3. In Sanctificatione Conceptionis BMV.

In 1. Vesperis.

R. Virgo Maria, Dei

genitrix pia, sanctificaris
Atque super sanctos

cunctos plus nempe bearis ;
V. Alma domus Domini,

mons, fons et sponsa vocaris.

Ad Magnificat.

A. O venerabilis et benedicta

patrona Maria,
Nobilis et digna,

duc nos ad gaudia dia.
Culpa conceptam

te reddidit EI fore sanctam,
De qua quis culpa

nisi Christus non fuit ultra,
Tu tamen existi

mater dignissima Christi.
Ergo salvatrix

sis nobis dux et amatrix,
Hostis et a telis

nos protege, virgo fidelis.

Ad Matutinum.
Invitatorium.

Adoremus cum beatis
Deum, qui cuncta creavit

Et in alvo suae matris
Mariam sanctificavit.

In 1. Nocturno.
Antiphonae.

1. Maria, consilio
Dei te concepit
Anna ex conjugio

Joachim, quem accepit.
2. Tu es arca sanctitatis,

Quam Deus sanctificavit,
In te manna veritatis

Fecit Christus, qui nos pavit.
3. Maria, sanctificata

Plus quam omnis creatura,
Per te virtus increata
Nobis praestet coeli jura.

Responsoria.

1. Plaudat mater ecclesia,

Sanctificavit penitus
In alvo matris gratia

Mariam sancti spiritus.
Gabriel, Christi nuntius,

Tulit missus divinitus,
Cujus carne innoxia

Nobis Jesus est deditus.
V. Est lilium virgo convallium
Et flos campi, Dei rosarium,
Ipsa nostros delectet exitus.

2. Fis aula regis omnium

Nec non thronus egregius,

Virgo, regina gentium,
Quam El sacravit plenius.

Dilectum tuum filium
Nobis praebe quantocius

Precantibus propitium,
Pellatur adversarius,
Hostis iniquus varius.
V. Recordare, pro quibus mater es,

Per te fiat securus noster pes,

Ne labamur in lacum stultius.

3. Pulchrius ornatur

paradisus teque beatur,
Ex te productum

ubi gustas splendide fructum.
Illuc tu grata

nos dirige sanctificata,
V. Virgo salutaris,

pro nobis sponte loquaris.

In 2. Nocturno.

Antiphonae.

1. Gratia sanctificans
Fuit in Maria,
Culpae nil damnificans
Sensit in hac via.

2. Hanc sanctivit deitas

Summa, quae regnat in caelis,
Qua nostra captivitas
Orci evasit a telis.

3. Haec est virgo, quae donavit
Fructum multum uberem,
Quam Deus sanctificavit
Culpam tollens veterem.

Responsoria.

1. Mater pia,

templum es Salomonis,
Consecratum

sancti spiritus donis,
Adornatum

valde dotibus bonis,
In te quievit
dux salvationis.
V. Tu es urna aurea,

Quae manna continebat,
Et virga praeterea
Aaron, quae frondebat,
Ac vellus Gedeonis.

2. Super Mariam floruit

Dei sanctificatio,
Et ut sol mundo splenduit

Ipsius conversatio,
Et ancillam se praebuit

Ingenti Dei filio

In praesenti exsilio.
V. Praerogativam

magnam habuit,
Nunquam cupisci

mente potuit,
Sed serpentinos

motus doluit
Carnis sentibus

tactis incendio.

3. Te, regina pia,

sacravit, virgo Maria,
Ventre tuae matris

excelsi dextera patris,
Mox ut vixisti,

post haec Dominum meruisti ;
V. Fac, qui te laudant,

tecum dulcedine plaudant.

In 3. Nocturno.

Antiphonae.

1. Licet tamen hodie

Sit dies conceptionis,
Festum istud proprie
Fit Mariae sanctioris.

2. Fusca fit conceptione
Maria, sed citius
Ex divina sanctione
Formosa fit plenius.

3. Hodie fuit Mariae
Humana conceptio,
Octogesimaque die
Fuit ejus sanctio.

Responsoria.

1. O Maria,

Quam digna es praeesse,
Virtus dia
Originali faece
Te mundavit,
Mox cum te fecit esse,
In hac via
Nos salva tua prece ;
V. Agonia

sunt nostrae mentes fessae,
Mater pia,

Cum hinc erunt egressae,
Harmonia

Coeli plaudant et messe.

2. Es sanctificata

Maria creata,

Virgo illibata,

Mater Dei grata,

Ad regna beata

Duc nos exaltata

Ac de nostra strata

Repelle peccata,
V. Sis nobis advocata,

Maria coronata.

3. Stella matutina,

fer lumen, sis medicina,
Pellito serpentes,

da pacem, dirige mentes;

Mox te mundavit

El, cum te mente creavit,
V. Ergo, Deo digna,

nos salva, virgo benigna.

In Laudi b us.

Antiphonae.

1. Laudemus Mariam odis,
Hymnis et carminibus
Et cunctis condignis modis,
Digna nam est laudibus.

2. Omnibus prae creaturis
Gaudet privilegio
Maria, qua perituris
Orta est salvatio.

3. Tantum hanc sanctificavit
Divina sublimitas,
Quod nunquam post hanc temp
tavit
Peccati iniquitas.

4. Gloriosa virgo tanta

Haec virtutum culmine
Ante ortum fuit sancta
Dante Deo flamine.

5. Divina praevisio

Hanc sanctificavit
Hancque suo filio
Matrem praeparavit.

Ad Benedictus.

A. In te, virgo Maria,
Fides remansit vera
In Christi passione,
Quam sua turba pia
Amisit tunc revera
Ex hebetatione.
Tu es sanctificata
Prae omni creatura
A culpae livione
Nec unquam es temptata
Ulla carnis jactura
Sine ambitione,
Salva nos in agone.

Ad Horas Antiplionae.
Ad Primam.

Mulier amicta sole,

Ornata sideribus,
Est Maria digna prole

Regnans in coelestibus.

Ad Tertiam.

Trinitatis triclinium
Maria plena bonis,

Fit et reclinatorium
Superni Salomonis.

Ad Sextam.

Haec est Judith benedicta,
Quae sua sagacitate

Plebem servat ab inflicta
Holofernis pravitate.

Ad Nonam.

Haec est Esther redimita,
Quae cor placat regium,

Per hanc plebi datur vita
Et Aman suspendium ;

Divina praevisio

Hanc sanctificavit
Hancque suo filio

Matrem praeparavit.

In 2. Vesperis.
Ad Magnificat.

O virgo epicharis,

Surge ut aurora,
Maria, fons jubaris,

Ut luna decora,
Electa a Domino

Ut sola sanctita,
Absque omni termino

Gratia fulcita.
En nos foedat, ut nos laedat

Caro suis maculis,
Mundus surgit et insurgit,

In nos retiacula
Trabi quaerit atque ferit

Nos cum suis jaculis,
Te precamur et hortamur,

Salve nos bis vinculis.