55. De sancta Katherina.

1. Digna Deo, Katherina,
virgo, martyr et regina,

2. Laudum vota suscipe,
peccati vincla solve,
te laudantes intuere
prece pia.

3. Rege Costo genita,
regi Deo sponsata,
complexu regio es
iucundata.

4. Caesaris vesanam
corripis tu latriam,
Maxentii spernens minas
poenas sitis, idola contemnis.

5. Carceris inclusa
residens in tenebris,
Porphyrium cum regina,
sophos victos mittis ad aeterna.

6. Plagas transit verberum
martyr mente devota,
rotas comminuit
virgo Katherina.

7. Lactis unda profluit,
caesam gladius stravit,
quam Sina mons digne
Christo conservavit.