70. De sancto Pantaleone.

1. Poli gyrator,
terra e sator,
sigillatim corda fingens
et praecepto laborem,

2. Spiritum suscitans
Pantaleonis
litteris imbutum
intellectus prosapia,
venustum corporis per decorem;

3. Sed virtus transcendit

vultus splendorem ;

datur medicinae

puer, qui curat animas,
gerens in corde Dei timorem.

4. Quem Hermolaus

capacem doni cognoscens

invitavit

ad fidem maternalis legis

pium sectatorem ;

5. Ipsius prece

serpens crepat, puer nece
literatur;

baptismi suscepit lavacrum
respuens errorem.

6. Caecum curavit,
genitorem convertit,
idola fregit,
thesauros dispersit,
mire paralysis
sanavit languorem.

7. Satanae livor

tyrannum hinc excitat ;
dat eculeo,
lampadibus urit ;
Christum habuit
poenarum extinctorem.

8. Manus torquentium aridae
fiunt ; missus in sartagine
plumbum candescens
refrigeravit ;
elementorum factor,
ut in camino ternis
quartus, similis
Dei nato, flammarum
fornacis destruxit ardorem.

9. Iactus mari petra soluta
salvus natavit ad littora ;
feris traditus
velut Daniel
leonum ora strinxit ;
rota sanctum non laesit,
perfidos stravit ;
orat, terra tremuit,
excelsum habens protectorem.

10. Postremo gaudens
addictus spathae,
vinctus ad olivam ;
liquefit

gladius, lictor credit,
orans exauditur,
nomen mutatur,
Christus hunc vocat
multum miseratorem.

11. Portus nautarum,
fractor laborum,
curator aegrorum
et hostis

daemoniorum dictus
anhelans truncatur ;
fructum dat arbor,
corpus niveum
lactis sudat liquorem.

12. O sancte Pantaleon, iunctus
Deo per amorem,

13. Aureola fretus martyrum
consecutus florem,

14. Serve fidelis, impetres
omnipotentem veniae
nobis largitorem,

15. Qui te donorum gratiae,
dotis virtutis, gloriae
fecit possessorem.

16. Prece, merito, Christe,

testis tui mundum, carnem,
diabolum dona vincere,
quod coronae sanctorum
nanciscamur fulgorem.