50. De sancto Leonhardo.

In 1. Vesperis.

Super Psalmos.

Leonhardus, Christi miles,
Sprevit semper actus viles,
Licet annos pueriles,
Mores tamen hic seniles
Habuit per omnia.

R. Leonhardus sequens Dominum
Aufugit visus hominum,

Leo petens desertum,
Nardus cibum et odorem
Praebens ferbuit decorem

Mentis in opertum.
V. Subleva sideribus

Tecum sursum caelo
Tuis sanctis precibus

Fratres de Carmelo.

Ad Magnificat.

O pastor egregie,

Pater monachorum,
Speculum ecclesiae,

Lux et via morum,
Nos ad statum gloriae

Perduc beatorum,
Ut fruamur requie

In regno coelorum.

Ad Matutinum.

Invitatorium.

Adoremus regem regum,
Qui Leonbardum, ducem gre-
gum,

Sustulit ad grandia

Paradisi gaudia.

I n 1. Nocturno.

Antiphonae.

1. Beatis consiliis

Usus est beatus

Ac pro suis meritis

Coelo coronatus.

2. Apprehendit disciplinam
Cum Dei amore,
Ne caderet in ruinam,
Orat cum timore.
3. Exauditur sanctus Dei,
Ad quem clamant multi rei,
Sanctus Leonhardus.

Responsoria.

1. Fulgore

splendens natalium,
Vita coeleste

commutans atrium,
Transit sanctus
ad coeli solium,
Leonhardus.
V. Gaudet chorus angelicus
cum tota coeli curia,
Qua Leonhardus fruitur
coeli perenni gloria.
2. Regum spretis divitiis
Ad eremum translatus,
Ut vacaret a vitiis,

Est specu collocatus,
De herbis agresticis
Sumebat hic cibum
V. Et propter hausta laticis

Serpentes ruinam.
3. Domat corpus vigiliis
Sacris sacer orando,
Diversis intentionibus
Dominum venerando,

Liberat ab excidiis
Carceri mancipatos,
V. Juvans multis remediis
Injuste tribulatos.

In 2. Nocturno.

Antiphonae.

1. Invocavit Dominum
hic precibus tantis,
Quod addicitur civibus
supernorum sanctis.

2. Intellexit aure pia
Christus Deus, vitae via,
Sanctum Leonhardum.

3. Coronavit hunc gloria,

Corona decoris,

Exsultat coeli curia

Pro pileo honoris

Leonhardi.

Responsoria.

1. Congaudet cultor eremi
Feris solatiatus
Coeli conclusus thalamo
Leonhardus beatus ;
V. Circumdant tugurium
Hinc aves et ferae.
Praebendo solatium
Eremitae vere.

2. Inventus in nemore
Per regis venatores
Deprecatur, prospere
Succurrat ad dolores
Francorum reginae;
V. Subvenit magnopere
Regiae consorti,
Ne tradatur propere
Tenebrosae sorti.

3. Salve, decus confessorum,
Flos et lux errantium,

Leonharde, dogma morum
Clipeus certantium,

Liberator captivorum
Ad te conclamantium,

V. Solve nexus delictorum
Nobis obviantium,
Junge choris angelorum
Nos Christum laudantium.

In 3. Nocturno.

Antiphonae.

1. Operatur justitiam
Respuendo malitiam

Sanctus Dei Leonhardus.

2. Imponitur capiti
Corona decoris
Hujus viri incliti,
Grloriae, honoris.

3. Ascendit montem Domini,
Quo datur salus homini,
Vere consonans nomini
Leonhardus.

Responsoria.

1. Offert laetus peculium
Rex sancto confessori
Propter salutis praemium,
Quod dederat uxoria

V. Confert pauper pauperibus
Peculium oblatum.

2. Quesito prece praedio

Incepit cogitare
De futuro coenobio,

Quo posset collocare
Eremitas, qui valerent

Deum secum orare.
V. Ampliato tugurio,

Monachis ibi factis,
Ornat abbas cum sociis

Regulis novo actis.

3. Honor et decus pauperum,

Miserator reorum,
Pius purgator scelerum,

Redemptor captivorum,
Largus largitor munerum

Et tutor orphanorum,

Duc nos ad lumen luminum,

Pater, dux monachorum,
Ubi fruamur gloria

Cum coetu beatorum.
V. Claris fulgens natalium,

Leonharde, honoribus,
Fac, ut coelorum gaudium

Tuis captemus precibus.

In Laudibus.

Antiphonae.

1. Regnat quam tutus

gloriae stola indutus
Beatus Leonhardus.

2. Jubilet jam chorus

laudet nunc Christum sonoras
Solemniis Leonhardi.

3. Ad te de luce

vigilavit, Christe, te duce
Leonhardus.

4. Te benedixit

Deum, cui per omnia vixit
Leonhardus.

5. Te Deum caeli

laudavit corde fideli
Beatus Leonhardus.

Ad Benedictus.

Visu noctis medio

vidit laureatum
Leonhardum, laurea

gloriae ornatum,
Jam coelesti curiae

conglorificatum,
Conspectantem ante se

populum prostratum;
Supplicabat quam pie:

relaxa reatum
Praesenti familiae

ad nostri precatum.
Ait rex clementiae:

quod petis, sit ratum.

In 2. Vesperis.
Ad Magnificat.

A. Glorioso consortio

Monachorum vallatus
Construxit more coelico

Coenobium beatus,
In quo pane angelico

Frequenter satiatus
Vixit modo mirifico,

Coelo jam deputatus ;
Quem petimus verifico

Corde, sit advocatus
Leonhardus.