28. De sancta Eulalia.

In 1. Vesp eris.
Ad Magnificat.
A. Virginis Eulaliae

recolamus festa beatae,
Jure Deo cordis

laudes in tempore dantes,
Quo victrix praecelsa poli
conscendit ad alta.

Ad Matutinum.
Imitatorium.

Laudemus Dominum

tota cum mente colendum,
Eulaliae meritum

sanctae qui contulit almum.

In 1. Nocturno.

Antiphonae.

1. Progenies sancta,

felix de stirpe creata
Indolis Eulalia,

divali munimine nixa,
Martyrii palma

meruit coelestia regna.

2. Haec etenim bis septennis

florebat in annis,
Valde sed antiquam

ducebat pectore vitam,
Moribus ornata

sanctis et dogmate legis.
3. Et venerata nimis

virtutis culmine nolis
Ac sociarum virgincac

connexa catervae
Nocte dieque Deo

solvebat vota timendo.

Responsoria.
1. Post fidei varios

sanctorum ex hoste triumphos
Nobilis Eulalia,

magno de germine nata,
Partibus occiditis
firmavit semina verbi,

V. Felix virgo Dei,

victrix fortissima mundi.

2. Agnoscens sanctos

Christi pro nomine plecti,
Pectoris arcanum

tempsit reserare supremum,
Forte timens votis

socias obsistere coeptis,
V. Denique per noctem

turbatam venit ad urbem.
3. Cumque diis Dacianus
thurificasset iniquus,
Ingemuit turbata fremens

et crimina cernens
Sacrilegum contra
pro religione beata,
V. Dixit enim: Christum

Dominum cur temnis et
unum?

In 2. Nocturno.
Antiphonae.

1. Judicis infandi,

justorum caede cruenti,
Fama sonans mortem,

magnum diffusa per orbem,
Virginis auditum

tetigit mentique perhaesit.
2. Stigmate namque crucis

munita puella potentis
Praefectum monuit,

populis commixta ferinis,
Scire Deum nostrum,

quo constant condita, verum.
3. Martyris ad verbum

judex turbatus honestum,
Valde furens illam

torqueri jussit inustam
Ignibus urendam

submissis in cruce fixam.

Responsoria.

1. Traditur ad poenam

nec non ad verbera dira
Virgo Dei geminas

sperans acquirere palmas,

Sed meruit medicum

tormentis subdita Christum,
V. Suscipiens coelum

firmo cum corde petendum.

2. Insignis niveo

de coelis tegmine misso
Martyris exstinctum

pendens cruce corpus hone-
stum
Omnipotens nudum

vestivit jamque relictum ;
V. Ut nos perpetuis

illi famulemur in odis.

3. Felix Eulaliae

reboatur transitus, ecce,
Cujus ab ore pio

conscendit spiritus ultro
Atria, cum sanctis
ubi victor regnat herilis,
V. Esse Dei Christus

nos illic dirigat agnus.

In 3. Nocturno.

Antiplionae.

1. Flamma quidem crepitans
ventorum et flamine flagrans

Vulnere lictores

diro perimebat atroces

Ad laudem Domini,

dantis bona praemia sanctis.

2. Jamque volente Deo
poenas finire severas,

Quas crucifixa pio

portabat virgo trophaco,

Adfuit egregius

Michael pro virgine missus.

3. Spiritus Eulaliae

septus munimine sanctac
Angelico in specie

recto petit aethra columbae,
Munera promissi

gratanter sumere regni.

Responsoria.

1. Ecce, quidem coram

te psallit concio more
Nostra Deo vero,

qui te, sanctissima virgo,
Elegit, nobis

tu praemia posce salutis,
V. Dulce decus patriae,

flos et victoria nostrae.
2. Laetentur populi

tanti pro munere festi,
Quo coetus polici,

magno jubilamine laeti,
Gaudent in coelo

comitatu virginis aucto ;
V. Ecce, dies rutilat

nobis gratissima cunctis.
3. O quam praecipuis

martyr laudanda triumphis,
Signipotens sponsi

thalamos ingressa superni,
Protege nos famulos

Christi dignanter et audi,
V. Quo tibi regnanti

mereamur in aethere jungi,

Verbeta.

1 a. Virgo Domini,
propter te
b. Quique psallimus
hodie,
2 a. Beata tua
pignora
munere.
b. Habentes nostra
condita
cespite,
3. Fideles omnes atque
clementer exaudi.

In Laudibus.

Antiphonae.

1. Aethereas venerabilis
inter, virgo, choreas
Atque chorum memorabilis

inter Christicolarum,
Pande tuis precibus
nobis coelestia magnis.

2. Indigenis fer, virgo, tuis

tutamina cunctis,
Quo valeant culpas

penitus depellere totas
Et donis variis

fulti persistere laeti.

3. Nescia virgo viri,

pulchris redimita coronis,
Cujus reliquiis

haec urbs famatur humatis,
Nostras tolle preces

Domini clementer ad aures.

3 b. Virgo sororque Dei

martyr sponsata diei,
Cujus in amplexu

Deus est super aethera nexus,
Subtrahe nos morti

superum jungendo cohorti.

4. O Deus excelsi

noster fabricator Olympi,
Omnia qui solus

benedicis, sis benedictus
Eulaliae quia sanctae das

solemnia nostrae.

5. Laudibus aeternis,

rex, qui laudaris in altis,
Sanctos sanctificas

nimia et virtute perornas,
Jungere nos ipsis

non dedigneris in astris.

Ad Benedictus.

A. Post animae sacrum

felicis ad astra volatum
Virginis exstinctae

corpus mirabile valde
Noctis Christicolae

modulantes tempore caute
Marmoris in claustro

posuerunt cespite fosso.

Alia.

A. Hostia solemnis,

Eulalia, virgo perennis,
Quae calicem Christi

thalamum subitura bibisti,
Lapsis redde status,

da prospera, tolle reatus
Nos et ad aeterna

miserando, patrona, guberna.

In 2. Vesperis.
Ad Magnificat.
A. O pia virgo, te, veneranda,

valde precamur,
Ut mala pellas et bona poscas

omnia nobis,
Quo mereamur regna polorum

scandere celsa
Munere Christi teque petente,

martyre sancta.