11. In Resurrectione Domini.

1. Laudum quis carmine
unquam praevalet,
regum summe,
typica

maiestatis tuae promere,

2. Qui parenti supremo
deitate
coaequalis
omnia

potestate pari disponis?

3. Nam ante

huius mundi exordia
in patre callebas sophia,
per quam facta sunt omnia
quaeque

profert triplex machina.

4. Qui cernens

immersos esse barathro,
tua quos adornat imago,
propter nos factus es homo,
ut nos

solveres sanguine tuo.

5. Haec pridem

signavit sub typo

Isaac parentis
nostri immolatio,

mactabatur

aries pro quo Domino.

6. Te, Christe,

passurum pro mundo
Ioseph praenotavit

venditus in Aegypto,
nunc daturum

typicos victus populo.

7. Nam fueras praefiguratus
infernum fracturus,
cum Samson, vir inclitus,
leonem suffocavit
et portas hostiles disrupit.

8. Tu, Domine, es suave rubens
illius flos virgae,
quam fudit radix Iesse
generosa germine,
quo sunt praenotati prophetae.

9. Haec nostris

praenotantur patribus
o redemptor,

ceu sub umbra primitus,
quae nos verius
te monstrante cernimus.

10. Tu cuncta

procul fugas nubila
terrae reddens

tui vultus lumina,
quae morte tua
fuscabatur tremula.

11. Ecce, nunc perspicuo
cuncta ornantur

elementa sereno,
quia redisti

victor barathro.

12. Hinc et nos, o socii,
mente Dominum

sincera et humili
simul laudemus
carmine tali:

13. Sit patri laus summo,
qui levans criminum nos

caeno
haud pepercit proprio
propter nosmet filio.

14. Laus quoque sit nato,
pro nobis qui factus est

homo,
ut solvens nos tartaro
redderet paradiso.

15. Gloria compar sit pneumati
aevo omni.

1?. In Resurrectione Domini.

1. O, qui perenni residens

2. Potestatis solio
omnia ordinas,
sator, ab aevo,

3. Te verum et unum
confitetur omnis
terra Dominum,

4. Qui nos homines
tuis deliciis

eiectos condolens

5. Homo veneras,

per tuum sanguinem
deceptos revocans.

6. Inde virtutes caeli
et omnes angeli
aeque gratulantes
redempto homini

7. Tibi cum fulgurosis
tuique consciis
incessabiliter

proclamant ministris:

8. Sanctus, Sanctus, Hagios,
Domine virtutum
ac potentissime
rex exercituum,

9. Caelum, terras, maria
replesti gloria
tuae maiestatis

cuncta per saecula.

10. Tibi, Domine,

persultat hymnos consone
plebs tui adventus avida
ac futurorum praescia.

11. In bis laudibus

condelectantur optime
principes firmati pneumate
tropaea tua canere.

12. Interim dulcia

proclamant cantica
testium agmina
agni cruore albata.

13. Solum praecipue
te dignum carmine
supplici fatentur
sacerdotes libamine.

14. Ad tuam semper laudem
monachi conservant
vitam caelibem.

15. Ut tuus honor vivat,
virgines prudenter
lampades ornant.

16. His tam iucundis

placatus, Christe, canticis

17. Et nos exaudi

psallentes voce supplici ;

18. Et qui hominum causa
volens subieras
mortis acerba,

19. Fac nos horum consortes,
quos patrem repetens
patriae refers,

20. In qua laus est tibi perpes.