169. De sanctis Innocentibus.

1. Gaudet clemens Dominus
super agmina sacra

2 a. Sanctorum pretiosa
innocentum gloria,

2 b. Herodes quos carnifex
occidit morte cruenta,

3 a. Ecclesiastica nobis
hodie sicut verax
narrat historia.

3 b. Pro quibus omnibus tibi
''Iam nunc intonant praeconia
nostra inclita.''

4 a. Quem laudat caelicus ordo
omnisque populus christianus,
mare et flumina,

4 b. Caelum et sidera, semper
''Christum Dominumlaudantia
per saecula omnia.''

5 a. Illi nos dulcisona
canendo voce
pariter odas
concrepemus debitas,

5 b. Cuncta et laetentur
elementa quaeque
hac die simul
coniubilent condita.

6 a. Gaudendo omnes concrepent,
sollemnia sanctorum
psallendo celebrantes
omnes nos pariter dicamus:

6 b. Gloria sit in aethera,

'' Cuius sacra rutilant dona,
queis aeternae vitae
consequimur magna prae-
mia.''

7 a. Ubi Cherubim

atque Seraphim Dominum
collaudant ;

7 b. Ubi exsultat

sancta angelorum semper
caterva,

8 a. Dulci personans cum voce,
psallendo simul
harmonica carmina ;

8 b. Ubi decenter locata
''Quam beata
sanctorum sunt agmina!''

9 a. In terris qui sua

morti subdidere corpora

9 b. Pro Christo, omnium
rege, cui sit et gloria,

10 a. Virtus, honor, potentia,
splendor, iubilatio
per saecla aeterna;
huic simul astant
agmina

10 b. Angelorum caelestia,
''Trinitatem sanctam
cernentia
in gloria aeterna''

11a. Petimus,

ut cum sanctis frui
paradisi
possimus gaudiis

11 b. Cernere

et te Deum, natum

de virgine,

in fine temporum,

12. Qui cum patre et spiritu
es ante saecula.