1002 Acta Apostolicæ Sedis - Commentarium Officiale

mortali e vita migravit ab omnibus cinctus qui eum amabant et eius famam

sanctitatis iam divulgabant. Die 14 mensis Ianuarii anno 2011 Summus

Pontifex Benedictus XVI heroicas virtutes eius agnovit.

Beatificationis respectu, Causae Postulatio iudicio huius Congregatio-

nis de Causis Sanctorum assertam subiecit miram sanationem cuiusdam

dominae, quae aestate anni 1984, quadragesimum quintum annum aetatis

agens, ex sthomacho laborare acris doloribus incepit, cum consequenti cibi

fastidio, qua re multum expalluit et constanter macrescere videbatur. E

clinicis examinationibus tumor periculosus et gravis revelatus est, eo ut,

aegrota chirurgica sectione subiecta, haec curatio minime idonea iudicaretur,

praeterea e sectione etiam iecoris cirrhosis inventa est. Praedictio quoad

vitam ad parvas hebdomadas fuit. Propinqui infirmae cum de gravitate

morbi notitiam, de necessitate receptionis in valetudinario et de chirurgi-

ca sectione habuerunt, statim orare inceperunt Dei opem implorantes per

intercessionem Venerabilis Servi Dei ad dominae sanationis gratiam obti-

nendam. Primis diebus mensis Ianuarii anni 1985, aegrota colorem bonum

recuperavit et repentinae sanationis signa ostendebat eo ut brevi tempore

ad cotidiamum decursum vitae redire potuit. Tumor omnino exstinctus est.

Evidens est concursus temporis et consequentia inter Venerabilis Servi

Dei invocationem et sanationem dominae, quae deinceps naturali socialique

vitae pollens et sana fuit.

De sanatione, mira aestimata, iuxta Curiam Messinensem - Liparensem

- Sanctae Luciae e die 17 mensis Iulii anno 1997 ad diem 6 mensis Martii

anno 1999 Inquisitio dioecesana acta est, cuius iuridica validitas ab hac

Congregatione de Causis Sanctorum per Decretum diei 24 mensis Februarii

anni 2007 approbata est.

Consilium Medicorum huius Dicasterii in sessione diei 24 mensis Martii

anno 2001 declaravit sanationem, celerem, perfectam, constantem et ex

scientiae legibus inexplicabilem fuisse. Die 22 mensis Octobris anno 2011

Congressus auctus est Peculiaris Theologorum Consultorum positivo cum

exitu et die 2 mensis Octobris anno 2012 in Sessione Ordinaria se con-

gregaverunt Patres Cardinales et Episcopi, me Angelo Cardinale Amato

praesidente. Et in utroque Coetu, sive Consultorum sive Cardinalium et

Episcoporum, posito dubio an de miraculo divinitus patrato constaret, res-

ponsum affirmativum prolatum est.