36. De sancto Gaudioso.

In.1. Vesperis.
Super Psalmos.

A. Ope sancti Gaudiosi
Conterantur vitia,
Ut cernamus regem regum
In coelesti gloria.
R. Urbis Tirasonis

praesul efficitur,
Clerus ac populus

laetus hinc redditur,
Laus omnium ad
sidera tollitur.
V. Gaudiose,

da servis gaudium,
Qui tuum expetunt
semper praesidium.

Ad Magnificat.

A. Gaudiosus adest,

qui nobis gaudia praestet,
Quae semper vigeant

et fine carentia constent,
Participes quorum
det nos fore sponsor eorum.

Ad Completorium.

Super Psalmos.

A. Quo fruamur regni sede
In sublimi patria,
Cum supernis recinentes
Aeternum alleluja.

Ad Nunc dimittis.

A. Cantica justorum

resonant in laude piorum,
Quos chorus hic memorat
vel quos memorando perorat.

Ad Matutinum.
Invitatorium.

Psallamus cuncti

Domini sub nomine juncti,
Christum laudantes

et eum semper venerantes.

In 1. Nocturno.

An iphonae.

1. Pretiosus Gaudiosus,
In virtute gloriosus,
Nobis praestat veniam.

2. Ut dicamus et agamus,
Quae sunt Deo placita,
Obtinendo veniam.

3. Hic vir sanctus fuit tantus
In amore Domini,
Quantus datur fluens cursus
Inundanti flumini.

Responsoria.

1. Alme Christi gloriose,

Sanctissime Gaudiose,

Tuo pio praesidio

Noxas nostras dilue,
V. Ut superni regni sedem

Valeamus scandere.

2. Hic vir Dei Gaudiosus,
Parentibus generosus,

Natus in Iberia,
Generosior futurus
In Domini gratia,
V. Traditus a puero
Fuit in initio

Sancto Victoriano.

3. In doctrina, Christe, tua
Crevit ab infantia
Fluxum carnis resecando,

Dando tua gratia,
Sic vivendo Gaudiosus
Meruit sublimia.
V. Hinc, Victoriane, per te
adeptus victoriam.

In 2. Nocturno.

Antiphonae.

1. Jucundetur et laetetur
Pia plebs in Domino
Decantando et laudando
Deum absque termino.

2. Nomen sancti mirabile,
Per mundum praedicabile
Et apud nos laudabile.

3. Gaudioso concinimus,
De quo miranda legimus
Et psallendo proferimus.

Responsoria.

1. Scandens ad pontificium
Sedis. Tirasonensium
Doctrinae sumpsit bravium
Per divinum auxilium ;
V. Qui cernens ministerium,
Quo plebi praestet gaudium,
Non refugit officium.

2. Solicitudo praesulis,

Dum zelum praestat aemulis,

Sublimatur in titulis,
V. Spargit laudem in populis,

Praedicatur in infulis.

3. Nutu sancti Victoriani
Sumpsit pontificium,

Pro quo reddit grates Deo
Urbs Tirasonensium,

Cui Christus praebuit
Maximum solatium ;

Gaudiose, gaudium

Impetra coelestium.

V. Doctor et discipulus
Sit pro nobis bajulus
Apud Deum sedulus.

In 3. Nocturno.
Antiphonae.

1. Pretiosi Gaudiosi

Agentes memoriam,
Supplicemus et rogemus
Ejusdem suffragia.
2. Ut sit plebi concinenti
Rector et auxilium,
Et in omnibus adversis
Ubique suffragium.
3. Prece nobis sancti virtus
Adsit et potentia,
Qua chelydri confringatur
Caput et superbia.

Responsoria.

1. Praesulatns officia
Isti sancto sunt munera,
Quae spondent magna praemia
In paradisi gloria,
V. Ut spes detur humilibus,

Fortitudo sublimibus.
2. Cognoscit vitae

finem sanctissimus iste,
Sibi praecepit

deferri pignora Christi,
Quae venerando tenens
sumpsit pro munere vitae
V. Et felix flatum

misit ad astra beatum.
3. Laus reddatur
ei, cui parent
Infima, summa,

cuncta regenti
Et Gaudioso

gaudia danti,
Vitam pro meritis
retribuenti.
V. Reddatur Domino
gratia patri
Nec non et genito
cum flamine sancto.

Prosa.

1. Regi regum

summo tripudio
Reddat laudes
devota concio.

2. Gaudiosi

in natalitio
Canat Deo
vox, sensus, ratio.

3. Gaudiose,

in regno luminis
Nos socios

fac tui nominis.

4. Ut in choro

superni numinis
Melos demus
felicis carminis.

5. Quos peccati

gravat impressio,
Tua sursum
levet oratio.

6. Qui fatentur

se plenos vitio,
Tuo mundi
fiant auxilio.

7. Ora patrem

et placa judicem,
Noxam laxet

ut notis triplicem.

8. Servos juva,

subveni subditis,
Offer tuis

vitam pro meritis.

In Laudibus.

Antiphonae.

1. Ad Laudem Christi nominis,
Aeternae vitae principis,
Gaudiosi solemnia
Vox resonet per omnia.

2. Cujus vox semper sonuit,
Quaecunque doctor docuit
Vel Victorianus monuit.

3. Ambo sancti magnalia
In Domini militia
Operati sunt talia,
Unde splendent in gloria.

4. Inde chorus laetitiam
Reducit ad memoriam,
Cum pueris perpetuam
Desiderando gloriam.

5. Reddat coelestis curia
Cum angelis tripudia,
Nec non humana gaudia
Solvant sancto solemnia.

Ad Benedictus.

A. Gaudiose, tuos

ab iniqua peste tuere,
Ut semper valeant

rectum sub corde tenere
Et semper Domino

possint sine fine placere.

Ad Horas.

Ad Primam.

A. Ut nobis non dominentur
Luxus et lascivia,
Sed resplendeat in nobis
Castitatis gloria.

Ad Tertiam.

A. O Gaudiose, gaudium

Infirmis salutare,
O praesul, succedentium

Exemplum et altare,
In quo fit sacrificium

Laudis regi coelorum,
Hunc tuorum propitium

Fac meritis bonorum,
Cum sit boni principium,

Lapsus pellat malorum.

R. Crevit in scientia

Plenus Dei gratia,
Doctus in ecclesia
Fuit ab infantia,

V. Christi sapientia
Dat ei subsidia.

In 2. Vesperis.
Ad Magnificat.
A. O splendens stella,

superasti noxia bella

Et virtute Dei

sumpsisti dona trophaci,
Gaudiose pater,

famulos orando tuere,
Quos, petimus, facias

tecum sine fine manere.