68. De sancto Tnribio.

In 1. Vesperis.
Super Psalmos.

A. Gaude, felix

parens Galaecia,
Tantae prolis

dans mundo gaudia
Turibii,

nati Hispania,
Sed tu magis

plaude, ecclesia
Asturicensis,

agens solemnia,
Tanti patris

fulgens praesentia.

Ad Magnificat.
A. Transit, pauper

ad regni gaudium,
Fugit praesul

fluens exsilium,
Degens olim

desertis montium,
Ubi agit

tranquillum otium.

Ad Matutinum.
Invitatormm.
Adsint Turibii

laeta solemnia,
Pro quibus gaudii
fruitur gloria.

In 1. Nocturno.
Antiphonae.
1. Vere praesul mirabilis,
Per cuncta venerabilis,
Turbas vitans emicuit,
Hominum nulli nocuit.
2. Fulget vita,

morte miraculis,
Inauditis

antiquis saeculis,
Parvis, magnis
atque puerulis.
3. Infirmitates varias

Et corporum supplicia
Pellit pater familias
Per preces et suffragia.

Responsoria.
1. Postquam vidit

mundi miseriam,
Fugit petens

terram Levaniam,
Ubi calcat

hostis astutiam

Per Dei gratiam ;
V. Vitam eximiam

agit monasticam
Ac pudicitiam

fratrum magnificam.
2. Tune rex Fronilus

iratus nimium
Misit per nuntium

unum et alium,
Quaerens, cur fiat

sic monasterium
In praejudicium

suum ac regium?
V. Non est reversus

sic missus famulus,
Sed vadit per se

tunc rex incredulus.
3. Cujus caro

semper affligitur,
Vita sancta

ex tunc ostenditur,
Cum fidei

hostes persequitur,

Vir hic extollitur.

V. Hic praedicando
Gentes salvando,
Semper orando
Domini nostri
Complet servitium.

In 2. Nocturno.
Antiphonae.
1. Quaedam caeca coelitus
Sana dat omnium
Annuatim reditus,
Munus atque vinum.
2. Sanat energumenos,
Subvenit jumentis,
Juvat catechumenos,
Captis et retentis.
3. In mortis articulo
Quidam constituti
Ejus sunt miraculo
Vitae restituti.
R esponsoria.
1. Quidam contractus penitus
Manus promisit clericus,
Sed sanitati redditus
Et artibus mechanicis
V. Sospes oblitus

non dedit munera,

Hinc juste sensit

duplata vulnera.

2. Tactu mersi funiculi

In aquam ecclesia

Viderunt caeci oculi

Christi Dei clementia ;
Viso tanti miraculi
Signo ora canentia
V. Laxant cuncti,

cantant dulcisonas
Laudes Jesu

Christo altisonas.
3. Hoc fecit binis fratribus
Donum creatoris,
Qui haerebant arboribus
In horto confessoris,
Fructus, poma legentibus
In nocturnis horis.
V. Largitus est clementiam,
Nec meminit injuriam
Stans in supernis choris.

In 3. Nocturno.

Antiphonae.

1. Antiqua miracula
Vident pullulare,
Qui ejus oracula
Volunt flagitare.

2. Verbis, signis micuit

Vitam ducens sanctam,
Ideo promeruit

Sedem tuere tantam.

3. Sancte Turibi, confessor
Domini pretiosus,
Adesto nostis precibus
Pius et propitius.

Responsoria.

1. Matrem nati

flentem pro fanere
Consolatur,
hunc Dei munere
Reddens vitae.
Exsistit foedere
Piorum genere
V. Hunc mittens propheticum
Virum et evangelicum.

2. Tristibus con-
solans apparuit,

Laesum mulum
sanum restituit,

Vagum servum
redire doeuit

Ac domino

suo hunc praebuit,
V. Sic geminans

utrique gaudia,

Sana reddit

membra languentia.

3. Fratres, ergo tanti patris
Celebremus obitum,
Ut nos juvet horis atris
Ducens ad exercitum
Coeli summi regis matris
Angelorum comitum;
V. Qui corona laureatus
Praesul iste fortunatus
Ad thronum nunc vehitur.

In Laudibus.

Antiphonae.

1. Egressus ejus spiritus
redit ad coelum hodie,
Cui occurrunt propere
cives coelestis curiae.

2. Quid hoc sancto clarius

morte pretiosa?

Praesentatur glorians

Deo velut rosa.

3. Profert apostolicus

Thesaurum commissum
Presbyter Astoriciis
Cum usuris missum.
4. En servus fidelis
ob hoc decoratur,
Stola delectabilis
una ei datur.

5. Securus et reliquam
exspectat futuram,
Sed plebem non modicam
pascit curans duram.

Ad Benedictus.

A. Fulget claro nomine

Pater monachorum,
Sanctitatis culmine

Praesul populorum,
Dei fruens lumine

Veniens ad chorum,
Angelorum agmine

Fultus beatorum.

In 2. Vesperis.
Ad Magnificat.

A. Claret tanto

patre Hispania,
Sed plus claret

terra Levania,
Ubi omnis

ejus suffragia
Habens redit

cum plena venia.