Acta Apostolicae Sedis - Commentarium Officiale384

valetudinis spectatum est, maxime alienum solito cursui infirmitatis, quod

venit ad condiciones vitae Claudiae valde prosperas et secundas.

De hac mira aestimata sanatione, a die 2 ad diem 18 mensis Ianuari

anno 2003 apud Curiam Ecclesiasticam Aracuiensem in Brasilia Inquisitio

dioecesana instructa est, cuius auctoritas et vis iuridica a Congregatione de

Causis Sanctorum Decreto diei 30 mensis Maii anno 2003 probatae sunt.

Dicasterii Consilium Medicorum in sessione diei 7 mensis Maii anno 2009

declaravit sanationem rapidam, completam, stabilem et ex scientia inexpli-

cabilem fuisse. Die 5 mensis Decembris anno 2009 actus est Congressus

Peculiaris Consultorum Theologorum et die 26 mensis Octobris anno 2010

habita est Sessio Ordinaria Patrum Cardinalium et Episcoporum, Ponente

Causae Exc.mo D.no Xaverio Echevarrı́a Rodrı́guez, Episcopo titulari Cili-

biensi. Et in utroque Coetu, sive Consultorum sive Cardinalium et Episcopo-

rum, posito dubio an de miraculo divinitus patrato constaret, responsum

affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Dulcis Lopes Pontes (in saec.: Mariae Ritae), Sororis Professae

Congregationis Sororum Missionariarum ab Immaculata Conceptione Matris

Dei, videlicet de celeri, perfecta ac constanti sanatione dominae Claudiae

Christianae Santos ab « atonia uterina, emorragia vaginale, emoperitoneo, emor-

ragia retro peritoneale peri-partum, coagulopatia da consumo (CID), shock

ipovolemico, insufficienza renale acuta transitoria, in paziente sottoposta a tre

laparatomie nell'arco di 24 ore, con isterectomia ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Decembris A. D. 2010.

Angelus Card. Amato, S.D.B.

Praefectus

L. e S.

e Michaël Di Ruberto Archiep. tit. Biccarensis, a Secretis