30. De sancta Eurosia.

In 1. Vesperis.
Ad Magnificat.

A. O felicis rosarii

Rosa rubens, Eurosia,
Coelestis sanctuarii

Habitatrix egregia,

Proles illustris regia,
Fac nos erroris varii

Devitare contagia
Et daemonis nefarii

Allidere praestigia.

In Completorio.

Super Psalmos.

A. Mirificasti, Domine,
Eurosiam mirifice,
Quam adornasti etiam
Virtutibus salvifice.

Ad Nunc dimittis.

A. Ancillam tuam, Domine,
In pace dimisisti,
Cum hanc pro tuo nomine
Affligi permisisti.

Ad Matutinum.
Invitatorium.

Adoremus Christum, regem
Coelestis militiae,

Qui beatae vitae legem
Contulit Eurosiae.

In 1. Nocturno.
Antiphonae.
1. Est admirandum, Domine,
Ab angelo et homine
Nomen tuum beatum,

Pro quo beata pertulit
Eurosia nec renuit
Poenarum cruciatum.

2. Enarrant coeli gloriam
Dei, coelestes viri,
Qui suam hanc consociant
Noverunt accersiri.

3. Si prorsus omnis innocens
Scandit in montem Domini,
Revera hanc omnipotens
Suo attraxit culmini.

Responsoria.

1. Sacrosancta

plaudit ecclesia
Novo plausu,

nova laetitia,
Dum illustris

martyr Eurosia
Mundum liquit

petens coelestia;
V. Rosa rubens

sponsi triclinia
Decoravit

mira fragrantia.

2. Subarrhavit

eam rex gloriae,
Mundialis

expertem scoriae,
Ut ex textu

patet historiae;
V. Virginalis

fit pudicitiae
Jam collega

et laus munditiae.

3. Currit velox veneranda
Martyr ad martyrium,

A nefandis decollanda
Cum turmis fidelium

Et in coelis coronanda
Cum choreis virginum ;
V. Mors in vitam terminanda

Et a sanctis exspectanda
In terris viventium.

In 2. Nocturno.
Antiphonae.

1. Veritas, mansuetudo
Atque mentis rectitudo
Deduxerunt Eurosiara
Ad summi patris dexteram.

2. In ejus fortitudine

Sunt montes conturbati,
Quae jam est a formidine
Data securitati.

3. Haec est regalis civitas,
Haec montis Sion summitas,
Quam aquilonis latera
Non violarunt extera.

Responsoria.

1. Regis nata
Roborata,
Spe firmata,

Poenas non abhorruit,
Delicata,
Deo grata,
Morti data

Solotenus corruit,
V. Adornata,
Sociata,
Adamata,

Quam Christus concupiit.

2. Pari sorte

haec cum familia
Comitante

in coelis fruitur,
Aspernando

promissa vilia
Nec promissis

nec minis flectitur,

V. Cor sincerum

forti constantia
Tenens Christi
amori nectitur.
3. Expleto carnis onere
Alleviata convolat
Ad Christum dato munere,

Quod ante mortem postulat ;
Beato gaudet funere

Jaccensis urbs et jubilat,
V. Hoc divino fit opere,

quod laus jugis intilulat.

In 3. Nocturno.
Antiphonae.

1. Deos esse daemonia,

Dum virgo protestatur,
Excussa carnis palea
Pro Christo ventilatur.
2. Multae Iactentur iusulae,
Laetetur et Bohemia,
Gentis prorsus incredulae
Omnis absit blasphemia.
3. Exsultent rivi flumina
Et montes Pyrenaei
In virginis magnalia
Et in conspectu Dei.

Responsoria.
1. Patrocinatur valide

Toti prorsus confinio
Virgo virtutis fervidae,
Ut resonat opinio
Perscrutante scrutinio ;
V. Pestes abscedunt variae
Et clades multifariae
Ipsius patrocinio.
2. Dum pater hanc proposuit
Terreno dare nuptui,
Christus eam disposuit

Coelesti coelibatui,
Quam etiam exposuit
Malignorum conflictui;
V. Picturata virtutibus
Divinis parens nutibus
Omni se dedit ictui.

3. Exsultantes

mentali gaudio
Celebremus

festum devotius,
Cujus scimus

juvari radio
Pietatis

verae quantocius,
V. In ipsius

laudis praeconio
Desudantes

surgamus ocius.

In Laudibus.
Antiphonae.

1. Regnanti psallat Domino
Cor pium, mens shicera,
In virginis laudamine
Devotione vera.
2. Laudavit nomen Domini,
Nam ipse est suavis,
Quod nomen omni nomini
Praeest, ut puppi navis.

3. Ad te de luce vigilat

Cor fervens hujus virginis,
Martyrizata jubilat

Cum coetu dulcis agminis.

4. Benedicat

spelunca Dominum,
Ubi non est

accessus hominum,
In qua virgo

sumpsit martyrium.

5. Laus ejus in ecclesia,
Cum quo regnat Eurosia

In gloria sanctorum,
Terrenum sponsum renuens,
Coelestem prorsus ambiens,
Festivum et decorum.

Ad Benedictus.

A. O flos vernantis gratiae,
Aufer hostis fallaciae
A servulis timorem,
Eurosia coelicola,
Fac mollia et frivola
Sint nobis in horrorem.

Ad Horas Antiphonae.
Ad Primam.
Insurrexerant perperam

A fide alieni
Adversus regis filiam,

Nefandi Sarraceni.
Ad Tertiam.
Confundantur

superni aemuli
Et in membris

sint semper tremuli,
Nam injuste

in sanctam virginem
Perpetrarunt

cruentam rabiem.
Ad Sextam.
Posuerunt laqueum

Sibi peccatores,
Quos in legis nucleum

Scimus transgressores.
Ad Nonam.
Longe salus

a peccatoribus
Et fidei

contradictoribus,
Qui cervicem

sacratae virginis
Amputarunt

funestis gladiis.

In 2. Vesperis.
Ad Magnificat.
A. O proles magnifica.
Virtutibus mirifica,
Signis crebrescentibus
Mundus obstupescit,
In sanctorum meritis
Coaequaris prae ceteris
Cunctisque praesentibus
Magna laus accrescit ;
Eurosia, subveni,
Alma martyr, interveni
Pro nostro facinore
Apud Dei numen,
Ne in hoc exsilio
Pirata vel inspilio
Infelici vomere
Misceat acumen.