106. De sancto Dagoberto.

1 a. Hic est contemptor regnorum
Vel delicti mundanorum,
Qui fulget inter sanctorum
Beata collegia ;

1b. Hic regalis genitura

Mundum sprevit, peritura
Linquens, sperans perman-
sura
Paradisi gaudia.

2 a. Ad Cale monasteria
Traditur ab infantia,
Eruditur scientia,
Spiritali gratia;

2 b. Eruditur, lucem dedit,
Quasi stella lumen edit,
Deum timet, Deum credit,
Dans legis iudicia.

3 a. Inde Remis vocitatur,
Semen spargit, exoratur
Ad plebis subsidium ;

3 b. Semen sanctum manu satum
Fructum dat, multiplicatum
Per Dei iudicium

4 a. Hinc ad patres remeavit
Ac devotus visitavit
Sanctum Dionysium ;

4 b. Hic pristinae menti datus
Est vir quidam insensatus
Per sancti suffragium.

5 a. Rotomagum visitatur,
De feodo disceptatur,
Iudicium retardatur,
Sed confestim comprobatur
Iniqui iudicium.

5 b. Sancto preces effundente,
Deo sedes evertente,
Ruunt consternata mente,
Sic luduntur et repente,
Dei providentia.

6 a. In Frisia conversatus
Audit duros ululatus
Captivorum, quos ligatus
Ferri stringit duplicatus
Et famis angustia.

6 b. Servus missus sceptrum gerit,
Sceptro regis claustra ferit
Et captivos mox eiecit,
Quisque domum suam quaerit
Cum magna laetitia.

7 a. Rex venari cupiens
Silvam petit gradiens,
Quae vocatur Vipria;

7 b. Dum venantur servuli,
Iuxta ripam rivuli

Tendit rex ad somnia.

8 a. Dormitans in latebris
Caelum videt, celebris
Ad quod ire nititur ;

8 b. Audito filiolus
Somnio malevolus
Vano lucro fallitur.

9 a. Hunc orat pro requie
Congaudens pecuniae,
Per verba fallaciae

Tendit rex ad somnium.

9 b. Mox arrepto gladio
Sanctum ferit histrio,
Hic tali martyrio
Caeli petit solium.

10 a. Corpus terra sublevatur,
Sathanacum deportatur
Ac devote veneratur
Per eius confinia.

10 b. Martyr Christi praeelecte,
Deo placens et perfecte,
Martyrio caelo vecte,
Duc nos ad caelestia.

11. Ipsum votis collaudemus,
Voce, corde exsultemus,
Ad beati suspiremus
Dagoberti gaudia.