XVII. HYMNODIA HIBERICA. HISTORIAE RHYTHMICAE.
3. In Sanctificatione Conceptionis BMV.
12. In Translatione s. Augustini.
24. De ss. Emetcrio et Celedoiiio.
31. De ss. Facundo et Primitivo.
32. In Translatione s. Froilani.
34. De Stigmatilms s. Francisci.
42. In Translatione s. Jacobi.
46. In Translatione s. Indaletii.
51. De ss. Luciano et Marciano.
59. De ss. Nunilone et Allodia.
20. Aimericus Picaudi, presbyter de Partiniaco.
21. De Translatione s. Jacobi. Lectiones secundum Leonem papam et magistrum
I n 1. Vesperis.
Ad Magnificat.
A. Pontifex eximie,
Scripturae profunditas,
Flos florum Italiae,
Secretorum nuditas,
Augustine, gloriae
Fac esse participes
Nos coelestis hodie
Virtutumque principes.
Ad Matutinum.
Invitatorium.
Jubilemus regum regi,
Augustinus cujus legi
Manichaeos subdidit.
In 1. Nocturno.
Antiphonae.
1. Est Hippone tumulatus
Augustinus, hinc translatus
In regnum Sardiniae.
2. Liuprandus inde fecit
Ferri corpus, requiescit
Papiae quod hodie.
3. Pro peccatis exorantes,
Augustinum venerantes,
Christum laudant exsultantes
Gentes nunc Italiae.
Responsoria.
1. Augustinus, lux doctorum,
Servus Christi, vas honorum,
Qui destruxit impiorum
Haereses Manichaeorum,
Dormivit cum patribus.
V. Praesul magnae sanctitatis
Hipponensis civitatis.
2. Arabes insurrexerunt
Postmodum et invaserunt
Africam et ejecerunt
Servos regis gloriae.
V. Furibundi venientes,
O, quam plures occiderunt,
Christianos persequentes,
Heu, de regno ejecerunt.
3. Christiani timuerunt
Et tunc corpus sustulerunt
Augustini Tagastensis
Et ad portum pervenerunt
Insulae Sardiniensis.
V. Infideles saevierunt,
Fideles transfretaverunt,
Ad portum applicuerunt.
In 2. Nocturno.
Antiphonae.
1. O Papia, gratulare,
Debes namque collaudare
Deum, regem gloriae.
2. Pro thesauro pretioso
Atque cunctis gratioso,
Quem tu servas hodie.
3. Habes felix Augustinum,
Non terrenum sed divinum
Thesaurum laetitiae.
Responsoria.
1. Liuprandus, rex benignus,
Servus Christi laude dignus,
Augustini sanctum pignus
Emit multo pretio
V. Sanctum corpus a paganis
Augustini rex profanis.
2. Sanctum corpus apportantes
Liuprandi tunc legati
Transfretabant remigantes
Nec labore fatigati
Et ad portum applicantes
Januensem, sunt lactati
V. De diversis venientes
Corporum infirmitate
Locis gravi, laeti flentes
Impetrata sanitate.
3. Rex devotus Augustino
Praetermissis omnibus
Cursu venit tunc festino
Cunctis admirantibus,
Ut videret, quod optabat,
Lacrimans prae gaudio;
V. Properabat sic devotus
Pura plenus mente totus,
A peccatis bene lotus.
In 3. Nocturno.
Antiphonae.
1. Augustino Patricius
Pater fuit, sed inscius
Fidei catholicae.
2. Quam colebat sanctissima
Mens atque beatissima
Ejus matris Monicae.
3. Augustinum haec plangebat,
Sectae namque adhaerebat
Pravorum haereticae.
Responsoria.
1. Augustinum honorari,
Vota regis augmentari,
Non credentes concitari
Et in fide roboari,
Nomen suum sublimari
Rex aeternus voluit,
V. Caecos plures tunc videre,
Claudos gressus tunc habere.
2. Templum fecit rex devotum
In sancti memoria
Augustini, nomen notum
Cunctis ut Italia
Esset cujus, quem rex fecit
Ferri de Sardinia,
Nos perducat, quae mens nescit,
Ad aeterna gaudia.
V. Augustine, serve Dei,
Esto precor memor mei,
Pro me roga Deum spei,
Ducat me misertus mei.
In Laudibus.
Antiphonae.
1. Sancte pracsul Augustine,
Plebs devota te precatur,
Mortalis per te ruinae
Ut ab hoste defendatur
Ac coelesti sine fine
Dono Dei perfruatur.
2. O felix Italia,
Quae de regno Sardiniae
Suscepit magnalia,
Quibus ditatur hodie,
3. Augustini praesulis
Translationem colimus,
Mundet nos a maculis,
Supplicantes petimus.
4. Te Deum benedicimus
Corde puro, cum canticis
Quem doctorum doctissimus
Benedixit angelicis.
5. Hoc sacro solemnio
Augustini coelitus
Deum cum tripudio
Laudet omnis spiritus.
Ad Benedictus.
A. O pia clementia
Christi, qua tanto munere
Ditatur Italia,
Augustini funere,
Roga, praesul Augustine,
Quod nos ad summa gaudia,
Ut vivamus sine fine,
Ducat ipsa clementia.
In 2. Vesperis.
Ad Magnificat.
A. Requiescit aede jure
Praesul apostolica
Augustinus, cui curae
Fuit pro catholica
Fide verbis obsecrare
Perversorum fallacias
Scriptis et adnihilare
Haereticorum varias.