Acta Benedicti Pp. XVI 31

tionis martyrii instruerentur annis MCMLVIII-MCMLIX, quae deinde per decre-

tum Congregationis de Causis Sanctorum in unam coniunctae sunt. Congres-

sus Peculiaris Consultorum Theologorum die II mensis Aprilis anno MMIV, et

Patres Cardinales et Episcopi, in Sessione Ordinaria congregati die VII mensis

Februarii anno MMVI, iudicaverunt mortem horum Venerabilium Servorum

Dei verum fuisse martyrium. Peractis quidem rite omnibus de iure servandis,

Nos Ipsi die XXVI mensis Iunii anno MMVI praecepimus Congregationi de Cau-

sis Sanctorum ut promulgaret Decretum de martyrio, ac deinde statuimus ut

sollemnis ritus eorum beatificationis Romae die XXVIII mensis Octobris anni

MMVII celebraretur.

Hodie igitur Romae, in Foro ante Basilicam Sancti Petri, ingenti adstante

catholicorum Pastorum et Christifidelium multitudine ex Hispania aliisve

nationibus, de mandato Nostro Iosephus S.R.E. Cardinalis Saraiva Martins,

Congregationis de Causis Sanctorum Praefectus, textum Litterarum Aposto-

licarum legit, quibus Nos in Beatorum numerum adscribimus Venerabiles

Servos Dei Marianum a Sancto Ioseph Altolaguirre y Altolaguirre et IX So-

cios, Ordinis Sanctissimae Trinitatis sodales.

Nos, vota Fratrum Nostrorum Aloisii Martı́nez Sistach, Archiepiscopi

Barcinonensis, Francisci Gil Hellı́n, Archiepiscopi Burgensis, Antonii

S.R.E. Cardinalis Cañizares Llovera, Archiepiscopi Toletani, Iosephi Mariae

Yanguas Sanz, Episcopi Conchensis, Antonii Angeli Algora Hernando, Epis-

copi Civitatis Regalensis, Iacobi Garcı́a Aracil, Archiepiscopi Emeritensis

Augustani-Pacensis, Antonii Mariae S.R.E. Cardinalis Rouco Varela, Archie-

piscopi Matritensis, Caroli Osoro Sierra, Archiepiscopi Ovetensis, Caroli

S.R.E. Cardinalis Amigo Vallejo, O.F.M., Archiepiscopi Hispalensis, Rai-

mundi del Hoyo López, Episcopi Giennensis, Vincentii Jiménez Zamora,

Episcopi Santanderiensis, Ioannis Antonii Reig Pla, Episcopi Carthaginensis

in Hispania, Caroli Soler Perdigó, Episcopi Gerundensis, Antonii Dorado

Soto, Episcopi Malacitani, atque Cyriaci Benavente Mateos, Episcopi Alba-

sitensis, necnon plurimorum aliorum Fratrum in Episcopatu multorumque

christifidelium explentes, de Congregationis de Causis Sanctorum consulto,

auctoritate Nostra Apostolica facultatem facimus ut Venerabiles Servi Dei:

Lucas a Sancto Ioseph Tristany Pujol, presbyter professus Ordinis Fra-

trum Discalceatorum Beatae Mariae Virginis de Monte Carmelo;