56. De sancta Katherina.

1. Ave, praesignis
martyr, dignis
colenda laudibus piorum,
tu gemma sanctorum.

2. Euge, regis nata,
Domino grata,
aevo puerili
senili

culta studio,
praeludio
morum
iam doctrix bonorum.

3. Virgo, legis formam
rectique normam
cupiens mature,
futurae
vitae sitiens,
abiciens
vana,
iam sensibus cana.

4. Te domus patris,

te suppellex tota matris
recognoscit heredem ;
urbs Alexandrina
tibi praebet sedem.

5. Te conficturam

Christus et triumphaturam
saevos hostes praescivit;
idcirco te suam
pugilem munivit.

6. Tu agnum caeli

sequens corde fideli,

dum Maxentii contemnis

furores,
martyres

superans facis doctores.

7. Tuque furentem

rotam teque terrentem
deiciens et sternens

paganos
in fide

roborasti christianos.

8. ''Hinc gentium
''dux convertitur,
quem regina credendo

sequitur ;
et obsequitur
incarceratae
caelorum coetus

tibi victrici beatae,
cui Dominus
Iesus Christus apparens

confortat te nihilominus.

9. ''Hinc manna verum
''tibi redditur
oranti, dum vox caelo

mittitur
et promittitur.
pro quibus oras
solamen, sicque
decollata lacte roras;
hinc subveheris
angelorumque manu

in monte Sina deponeris.

10. Fac fontem, viva
quem ut oliva
fundis, haec laesiva
peccatorum vulnera curare
nosque solidare,
ne superemur,
sed post criminum victoriam
coronemur.

11. Fac igni fero
nos et severo
non tradi, sed vero
reconcilia nos creatori ;
fac, ut temptatori
non succumbamus,
sed nocentium insidias
devincamus.

12. Audi nos,

nam te Dominus
sponsam suam honorat.

13. Salva nos,

'' Iesu, pro quibus
''Katherina te orat.

14. Da fontem tui lateris
nos emundare penitus
a labe sceleris,

15. Quo haustu indulgentiae
ducamur ad caelestia
manu clementiae.

16. Christianismi donum
fac nos bonum
custodire
teque sic sitire,
ut mereamur post exsilium,
auctor, ad te transire.