Acta Apostolicae Sedis - Commentarium Officiale24

tum, onere imposito ad Congregationem pro Episcopis, cum primum fas erit,

authenticum exemplar actus peractae exsecutionis remittendi.

Hanc denique Constitutionem Nostram iugiter ratam esse volumus, con-

trariis quibuslibet rebus non obstantibus.

Datum Romae, apud S. Petrum, die tertio mensis Decembris, anno Do-

mini bismillesimo octavo, Pontificatus Nostri quarto.

e Tharsicius card. Bertone e Ioannes B. card. Re Secretarius Status Congr. pro Episcopis Praef.

Franciscus Bruno, Protonot. Apost.

Brennus Chestle, Protonot. Apost.

Loco e Plumbi

In Secret. Status tab., n. 102.211

LITTERAE APOSTOLICAE

I

Venerabili Servae Dei Mariae Caelinae a Praesentatione (in saeculo: Ioannae Ger-

manae Castang) Beatorum honores decernuntur.

BENEDICTUS PP. XVI

Ad perpetuam rei memoriam. - «Mundanas relinquens vestes, a Iesu

requiram ut ex corde meo omnem inutilem cogitationem avertat mihique

religiosum donet spiritum; induens clarissae habitum, a Sponso meo poscam

ut me spiritu operiat mortificationis, renuntiationis et paenitentiae; cingulo

me praecingens, Ipsum precabor ut me liberet a falsa libertate et sibi coniungat

vinculis sui sancti amoris; mihi imponens sacrum velum, Eum suppliciter orabo

ut a creaturarum intuitu me abscondat. Ego abscondita in Deo vivere cupio ».

Haec proposita, quae Venerabilis Serva Dei Maria Caelina a Praesenta-

tione (in saeculo: Ioanna Germana Castang) in vigilia suae religiosae vesti-

tionis expressit, eius manifestant voluntatem sese plane Domino offerendi, in

libertate ab omni superfluo terrestri vinculo. Revera, inter multas tribulatio-