et in utroque Coetu,

sive Consultorum sive Cardinalium et Episcoporum, posito dubio an de

miraculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de miraculo a Deo patrato per intercessionem

Beatae Mariae Guadalupe (in saec.: Anastasiae Guadalupe García Zavala),

Confundatricis Ancillarum S. Margaritae Mariae et Pauperum, videlicet de

celeri, perfecta ac constanti sanatione dominae Wvintilae Godoy Salas a